|
رد: الخلطة السرية لطريق الاحترافية (احترف الدعوم و المقاومات>فنى و رقمى<)
النهارده معادنا مع المكون الثالث Gann Math Levels فاكرين اخر مرة كنا بنحسب مستويات جان بناء على ايه و ازاى؟؟؟ افكركم انا 1 - نختار اعلى قمة او اقل قاع 2 - ناخد الجذر للنقطة 3 - (+ او - )مقدار الزاوية 4 - نربع تانى الناتج اللى طلع هنا برده هنستخدم اعلى قمة او اقل قاع برده مع مراعاة ان فى القمة هنطرح و فى القاع هنجمع ايه بقى مستويات جان الحسابية دى بقى؟؟؟ اول حاجة Square root ثانى حاجة square root of square root ثالث حاجة music ratio تعالو نشوف اول حاجة square root دى بقى يا سيدى خطواتها كالاتى 1 - نشيل العلامة العشرية 2 - تاخد الجذر للنقطة اللى انتى جايبها (اعلى قمة او اقل قاع) 3 - الناتج من عملية الجذر دى تطرحه من النقطة الاصلية و اللى يطلع تطرع منه ناتج الجذر تانى و هكذا لحد ما تطلع المستويات اللى انت عاوزها و دى طبعا ملهاش عدد تقف عنده او كده ممكن تكتفى بواحد او اتنين او تلاتة اى عدد يعنى مش مهم تعاول نشوف مثال عشان نفهم اكتر مثلا على الاسترالى دولار عند مستوى 1.0378 يوم 8 ديسمبر على فريم الاربع ساعات 1 - ناخد الجذر بعد ما نشيل العلامة العشرية هيطلع الناتج كده تقريبا 101.8724 2 - نطرح النتج بقى من النقطة اللى جبناها فى الاول لانها قمة يبقى نطرح 10378 - 101.8724 = 10276 تعالى بقى نحطها ع الشارت و نشوف تأثيرها ايه النقطة دى http://www.fx-arabia.com/vb/uploaded...1327667794.jpg http://www.fx-arabia.com/vb/uploaded...1327667863.jpg طب لو عاوز تطلع المستوى اللى بعد ده كمان؟؟؟ ناخد المستوى اللى طلعناه اللى هوا 10276 نطرح منه ناتج الجذر اللى طلعناه فى الاول هيبقى 10762 - 101.8724 = و طلع الناتج بقى و ارسمه و هكذ يا سيدى لو عاوز تطلع مستويات بعد كده متنساش لو النقطة اللى انت جايبها قاع يبقى هنجمع عشان عارف ان فى ناس هتتلخبط فى الحتة دى تعالو نتكلم عن تانى حاجة و هيا square root of square root هنا بقى يا سيدى بدل ما ناخد الجذر مرة واحدة هناخدة مرتين بمعنى افرض عندنا النقطة دى قاع 1.2626 و عاوزين نطلع مستويات جان عليها اول حاجة ناخد الجذر ليها بعد ما نشيل العلامة العشرية هيطلع الناتج ده 112.3654 هناخد للرقم ده الجذر تانى هيبقى 10.6002 و بعدين نجمع الرقم ده على النقطة الاصلية لانها قاع. و اضل اجمع على الناتج بقى الرقم ده لو انت عاوز تطلع مستويات اكتر و النقطة دى و اللى جاية مش هحط شارتات لانى متغاظ منكوا من المرة اللى فاتت فين الشارتات اللى قلتلكوا عليها؟؟؟؟ المرة دى بقى جرب وورينى بقى يا معلم لو عاوز تعرف اما نشوف انا ولا انتوا :mad: ثالث حاجة هنتكلم فيها انهارده و الاخير هيا music ratio زى كل مرة متعودين يبقى فى مستوى سحرى و هوا 1.05946 هنعمل بيه ايه بقى؟؟؟؟ هنجيب نقطنا اللى متعودين عليها بس المرة دى نجيب نقطة معروفة يعنى مثلا فى اخر 3 شهور او فى اخر 6 شهر ايه كان اعلى قمة او اقل قاع ليه؟؟ عشان هنا فى المستويات دى هتديك ارقام بعيدة شوية لو عملتها على نقط قريبه يبقى صعب انك تشوف تأثيرها دلوقت ف احنا هنعملها على نقط من زمان شوية عشان تعرف تشوف تأثيرها بس المرة دى لو قمة هنقسم على الرقم ده لو قاع هنضرب فى الرقم ده ناخد المثال بتاع الاسترالى دولار 1.0750 كان يوم 27 اكتوبر 2011 و المرة دى مش هنشيل العلامة العشرية 1.0750 / 1.05946 = 1.0146 عاوزكوا ترسموا المستوى ده ع الشارت و شوفوا الشارت اتأثر بيه ازاى لحد فترة قريبة و الله العظيم وهم بجد مش هتصدق طيب لو قاع اللى احنا جبناه؟؟؟ عندنا الرقم ده مثلا 1.2626 يبقى 1.2626 * 1.05946 = 1.3376 ارسموه و ابعتولى الشارت كده انا مستنى مش زى المرة اللى فاتت اما نشوف بقى هنكمل الموضوع ولا هنقضيها فرجه و خلاص :D كده يبقى خلصنا انهارده تابعونى فى مكون جديد و مهم جدا جدا جدا جدا جدا جدا من خلطتنا Market structure دمتم بود و متنسوش ترزعونى لايك لو المشاركة عجبتكوا :1 (82): |
رد: الخلطة السرية لطريق الاحترافية (احترف الدعوم و المقاومات>فنى و رقمى<)
يلا بقى عاوزين نشوف التفاعل بقى و احلى شارتات منكوااااا
|
رد: الخلطة السرية لطريق الاحترافية (احترف الدعوم و المقاومات>فنى و رقمى<)
انا عمري ما حبيت مواضيع جان ومكنتش بفهمها
مع موضوعك وطريقه شرحك انا استمتعت سوف اقرا الموضوع مره اخري واحاول التطبيق مين عارف يمكن اتعلم جان علي ايدك تحياتي لك وشكرا علي وقتك ومجهودك ارجو ان تستمر |
رد: الخلطة السرية لطريق الاحترافية (احترف الدعوم و المقاومات>فنى و رقمى<)
اسلوب رائع فى الشرح وفى انتظار المكون الجديد +1 لايك |
رد: الخلطة السرية لطريق الاحترافية (احترف الدعوم و المقاومات>فنى و رقمى<)
اقتباس:
و انا تحت امرك فى اى حاجة و ان شاء الله ربنا يعينى و استمر دعواتك شرفنى مرورك يا برنس اقتباس:
|
رد: الخلطة السرية لطريق الاحترافية (احترف الدعوم و المقاومات>فنى و رقمى<)
مشكور جدااااااا علي الشرح الرائع و اتمني منك استكمال الشرح .. و مرفق شارت اليورو دولار
http://s1257.photobucket.com/albums/ii504/m_egy/http://i1257.photobucket.com/albums/...ur-usd27-1.gif http://s1257.photobucket.com/albums/ii504/m_egy/ الشارت خطأ لكن حبيت اتأكد حيث انه من المفروض البدء من عند السهم (القاع) .. صح؟؟ ما هو تعقيبك علي احترام مستوي الـ 450 درجه بالرغم من الخطأ ؟؟ |
رد: الخلطة السرية لطريق الاحترافية (احترف الدعوم و المقاومات>فنى و رقمى<)
ارجو من حضرتك التوسع في شرح جان وخصوصا علاقه السعر بالزمن
والكلام الكبير ده كله ..انا عايز اتعلمه لاني زهقت من المؤشرات الكاذبه |
رد: الخلطة السرية لطريق الاحترافية (احترف الدعوم و المقاومات>فنى و رقمى<)
اقتباس:
انت لو عملتها صح من تحت هتلاقى المستوى اللى تحت 1.2626 لو طبقت عليه مستوى 450 هتلاقى النقطة اللى طلعت 1.3196 تقريبا فانت عملتها من فوق ف انت كنت قريب من المستويات دى ف هتديك نفس النتيجة و على فكرة الصفقة دى انا عملت عليها المستوى ده و اتوقعت انها هتطلع ل 1.3196 فى الوقت اللى كله قال انها نازلة لا محالة و اشتريت فعلا من 1.2840 و صبرت ع الصفقة اقل من اسبوعين و الحمد لله صابت الهدف بجدارة مشكور مرورك يا غالى اقتباس:
بس اوعدك انى احاول اعمل موضوع عن علاقة السعر بالوقت بس مقدرش اقلك امتى اما بالنسبة للمؤشرات ف انا نصيحتى ليك لا تعتمد على اى مؤشر مهما كان هوا لوحده فقط لازم تدعمة بالدعوم و المقاومات و الترندات و تابعنى فى دروسى اللى جاية و شوف اللى فات كمان ان شاء الله مع نهاية الخلطة بتاعتنا هتدخل صفقاتك من غير خوف و هتكون نسبة فشلها قليلة جدا لانك هتكون داخل من مستويات قوية جدا جدا جدا بعد تطبيق كل الحاجات اللى هنقولها .... تابعنى و ان شاء الله هتلاقى ضالتك هنا سلامى يا غالى |
رد: الخلطة السرية لطريق الاحترافية (احترف الدعوم و المقاومات>فنى و رقمى<)
اكيد متااابعين معااك طبعا ومتتءاخرش في الشرح في انتظارك واحلي لايك الي الاماااام عاشق سوق المال |
رد: الخلطة السرية لطريق الاحترافية (احترف الدعوم و المقاومات>فنى و رقمى<)
الموضوع ده جامد جدا شكرا يا باشا بجد احييك علي التوبيك المميز متابع...... |
| الساعة الآن 05:01 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com