![]() |
رد: تنبيه و تحذير من شركة كيو نت Qnet
|
رد: تنبيه و تحذير من شركة كيو نت Qnet
اقتباس:
أتعرف ما المحزن يا أخي؟ المحزن في الأمر أنه و بعد فترة من الزمن , عندما يتبين للجميع بأن الأمر كان فقط منفعة للحيتان الكبيرة اللي فوق و للشركة طبعا, و الكل يشكي لله مصيبته و يدعو على كل من روج لهذه الشركة , سنجد صغار المطبلين أمثال حضرتك , لا صوت لهم و لا مشاركة. الله المستعان. |
رد: تنبيه و تحذير من شركة كيو نت Qnet
اقتباس:
مطبلين؟؟؟؟؟؟؟؟؟؟؟؟؟؟؟؟؟؟ نوكومنت ياريت تاخود بالك من الفاظك قبل ماتقلها الاول |
رد: تنبيه و تحذير من شركة كيو نت Qnet
للأستاذ الي رد على كاتب المقال والي بيثبت صدق الشركة
آسف الشركة دي نصب في نصب وأتمنى من كاتب المقالة الي بيدافع عن الشركة انه يتقي الله في نفسه وماله وأخوانه من المسلمين ويعرف ان كل انسان بيتنصب عليه من الشركة دي ربنا هايسأله عنه يوم القيامة الموضوع الي كتب عنه د.أسامة سليم ميه في الميه ومع الأسف الي بيدافع حظه سئ لأن الي بيكتبلكوا الآن هو واحد من ضحايا هذه الشركة بالفعل في البداية هاتلائوا واحد من أصحابكوا الي وقع في الخية بيتصل بيكوا وبيألوكوا هذا الشئ (أبسط يا عم المشروع الي كان نفسك فيه انا لأيته وممكن تكون معايا شريك وأرباحه في السما) وطبعا دي رسالة بيكونوا محفظينهاله ولما تساله عن المشروع هيأولك في انترفيو تعالى وشوف ولما تساله أي سؤال هايرفض يجاوب بشدة وطبعا عشان يثير فضولك ولما تروح مش هاتروح في مكتب أو مقر للشركة ، هاتلائي نفسك في كافتريا مع صاحبك وواحد تاني المفروض انه هو الي دخل صاحبك فيها وبخلاصه عشان تنضم للشركة لازم تدفع ما يقرب من 4000 إلى 5000 جنية مقابل منتج وبعدين تبتدي ما يطلق عليه شغل وكل شغلك انك تحاول تجيبلهم كل صحابك ومعارفك عشان يوقعوهم وكل ضحيتين تجيبهم ليك عليهم مبلغ من المال وطبعا في حد هايسئلني طب فين النصب النصب ان مافيش منتج زي ما حصل معايا دفعتلهم 5000 جنية مقابل ساعة سوسري والي ما وصلتنيش من حوالي سنتين إلى الآن النصب انك ما ينفعش تديهم المنتج وتاخد فلوسك لما تلائي نفسك ما بتعملش فلوس النصب لما تسألهم عن الأربحا هايلزأوها فيك وياولولك انك انت الي ما بتشتغلش وطبعا لما تسئلهم عن السبب الي منع المنتج أنه يجيلك يأولولك أصل في مشكلة في الشحن أصل في مشكلة في شركة الساعات أصلي ابن خالة الشركة مات والعزا بكره وخد من أصلي دي كتير أنا كان الماناجر بتاعي شخص قبطي اسمه نعيم والي فوقيه كان واحد اسمه مايكل وكانوا بيعملوا مهرجنات في فنادق وكانوا حتى بياخدوا من الناس فلوس لمقابل الحضور ولو أولتلهم مش حابب أحضر يأولولك الموضوع مهم وبدونه مش هاتعرف تعمل فلوس مع الأسف حتى ما ينفعش تعمل قضية لأن ما بتاخدش منهم وصل كتابي بالمبلغ الي خدوه طبعا لما تشترك أغلب الناس ما بتعجبهمش الفكرة وبتلائي نفسك دفعت فلوس مقابل منتج ماكنتش محتاجة ويا ريته بيجيلك ومع الأسف لو صحابك عجبتهم الفكرة واشتركوا يبأى أنت أخدت فلوس عن ضحايا للنصب وخمش أي ضحايا دول أهلك وناسك ومعارفك أنا يا جماعة ماليش في الكومبيوتر جامد بس أعرف انك ممكن تاخد صورة لصفحة على النت يا ريت لو واحد فيكم يعرف يأولي وأنا هاصورلكم صورة من أيميلي وفيه ايميلات من الشركة ليا كواحد من أعضائها ودا هايساعدنا نحاول ننقذ ناس تانية أتمنى من الله أن ربنا يوفق د.أسامة في انقاذ الناس الي ممكن يقعوا في براثن الشركة واتمنى من كل واحد صاحب ضمير أنه يشارك في كشف هذه الشركة النصابة وأتمنى من الله ان المحترم الي بيدافع عنها يتوقف ويخاف ربنا ويتقى الله ويحاول يرجع للناس الي اتنصب عليها فلوسها من الشركة دي وينأى بنفسه عنها ويبطل يأكل ولاده حرام والله يا يا جماعة انا مازال عندي سؤال مش لائيله إجابة أزاي النصابيين بيجلهم نوم لا حول ولا قوة ألا بالله الله ما بلغت الله ما فاشهد |
رد: تنبيه و تحذير من شركة كيو نت Qnet
1 مرفق
اقتباس:
افتح الصفحه اللى انتا عايز تصورها واتك على print screen وافتح برنامج الرسام http://fx-arabia.com/vb/attachment.p...1&d=1317505814 وبعدها حتختار الاختيار اللى جمب السهم وتتك كليك يمين وتضغط paste ولما تخلص اضغط على file ثم save as واختار المكان اللى حتحفط الصوره فيه واختار save type as اختار jpg |
رد: تنبيه و تحذير من شركة كيو نت Qnet
اقتباس:
بص يا استاذنا الفاضل انا لما وصلت لجملة اشتريت ساعة سويسري من سنتين وموصلتنيش لغايت دلوقتي ؟؟؟؟؟؟؟؟؟؟؟؟؟ لا كده في انه لان اسأل اي حد اشتري منتج اذا كان من المعارضين للشركة او اللي شغالين فيها حيقلولك وصلت حضرتك بقي (الله اعلم ) عموما انتم مش حتصدقوا الا لما تلاقي الشركة ليها مقرها الرسمي في مصر ومكاتبها في كل حتي وبعديها حتقولوا ياريت وبرضو استفتي قلبك لو مش عجباك متدخلش وريح دماغك وريح دماغنا بالتوفيق |
رد: تنبيه و تحذير من شركة كيو نت Qnet
1 مرفق
أدي حضراتكم صورة لتعاقد الشركة النصابة معايا
أما الأستاذ الي مازال بيدافع وبيأول انكم مش هاتصدقوا الا لما يكون ليها فرع رسمي فاحب أقولكم ويعني ايه مقر رسمي هو المقر الرسمي دليل نهائي على مصداقية الشركة اه يعني مقر رسمي الريان كان ليه مقر الرسمي وميت شركة نصابه لسه إلى الآن ليهم مقر رسمي والشركة الصينية الي قفلتها الحكومة كان ليها مقر رسمي وعز ومصنعه ليه مقر رسمي فضلا عن الحزب الوطني ومبارك كان ليهم مقر رسمي دا تشريع للنصب بإعطائه مقر رسمي أما قضية انها وصلت للناس المنتجات والعيب مني (على أساس يعني أنه جالي وانا الي فأري وما رضيتش اخده) فاحب أقولكم وللأستاذ ان جزء من الفلوس الي دفعتها ليهم بتشمل توصيل المنتج لحد بيتنا من خلال شركة دي اتش أل ولازم أمضي على ايصال استلام والكلام دا طبعا الي بيقولوه للضحايا ودا الي ما بيحصلش فضلا عن اني اتصلت بالليدر أو زعيم العصابة الي بيكون ألآلاف مؤلفة من أموال الضحايا وكان بيأولي أديني تفاصيل الأكونت بتاعك وانا هابعت للشركة وفي الآخر اتهرب وغير النمرة وأحب أذكركم أنه لا يمكن لأنسان انه يعمل قرش واحد من الشركة دي ألا لما يجيب غيره وغيره دول بيكونوا من أهله أو معارفه أو أصحابه وأنا والله باحمد ربنا أن الأمر اقتصر عليا أنا بس بدل ما اجيب ناس من معارفي أكل من وراهم فلوس حرام ويدعوا عليا بعد كده يا ريت حضرتك تراجع نفسك وتراجع ضميرك قبل ما تروج لشركة هدفها أكل مال الناس بالباطل [IMG]file:///C:/Documents%20and%20Settings/kimo/Desktop/1.JPG[/IMG][IMG]file:///C:/Documents%20and%20Settings/kimo/Desktop/1.JPG[/IMG] |
رد: تنبيه و تحذير من شركة كيو نت Qnet
اقتباس:
حضرتك كلمت زعيم العصابه ومردش عليك وكمان غير نمرته حضرتك مسمعتش عن حاجه اسمها ميتنج اسبوعي بيتعمل وفي شهري يعني زعيم العصابه لما غير نمرته سلمت انت بقي خلاص وقلت اتنصب عليه وجاي بعد سنتين تتكلم دلوقتي ؟؟؟؟؟؟؟ نو كومنت كلام غير منطقي غرضه التشهير |
رد: تنبيه و تحذير من شركة كيو نت Qnet
والله يا أخي ما عارف أأولك ايه لكن أخشى في يوم من الأيام أنك تقع في مصيبة (لا قدر الله) ويكون كل رد فعل كل الناس اللي حواليك انهم بدل ما يساعدوك أو يخففوا عنك يكدبوك ويتهموك أنك بتفتري على غيرك
عموما أنا أنتهى كلامي معاك لأن الموضوع مش موضوع سؤ فهم لكن الموضوع أصبح سؤ نية لكن للاخوة الي في المنتدى اللي ممكن يظنوا بأني باعمل تشهير للشركة فاحب أأول أني مش محتاج أشهر لأن الشركة بالفعل مشهورة بالنصب ويكفي أنكم تدخلوا على الفيس بوك وتبحثوا عن كويست نت وانتم هاتلاءوا جروبات بالآلآف لناس أضحك عليهم أما الي شايف فيكم ان الي اتنصب عليهم من الشركة مغفلين وأنه واد مفتح ويعرف يجيب الفلوس من فم الأسد فكل الي أأدر أأوله ربنا يعينه اللهم بلغت اللهم فاشهد |
رد: تنبيه و تحذير من شركة كيو نت Qnet
اقتباس:
لا اقصد تجريحك باي حال من الاحوال ولكني اردت ان تسعي لحقك ان صح كلامك خصوصا اني اول مره اسمع بذلك والجروبات اللي حضرتك بتقول عليها مفتوحه ضد كيونت دي اولا في زيها واكتر لصالح كيونت ده مش موضوعنا الموضوع ان في ناس بتبقي داخله الشركة وفاكره نفسها حتبقي تاني يوم الصبح مليونير ولما ده ميتحققش يقولك دول عالم ولاد ..... ونصبوا عليه ويشهر بالشركة عشان يفش غله عموما بالتوفيق لك واقولها تاني استفتي قلبك اترك هذا الموضوع لان المشاركة فيه مبتجبش غير المشاكل وبدون جدوه |
الساعة الآن 06:53 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com