المشاركة الأصلية كتبت بواسطة z3em (المشاركة 265310) اكيد متااابعين معااك طبعا ومتتءاخرش في الشرح في انتظارك واحلي لايك الي الاماااام عاشق سوق المال

المشاركة الأصلية كتبت بواسطة أحمد الديب (المشاركة 265311) الموضوع ده جامد جدا شكرا يا باشا بجد احييك علي التوبيك المميز متابع......

المشاركة الأصلية كتبت بواسطة z3em (المشاركة 265314) موضوعك جميل بس ممكن تزود شوية في التفاصيل حضرتك اتكلمت النهاردة عن price action النقاط الذي يحترمها السعر وازاي النقاط المقاومة القوية لما بتكسر تتحول ايضا الي نقاط دعم قوية بيحترمها السعر في انتظاار المزيد من التفاصيل الفوركسوية تحية جااامدة اوي الي المبدع د/ اسامة عادل

بسم الله الرحمن الرحيم


اللى فات اتكلمنا عن رياضيات و عمليات حسابية كتير
كتير مننا مكنش مصدق ان ده له تأثيره على الشارت
و البعض صدق دلوقتى و البعض الاخر لسه زى ماهو
انا نصيحتى للناس انها تستخدمهم , تثق فيهم , تخليها تعمل لصالحك ع الشارت
لو مستحيله لعقلك انك تستخدم الكلام ده او بتستخدموا و انت مش مقتنع بيه
سيبك منه خليك زى مانت لان ببساطة لو ماستخدمتوش و وثقت فيه لصالحك هيتقلب ضدك

بس كده ده كان كلامى للناس اللى مش مقتنعة بجان و مستوياته

نيجى بقى لكلامنا انهارده عن حاجة مهمة للغاية

MARKET STRUCTURE

لما نتكلم عن ال Market Structure يبقى بنتكلم عن المستويات السعرية الماضية

هنحط نقط على الشارت لو السعر جه عندها لازم يتأثر بيها . ف احنا هنا هنهتم ب ال high و ال Low بتاع Old Pivot
طيب احنا هنا هنسأل ازاى بنقيس قوة ال Pivot ؟

فى مصطلح جديد ممكن تكون اول مرة تسمعه و هو ال Ring Pivot و ده هنقيس بيه قوة ال Pivot اللى عندنا سواء كان قمة او قاع

طيب ايه هوا ال Ring Pivot ده؟

ببساطة شديدة انك تشوف عندك القمة, اى قمة تشوف عدد الشمعات اللى على يمينها و على يسارها و قوتها بتزيد كل ما زاد عدد الشموع بشرط الا تتعدى احدى الشموع التى على الطرفين خط القمة ازاى يعنى مش فاهم؟؟؟؟ الصورة هتوضح كل حاجة

http://www.fx-arabia.com/vb/uploaded...1328053528.png

و انا من رأيى من اول 9 شموع و انت طالع بيدينا Pivot قوى و يسمى ال Ring Pivot على عدد الشموع
مثال
لو كانت 9 شموع يبقى nine's ring Pivot و هكذا.....

و هنا هنستخدم Time frames زى 15 , 30 , 60 , h4 , daily , monthly

بس خلى بالك التحليل على الفريمات الزمنية الصغيرة بيبقى حرج جدا و هيديك نتايج مختلفة ف لو انت عاوز مصداقية اكبر ابدأ من فريم الاربع ساعات فما فوق

فى عندنا حاجتين بقى ياسيدى

اول حاجة Current Pivot High / Low و دى السعر بيبقى لسه موصلش ليها زى الصورة دى

http://www.fx-arabia.com/vb/uploaded...1328053601.png

و الحاجة التانية Old Pivot High / Low و دى اللى هنهتم بيها اكتر و دى السعر بيكون وصل ليها قبل كده و اتأثر بيها ف تعمل كمقاومة اذا كانت دعم سابق و تعمل كدعم اذا كانت مقاومة سابقة و الصور توضح اكثر ما اقول

http://www.fx-arabia.com/vb/uploaded...1328053635.png

و هنا عملت كدعم لانها عملت كمقاومة سابقة
http://www.fx-arabia.com/vb/uploaded...1328053673.png

و لما ييجى السعر عند المناطق دى لازم يتأثر بيها و انه مع احتمال 90 % انه لن يخترق هذه المستويات من المرة الاولى
على الاقل و يرتد السعر عندها. فى المناطق دى بتكون مناطق صفقات ممتازة و خصوصا اللى شغالين Scalping

و دى هتفيدك اكتر لو انت Swing Trader لانها قوية جدا على الفريمات الكبرى اما لو انت day trader يعنى بتشتغل على الفريمات االصغيرة ف بيكون تأثيرها لس قوى بما فيه الكفاية ك الفريمات الكبرى

ملحوظة : تفقد هذه المستويات قوتها بعد وصول السعر لها عدة مرات فى نفس الوقت و عندما يخترقها تستعيد قوتها عند وصول السعر لها مرة اخرى


عاوز اشوف شارتات ليكم ل old pivot highs
و current بردوا و نشوف ازاى السعر وقف عندها و اعتبرها مستويات قوية
و ياريت اللى مش فاهم حاجة يسأل و انا اوضح

لنا تكملة بسيطة مع ال Market Structure فى المرة القادمة
و سوف ندخل ايضا فى مكون جديد و هوا Fibonacci reltionships



اترككم الآن و دمتم بود




و خليك جدع و اضغط على لايك لو عجبتك المشاركة :1 (105):

بسم الله الرحمن الرحيم

النقطة الاخيرة الباقية من market structure و هي ال gaps
كلنا عارفين ال gap طبعا و قليل لما بتتكون
بس فى حتة مناخدش بالنا منها اوى ان منطقة ال gap دى اول ما السعر بيملاها و يوصلها غالبا ما يعكس السعر عندها على الاقل 30 الى 40 نقطة و بيعكس اكتر من كده كمان بس ده على الاقل.
و ان كان فتح فى الاتجاه العام فبعد ما بيملا ال gap غالبا انه بيرجع يكمل فى اتجاه العام تانى

تعالو نشوف الصور دى و هيا اللى هتتكلم

http://www.fx-arabia.com/vb/uploaded...1328446633.png

و شوف ده كمان

http://www.fx-arabia.com/vb/uploaded...1328446808.png

و طبعا دول اللى كانوا واضحين قدامى اوى بصراحة كنت بمشى الشرت بسرعة عشان اشوف اى حاجة واضحة اوى مكنتش بدقق
لو دورت انت هتلاقى كتييييير اوى و قليل جدا لما مش بيرد

و كده خلصنا ال market structure

اما بقى المكون التانى من خلطتنا اللى هوا fibonacci relationship

ف مش هلاقى احسن من شرح الدكتور اسامة يتكلم عنه .

هنا فى الفيديو ده

http://www.youtube.com/watch?v=fwAmUjzLyNw

http://www.youtube.com/watch?v=P2JlaFPjCJo





سامحونى لو كنت بتاخر فى الحاجات الجديدة و لكن نظرا للاحداث اللى بتمر بيها مصر ربنا يحفظها يارب من كل سوء


المرة الجاية ان شاء الله هنشوف ازاى نطبق كل اللى اخدناه ده مع بعض
و نشوف فرص حية مع بعض بأذن الله


و بعدين نرجع نكمل بأذن الله خلطتنا تانى مع point of pain




اوعى تنسوا تضغطوا على لايك لو المشاركة عجبتكوا

ايه الجمال ده ايه الحلوه دي اكيد لايك و 100 لايك

موضوع كان رائع بل اكثر من رائع

ونرجوا اخى ان تكمله