|
رد: توصيات رقمية و10 الاف نقطة شهريا ان شاء الله
ننتظر مزيد من المشاركة و التفاعل من الاخوة الكرام :)
|
رد: توصيات رقمية و10 الاف نقطة شهريا ان شاء الله
اقتباس:
وخيرا ان شاء الله ..تقبل تحياتى العطرة لك |
رد: توصيات رقمية و10 الاف نقطة شهريا ان شاء الله
* نقطة مهمة للغاية
- لاشك اننا انزلنا تحليلات لكثير من الأزواج ... ولعل اهمها اليورو ين ...والباوند دولار ...والباوند ين فاكرين قلنا ايه عن الباوند ... قلنا بلاش تبيعه وكذلك قلنا عن اليورو ين ..بلاش تبيعه والعبد لله متأكد ان الغالبية خاسرة من تلك الأزواج لأن الناس مازلت تعمل بذات الفكر ... اللى اشترى الباوند دولار وعكس عليه 50 نقطة هتلاقيه باع وكذلك هتلاقى اغلب الناس بايعة اليورو ين ..اصله منتظرينه ينزل !!! هذا الأسلوب فى التداول خطر للغاية ...من يلعب على التصحيح لابد وان يزوره المارجن كووول ..إلا اذا كانت محفظته كبيرة للغاية وتحتمل ياريت تجربة الباوند دولار ..واليورو ين ..والباوند ين ..تقدر تقنع الناس ان من يلعب على التصحيح هو الخاسر ... وان من يلعب على الإتجاه سيكسب فى نهاية الأمر ان شاء الله |
رد: توصيات رقمية و10 الاف نقطة شهريا ان شاء الله
وطبعا قلنا الدولار ين ..طالما فوق ال 100.00 يبقى اتجاهه صاعد
وقلنا لما يعكس اتجاهه هانقول ان شاء الله ... * وقلنا الأسترالى دولار تحت ال 9200 يعنى هابط سعادتك طالما لم يغلق شمعة 4 ساعات فوق 9200 اتفضل بيع لكن مش تروح تبيعه ب 9030 وتقولى اصله تحت ال 9200 يعنى من 9100 ل 9200 بيكون البيع على مراحل * النيوزلندى دولار ..قلنا قناة تجميعية من 8125 ل 8250 اشترى فيها وعلى مراحل واكسب كما تشاء طالما لم يغلق بشمعة 4 ساعات اسفل ال 8125 فأنت تسير بشكل جيد وكلها مناورات من صديقنا صانع السوق ... |
رد: توصيات رقمية و10 الاف نقطة شهريا ان شاء الله
هاكتب طريقة سهلة ..ممكن سعادتك تستخدمها مع التحليل الرقمى
هتساعدك شوية فى تحديد الإتجاه اليومى ..تعالوا نشوف |
رد: توصيات رقمية و10 الاف نقطة شهريا ان شاء الله
تلك طريقة يابانية قديمة ...وهى تعتمد على سعر الإغلاق
تشوف آخر سعر لهذا اليوم وتكتبه سعادتك ...ثم اليوم التالى هتلاقى فى نهاية اليوم آخر سعر ...هنا القصة كلها هتحدد سعادتك رقما معينا وليكن مضاعفات رقم 7 هتقول مثلا رقم 21 ...تمام كدة يوم الأثنين كان اغلاق الاسترالى دولار مثلا 9250 ويوم الثلاثاء اغلق الأسترالى عند 9230 ... 9250 - 9230 = 20 نقطة طالما اقل من الرقم الذى وضعته شرطا لكتابته يبقى مش هاكتب ال 9230 وهايكون ال 9250 هو اللى عندى ... ثم يأتى يوم الثلاثاء...ويصعد السعر ل 9265 9265 - 9250 = 15 ...وطالما اسفل ال 21 يبقى لن احسبه كأغلاق ثم يأتى يوم الأربعاء ويكون الاغلاق 9225 ...تمام 9250 - 9225 = 25 ...يبقى كدة الاغلاق عندى تغير * خلى بالك من أمر مهم ...وهو ان ايقاف الخسارة لك يكون بكسر مستوى آخر اغلاق لك بالرقم الذى حددته يعنى اذا تم كسر ال 9225 ب 21 نقطة لاسفل يبقى بيع واذا تم كسر ال 9250 لأعلى ب 21 نقطة يكون شراء |
رد: توصيات رقمية و10 الاف نقطة شهريا ان شاء الله
فيه ناس ممكن تاخد الطريقة وتقوم بتطويرها ..
يقولك انا هاحسب على الهاى بتاع الأمس ...لو السعر اليوم كسره بعدد من النقاط هاحسبه ...واذا لم يكسره بعدد من النقاط لن احسبه وكذلك بالنسبة لأدنى سعر ... وهناك من يفعلها ويقولك انا مش هاستخدم الإغلاق ..بل ساستخدم نقطة ارتكاز البايفوت ...وهى ايه ديه ياريس يقولك اللو + الهاى + الإغلاق / 3 ..... واحد تانى يقولك لا ياسيدى انا هاستخدم مع تلك الطريقة طريقة أخونا الحاج دى مارك ... وتبقى ازاى ديه ياريس ...يقولك ابدا انا هاشوف شمعة افتتاح اليوم الجديد اذا كانت اعلى من سعر اغلاق اليوم السابق .. يبقى الهاى + اللو + الإغلاق + اللو واذا كانت شمعة الافتتاح ادنى من سعر اغلاق اليوم السابق يبقى اللو + الهاى + الإغلاق + الهاى وإذا كانت سعر شمعة الأفتتاح = سعر شمعة الإغلاق يبقى اللو + الهاى + الإغلاق + الإغلاق طبعا اخونا دى مارك بيكمل الطريقة لشئ تانى ...وهو توقع اللو والهاى احنا مش عاوزين ده ..احنا هناخد منه لغاية كدة وهانقسم النواتج / 4 ...هايطلعلنا ناتج ونشتغل عليه طبعا بتجرب سعادتك كل هذا وبتضع ارقامك على ازواج العملات وستلاحظ امرا مهما مايصلح لزوج عملة لا يصلح للأخرى .. بل ان زوج العملة نفسه قد يغير من اعداداته فكن مرنا فى تلك الطريقة |
رد: توصيات رقمية و10 الاف نقطة شهريا ان شاء الله
اقتباس:
ومجهود رائع لك فى ورشة نظرية التحليل الرقمى .. شكرا جزيلا وتقبل تحياتى العطرة لك |
رد: توصيات رقمية و10 الاف نقطة شهريا ان شاء الله
ياريت الناس تجرب ..وتشتغل بنفسها ...لأن العبد لله مفترض انى اشرح شوية
فى الجزء التعليمى ..وللأسف بنتوقف فيه كثيرا لأن الناس ممكن تكون غير مستوعبة لنقطة فنوضحها حتى نكمل .. او ان السوق نفسه يجبرك ان تتوقف عن التعليم وتحلل لأن ممكن تلاقى كوارث بتحصل وناس بتفلس ولو بصيت ودققت هتلاقى ان الجانب التطبيقى بيخدم الجانب التعليمى دون شك الناس اصبحت عارفة طريقة العمل ..وكل فترة نطرح فكرة جديدة ان شاء الله ربنا يكرم الجميع من فضله .. |
رد: توصيات رقمية و10 الاف نقطة شهريا ان شاء الله
اقتباس:
كلامك كله صحيح يا بروفيسير علي وانا حققت في هذه الفترة مكاسب رهيبة من شراء الباوند وشراء الازواج المرتبطة بالين وكله بفضل الله وفضلك يا استاذ علي فعلا من يراهن علي التصحيح خاسر وانا من اول ما بدأت انفذ كلام حضرتك عمري ما قفلت صفقة خسرانة كل صفقاتي كسبانة بنسبة 100% انا ليا اربع اسابيع بنسبة خسارة 0 % نرجوا من الله الدوام تقبل تحياتي العطرة |
| الساعة الآن 11:59 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com