|
رد: أيها المبتدئ اسال...استشير.
اقتباس:
بل البنك من يقوم بأخذ المصاريف .. وهذه المصاريف ترجع للبنك نفسه وحسب الذي تتعامل معه |
رد: أيها المبتدئ اسال...استشير.
دكتور اسامة انا بجد محتاج مساعده من حضرتك لاني انا فى الدرس الرابع بتاع الترندات الدعوم والمقاومات بس تايه مش عارف فين المقاومة وفين الدعوم حضرتك مش موضح انت بتقول السعر كسر الدعم وبقى مقاومة بس انت مش موضوح بالماوس فيين الدعم وفين المقاومة وفين السعر ده علشان انا توهت بجد |
رد: أيها المبتدئ اسال...استشير.
اقتباس:
بس ما تقلقش....شوية شوية كله بيتفهم وبالتعاون من الاساتذة الكبار هنا....الواحد بيفهم كويس لانهم مش بيبخلوا باى معلومة اولا:انت بتقول السعر ده فين؟ الذى يعير عن السعر هو الشمعة (ارتفاع الشمعة ..يعنى طولها قد ايه؟) ثانيا:انت مش عارف الدعم ده يبقى ايه؟ بص على نهاية الشمعة من تحت...عند هذه النهاية السفلية بيتكون الدعم (وهو عبارة عن خط افقى يتم رسمه عند هذه النهاية) ثالثا: انت مش عارف المقاومة تبقى ايه؟ بص على نهاية الشمعة من فوق...عند هذه النهاية بتتكون المقاومة (وهو ايضا خط افقى يتم رسمه عند هذه النهاية) رابعا:لاحظ ان الخطين يكونان افقيين ....و الشمعة(وهى التى تعبر عن السعر) تكون راسية....صح؟ اذا..لو شمعة جديد بتتكون لتحت( يعنى هبوط السعر) و اخترقت الخط الافقى ده(خط الدعم).......هنا بنقول انها كسرته ونزلت تحتيه بعد كده لما بتتكون شمعة تالية لها ..وتحاول الصعود لفوق(يعنى صعود السعر)...اما تيجى اثناء صعودها تحاول تكسر الخط الافقى اللى فوقيها(خط الدعم اللى احنا رسمناه قبل كده)......و ماتقدرش....هنا بقى نقول ان خط الدعم...اصبح مقاومة للشمعة الجديدة ارجو انى اكون افدتك انا حاولت اوصلك المعلومة بالبلدى كده......لاكن الاسلوب الاحسن هو اسلوب الاساتذة هنا فى المنتدى....وهم اللى انا باتعلم منهم :1 (105)::1 (105)::1 (105): بالتوفيق دايما.....ربنا معاك.......... |
رد: أيها المبتدئ اسال...استشير.
انا بقى لية سؤال:
انا النهاردة حوالى التاسعة صباحا دخلت صفقات بيع على البوند دولار-سعر الدخول هو سعرBid (اللى هو سعر السوق) -و الهدف 5 نقاط-ولالسبريد 4 نقط- ولاحظت الاتى: 1-اول صفقة:تم التنفيذ بالضبط عندما هبط سعر السوق 5 نقط السؤال:طيب ما هو كده ماخدش الاسبريد بتاعه؟ 2-تانى صفقة:انا حطيت الهدف برده 5 نقط ولكنه المرة دى ....اول ما دخلت الصفقة..لاحظت انه مزود على سعر السوق اللى فى الشارت 4 نقط وبالتالى عندما وصل سعر السوق اللى على الشارت للهدف بتاعى...لم ينفذ امر البيع ولكنه انتظر الى ان هبط السعر كمان 4 نقط وبعدين نفذ امر البيع يعنى ب4 نقط فرق عن الهدف اللى انا حطه -يعنى مرة ينفذ زى ما انا عايز ومرة تانية ينفذ زى ما هو عايز--انا مش فاهم ليه كده؟ --ولاحظت ان الحركة دى (انه يزود عن سعر السوق) بتحصل كتير فى زوج البوند دولار--والنهاردة لاحطتها على زوج الاسترالى ين --ياريت التفسير 3-عايز اعرف هو بياخد الاسبريد امتى فى صفقة البيع؟ (لانى عارف انه فى صفقة الشراء بيبقى واخده مقدما-لانى باشترى بسعر اعلى من سعر السوق بمقدار الاسبريد) ..........والف شكر على تعبكم................. |
رد: أيها المبتدئ اسال...استشير.
اقتباس:
اخى الحبيب اسمح لى ان اتواصل معك الى أن يأتى د / اسامه حاملاً معه مزيد من الايضاح ببساطه شديده يا اخى السعر على الشارت يتحرك فى صورة من الصور الاتيه اتجاه صاعد ... ترند أب ... ــــــــــــــــــــــــــــــــــــــــــــــــــ ـــــــــ ( من خلال الحركه أعلى ترندات صاعده او فى قنوات صاعده ( و القناه خطان متوازيان تقريبا ) ) اتجاه هابط ... ترند داون ... ــــــــــــــــــــــــــــــــــــــــــــــــــ ــــــــــ ( من خلال الحركه اسفل ترندات هابطه او فى داخل قنوات هابطه ) اتجاه عرضى .... سايد واى ... ــــــــــــــــــــــــــــــــــــــــــــــــــ ــــــــــــــ ( حيث يتذبذب السعر فى نطاق عرضى و ممكن يكون فى قناه عرضيه ) جميل يا ريس ........................... *** فى حالة الاتجاه الصاعد يتم رسم الترند الصاعد اسفل قيعان الشموع ....... حتى اذا ما كسر السعر هذا الخط هبوطاً فهذا دليل على تغير الاتجاه للهبوط http://fx-arabia.com/vb/uploaded/9_01304023530.png http://fx-arabia.com/vb/uploaded/9_11304023530.png ..................................... *** و فى حالة الاتجاه الهابط يتم رسم الترند الهابط اعلى قمم الشموع ......... حتى اذا ما اخترق السعر هذا الخط صعوداً فهذا دليل على تغير الاتجاه للصعود http://fx-arabia.com/vb/uploaded/9_11304024001.png .................................... و كما قلنا ان التحرك الصاعد او الهابط او العرضى قد يكون داخل قنوات سعريه صاعده او هابطه او عرضيه فالسعر قد يتحرك هابطاً داخل قناه و هنا تكون بداية التوجه الصعودى مع التحرر من تلك القناه الهابطه بإختراق الحد العلوى للقناه الهابطه http://fx-arabia.com/vb/uploaded/9_11304024375.png و السعر قد يتحرك صاعداً داخل قناه و هنا التوجه الهبوطى او تغير الاتجاه للهبوط تظهر علاماته مع كسر الحد السفلى للقناه الصاعده http://fx-arabia.com/vb/uploaded/9_11304024542.png كما ان السعر فى حال تحركه العرضى قد يكون من خلال قناه عرضيه و التحرر من تلك القناه يعنى التحرك الصاعد اذا ما اخترق السعر الحد العلوى للقناه او يعنى التحرك الهابط اذا ما كسر السعر الحد السفلى للقناه http://fx-arabia.com/vb/uploaded/9_11304024937.png http://fx-arabia.com/vb/uploaded/9_11304025572.png معايا يا ريسنا عرفنا التحركات السعريه و عرفنا متى يتغير الاتجاه الاتجاه يتغير مع الكسر لأسفل او الاختراق لأعلى كما أسلفنا الايضاح نيجى سعادتك على الدعوم و المقاومات فاصل ثم نواصل سيدى الفاضل |
رد: أيها المبتدئ اسال...استشير.
متشكر جدا يا أستاذ سامي وجزاك الله كل خير بس ازاى تعرف ان ديه مقاومة او ديه دعم شكلها بيبقى عامل ازاى يعني انا شايف كلها خطواط فمتلغبت
فانا شايف خطواط كتيرة جدا مش عارف ديه مقاومة ولا دعم ولا شمعة ولا ايه بالظبط مع العلم اني لسه فى الدرس الرابع |
رد: أيها المبتدئ اسال...استشير.
عدنا سيدى الفاضل ................................ الدعوم و المقاومات ................................................. المقاومه هى النقطه السعريه التى قاومت صعود السعر فإرتد من عندها هبوطاً قاومت صعود السعر و لذا يطلق عليها مقاومه إذن المقاومه تأتى بعد صعود و توقف هذا المد الصعودى فيهبط السعر من عندها جميل يا ريس ......... و العكس فى الدعم يأتى بعد هبوط السعر فيدعم السعر فيرتد صاعداً من عنده و من ثم فالدعم هو النقطه السعريه التى تدعم السعر بعد هبوط فتتسبب فى صعوده معايا يا ريس ...................................... و هناك مبدأ هام من اساسيات التحليل الفنى ألا و هو ( التاريخ يعيد نفسه ) ـــــــــــــــــــــــــــــــــــــــــ و نحن نستفيد من هذا المبدأ فى تحديد المقاومات و الدعوم السابقه كما تظهر بالشارت و التحسب لها بمعنى اننا ينبغى أن ننتبه الى المقاومات التى قاومت صعود السعر من قبل فقد تقاومه ايضاً اذا ما وصل السعر لها من جديد و كذلك الدعوم التى دعمت السعر من قبل قد يكون لها دور داعم للسعر اذا ما هبط السعر لها من جديد و هذا من مبدأ ان التاريخ يعيد نفسه .................................................. ..................... من الاخر لو السعر بيصعد بيصعد و وصل لنقطه هبط منه فهذه (( مقاومه )) قاومت السعر و لو السعر بيهبط بيهبط و وصل لنقطه صعد منها فهذه (( دعم )) دعمت السعر و نكرر نخلى بالنا كويس جداً من نقاط المقاومه و الدعم السابقه ممكن جداً تلعب نفس الدور تانى لو السعر عاد لها كما يظهر بالشارت التالى واخد بالك يا ريس السعر ينزل لنقطه و يصعد من عندها ثم هبط من جديد فإذا بنفس النقطه تتسبب فى صعوده مرة اخرى ثم يهبط بعد مده فإذا به يصعد للمرة الثالثه من نفس النقطه ....... هو ده بقى يا ريس التاريخ يعيد نفسه و نفس الامر قد يحدث مع المقاومات ..................... فاصل و نواصل سيدى الفاضل |
رد: أيها المبتدئ اسال...استشير.
معايا يا ريسنا انا مع حضرتك خطوة بخطوة ............. صلى على سيدنا رسول الله .................................................. ....... اتفقنا فيما سبق ان المقاومه نقطت قاومت صعود السعر فيما سبق و لأن التاريخ يعيد نفسه فقد تقاومه من جديد مثال اليورو دولار بالشارت التالى ستجد ان السعر 1.5145 يمثل نقطه مقاومه لأنها قاومت صعود السعر من قبل و هبط من عندها ماشى يا ريس و بعدما هبط السعر لفترة بدأ فى الصعود من جديد طيب السعر وصل الان كام ؟؟؟ من الشارت 1.4833 يبقى نخلى بالنا ممكن يكمل صعود الى أن توقفه المقاومه المذكورة 1.5145 و يبدأ تانى ينزل من عندها .................................................. ........ ماشى يا فندم ............................ طيب اذا السعر اخترقها صعوداً ( و لم ينزل من عندها ؟؟؟ ) تتحول هذه النقطه الى دعم للمستوى السعرى الاعلى منها ما هى المقاومه بتكون فوق و الدعم بيكون اسفل فإذا ما تم اختراق المقاومه ستكون هى اسفل ( للمستويات السعريه الاعلى منها ) و يمكن حينها اعتبارها دعماً لو هبط السعر لها من جديد بعد اختراقها ممكن تتسبب فى دعم السعر فيعاود الصعود من جديد هذا و الله اعلى و اعلم |
رد: أيها المبتدئ اسال...استشير.
ايه الحلاوة دى يا ا/سامى....شرح جميل جدا
لو سمحت انا طمعان لو ممكن حضرتك تعملنا اى دروس فيديو لانى بصراحة انا باتنشا على اى فيديو لاى واحد من الكبار هنا ....ربنا يقويك........ |
رد: أيها المبتدئ اسال...استشير.
جزاك الله كل خير يا استاذ سامي
وانا مع الاخر nadmondo فى نفس الفكرة ديه اسيبكوا انا اروح اراجع الدرس الرابع تاني احول اشبكه مع اللي حضرتك قولته وانشاء الله اطلع بفايدة |
| الساعة الآن 09:13 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com