اف اكس ارابيا..الموقع الرائد فى تعليم فوركس Forex - تعلم تحليل الفوركس الفني والرقمي للدعوم والمقاومات

- منتدى تعليم الفوركس (https://fx-arabia.com/vb/forumdisplay.php?f=3)

رد: الخلطة السرية لطريق الاحترافية (احترف الدعوم و المقاومات>فنى و رقمى<)

اقتباس:

المشاركة الأصلية كتبت بواسطة أحمد الديب (المشاركة 283625)

هو الموضوع ده وقف ليه
دايما في اي منتدي عربي تلاقي
المواضيع الجامدة بتقف في النص مش عارف ليه :D :D

اقتباس:

المشاركة الأصلية كتبت بواسطة المحروم (المشاركة 284049)

ايه الجمال ده ايه الحلوه دي اكيد لايك و 100 لايك

اقتباس:

المشاركة الأصلية كتبت بواسطة مازن المشهداني (المشاركة 284111)

مشكور عالموضوع الشيق

اقتباس:

المشاركة الأصلية كتبت بواسطة ابو عافية (المشاركة 284172)

موضوع اكثر من رائع ونرجوا الاستمرار للافادة
جزاك الله كل خير

اقتباس:

المشاركة الأصلية كتبت بواسطة spiderhoof (المشاركة 284835)

موضوع كان رائع بل اكثر من رائع

ونرجوا اخى ان تكمله

مشكورين اخوتى على الرد الجميل
و لكن للاسف بعد ما تتعب ما تلاقيش حد يتفاعل معاك
فاكيد هتصاب بالاحباط لما متلاقيش حد يطبق ولا فى اهتمام
و انا شكرى مش انك تكتب كلمة (مشكور و متابع )
لا خالص ولا اى حاجة من دى
انا شكرى انك تطبق اللى انا بشرحه
شكرى احس ان فى ناس بتستفيد
مش اتعب فى الشرح و ملاقيش تفاعل
يبقى بلاها احسن و بلاش اتعب و بأذن الله انا ناوى
انزل ورشة للموضوع ده عشان انا عارف ان الناس مش عاوزة تتعب نفسها
و تتعلم ف انزل ورشة تحليلات و خلاص بس المشكلة الوقت عندى ضيق جدا
ف مش عارف انزل الورشة اليومين دول ربنا يسهل و اقدر اخدمكوا بأى حاجة
انا عنيا ليكوا والله

دمتم بخير

رد: الخلطة السرية لطريق الاحترافية (احترف الدعوم و المقاومات>فنى و رقمى<)

اقتباس:

المشاركة الأصلية كتبت بواسطة eng.rashidy (المشاركة 285962)

اهلا بيك ياشا
بس هية حكاية التفعال دة بتزعل لكن حضرتك بتعمل الى عليك
ومجهودك بين فية وبصراحة انتى بتحب الخير للجميع استمر فنتا الشمعة التى تنير فى الظلام
اشكرك مرا اخر على مجهودك وحبك لاستفادة الاعضاء

تقبل تحياتى

رد: الخلطة السرية لطريق الاحترافية (احترف الدعوم و المقاومات>فنى و رقمى<)

مين قال الناس مش عايزة تتعب نفسها
هو انت صوابع ايدك قد بعضها ؟
في ناس اكيد بتستفاد وتطبق وكل ماحد يشوف الموضوع هيستفاد
انا نفسي تكمل الموضوع بصراحة افضل من انك تعمل ورشة تحليلات
لا تعطني سمكة ولكن علمني الصيد

رد: الخلطة السرية لطريق الاحترافية (احترف الدعوم و المقاومات>فنى و رقمى<)

اقتباس:

المشاركة الأصلية كتبت بواسطة د/جابر (المشاركة 285972)

مشكور مرورك حبيبى و الكلام الجميل ده

اقتباس:

المشاركة الأصلية كتبت بواسطة أحمد الديب (المشاركة 286004)

عنيا انت تامر يا سيدى
ادعى انت بس اليومين اللى انا فيهم دول يعدوا
عشان الشغل فى الجو ده بهدلة اوى و حياتنا كلها تنقل من مدينة لمدينه
و الموضوع عاوز روقان عشان اعرف اديكوا اللى تستحقوه
مش مجرد كلام يتقال او كروته و اتحسب موضوع

دمتم بخير

رد: الخلطة السرية لطريق الاحترافية (احترف الدعوم و المقاومات>فنى و رقمى<)

اقتباس:

المشاركة الأصلية كتبت بواسطة eng.rashidy (المشاركة 264319)

النهارده معادنا مع المكون الثالث

Gann Math Levels

فاكرين اخر مرة كنا بنحسب مستويات جان بناء على ايه و ازاى؟؟؟
افكركم انا
1 - نختار اعلى قمة او اقل قاع
2 - ناخد الجذر للنقطة
3 - (+ او - )مقدار الزاوية
4 - نربع تانى الناتج اللى طلع

هنا برده هنستخدم اعلى قمة او اقل قاع برده
مع مراعاة ان فى القمة هنطرح و فى القاع هنجمع

ايه بقى مستويات جان الحسابية دى بقى؟؟؟

اول حاجة Square root
ثانى حاجة square root of square root
ثالث حاجة music ratio

تعالو نشوف اول حاجة square root

دى بقى يا سيدى خطواتها كالاتى

1 - نشيل العلامة العشرية

2 - تاخد الجذر للنقطة اللى انتى جايبها (اعلى قمة او اقل قاع)

3 - الناتج من عملية الجذر دى تطرحه من النقطة الاصلية و اللى يطلع تطرع منه ناتج الجذر تانى و هكذا لحد ما تطلع المستويات اللى انت عاوزها و دى طبعا ملهاش عدد تقف عنده او كده ممكن تكتفى بواحد او اتنين او تلاتة اى عدد يعنى مش مهم

تعاول نشوف مثال عشان نفهم اكتر

مثلا على الاسترالى دولار عند مستوى 1.0378 يوم 8 ديسمبر على فريم الاربع ساعات

1 - ناخد الجذر بعد ما نشيل العلامة العشرية هيطلع الناتج كده تقريبا 101.8724
2 - نطرح النتج بقى من النقطة اللى جبناها فى الاول لانها قمة يبقى نطرح 10378 - 101.8724 = 10276 تعالى بقى نحطها ع الشارت و نشوف تأثيرها ايه النقطة دى

http://www.fx-arabia.com/vb/uploaded...1327667794.jpg

http://www.fx-arabia.com/vb/uploaded...1327667863.jpg
طب لو عاوز تطلع المستوى اللى بعد ده كمان؟؟؟
ناخد المستوى اللى طلعناه اللى هوا 10276 نطرح منه ناتج الجذر اللى طلعناه فى الاول هيبقى 10762 - 101.8724 = و طلع الناتج بقى و ارسمه و هكذ يا سيدى لو عاوز تطلع مستويات بعد كده

متنساش لو النقطة اللى انت جايبها قاع يبقى هنجمع عشان عارف ان فى ناس هتتلخبط فى الحتة دى

تعالو نتكلم عن تانى حاجة و هيا square root of square root

هنا بقى يا سيدى بدل ما ناخد الجذر مرة واحدة هناخدة مرتين
بمعنى افرض عندنا النقطة دى قاع 1.2626 و عاوزين نطلع مستويات جان عليها

اول حاجة ناخد الجذر ليها بعد ما نشيل العلامة العشرية هيطلع الناتج ده 112.3654 هناخد للرقم ده الجذر تانى هيبقى 10.6002

و بعدين نجمع الرقم ده على النقطة الاصلية لانها قاع. و اضل اجمع على الناتج بقى الرقم ده لو انت عاوز تطلع مستويات اكتر

و النقطة دى و اللى جاية مش هحط شارتات

لانى متغاظ منكوا من المرة اللى فاتت فين الشارتات اللى قلتلكوا عليها؟؟؟؟

المرة دى بقى جرب وورينى بقى يا معلم لو عاوز تعرف اما نشوف انا ولا انتوا :mad:

ثالث حاجة هنتكلم فيها انهارده و الاخير هيا music ratio

زى كل مرة متعودين يبقى فى مستوى سحرى و هوا 1.05946

هنعمل بيه ايه بقى؟؟؟؟

هنجيب نقطنا اللى متعودين عليها بس المرة دى نجيب نقطة معروفة يعنى مثلا فى اخر 3 شهور او فى اخر 6 شهر ايه كان اعلى قمة او اقل قاع ليه؟؟
عشان هنا فى المستويات دى هتديك ارقام بعيدة شوية لو عملتها على نقط قريبه يبقى صعب انك تشوف تأثيرها دلوقت
ف احنا هنعملها على نقط من زمان شوية عشان تعرف تشوف تأثيرها

بس المرة دى لو قمة هنقسم على الرقم ده لو قاع هنضرب فى الرقم ده

ناخد المثال بتاع الاسترالى دولار 1.0750 كان يوم 27 اكتوبر 2011
و المرة دى مش هنشيل العلامة العشرية

1.0750 / 1.05946 = 1.0146 عاوزكوا ترسموا المستوى ده ع الشارت و شوفوا الشارت اتأثر بيه ازاى لحد فترة قريبة و الله العظيم وهم بجد مش هتصدق

طيب لو قاع اللى احنا جبناه؟؟؟

عندنا الرقم ده مثلا 1.2626
يبقى 1.2626 * 1.05946 = 1.3376

ارسموه و ابعتولى الشارت كده انا مستنى مش زى المرة اللى فاتت اما نشوف بقى

هنكمل الموضوع ولا هنقضيها فرجه و خلاص :D

كده يبقى خلصنا انهارده

تابعونى فى مكون جديد و مهم جدا جدا جدا جدا جدا جدا من خلطتنا

Market structure

دمتم بود

و متنسوش ترزعونى لايك لو المشاركة عجبتكوا :1 (82):

يا ريت تكبر الخط شويه في الشرح القادم بصراحه انا بشوف الكتابه بل عافيه

رد: الخلطة السرية لطريق الاحترافية (احترف الدعوم و المقاومات>فنى و رقمى<)

اقتباس:

المشاركة الأصلية كتبت بواسطة eng.rashidy (المشاركة 286203)

مشكور مرورك حبيبى و الكلام الجميل ده

عنيا انت تامر يا سيدى
ادعى انت بس اليومين اللى انا فيهم دول يعدوا
عشان الشغل فى الجو ده بهدلة اوى و حياتنا كلها تنقل من مدينة لمدينه
و الموضوع عاوز روقان عشان اعرف اديكوا اللى تستحقوه
مش مجرد كلام يتقال او كروته و اتحسب موضوع

دمتم بخير

تسلم يا غالي لذوقك
وربنا يوفقك لما فيه الخير ويقويك علي شغلك
واحنا منتظرينك بشوق
ومش هنسيبك الا لما تكمل الموضوع :1 (2):
عشان نعرف نتابع معاك بعد كدا اي تحليلات علي اساس علمي
في حفظ الله.....

رد: الخلطة السرية لطريق الاحترافية (احترف الدعوم و المقاومات>فنى و رقمى<)

ان شاء الله اليوم سوف نكمل الموضوع
و اخر مكونين من خلطتنا السرية
و بعد ايام ستكون انطلاقة ورشة الخلطة السرية
استعدوا و اربطوا الاحزمة :1:

رد: الخلطة السرية لطريق الاحترافية (احترف الدعوم و المقاومات>فنى و رقمى<)

بسم الله الرحمن الرحيم

اليوم سوف نتكلم عن POINT OF PAIN
و هيا المناطق التى يقع فيها المتاجرين و تسبب لهم بالخسارة فهى مناطق يصل اليها السعر و تكون فيها نزاع بين الاتجاه الصاعد و الهابط و يتحرك السعر فى اتجاه عرضى ولا تعرف له اتجاه معين و لكن فى نهاية الامر اتجاه واحد هو الرابح و لكن قبل ان يتحرك يترك خلفه كثير من المتاجرين الخاسرين.

تعالوا نتعلم ازاى نحد المناطق دى و ناخدها كمناطق دعم و مقاومة قوية جدا صعب انها تنكسر من المرة الاولى على الاقل و بما انها مناطق دعم و مقاومة فان قوتها تزول بعد وصول السع اليها عدة مرات كما تكلمنا من قبل

طيب ازاى نحدد المناطق دى؟؟؟؟ ببساطة جد هنروح على الشارت و نشوف اتجاه عرضى بعد اتجاه صاعد او هابط و يكون الاتجاه واضح سواء كان عرضى او صاعد او هابط و كما تكلمنا من قبل كلما كبر الفريم المستخدم كلما كانت المستويات قوية جدا و بعد تحديد الاتجاه العرضى نرسم خطين افقيين بحيت يحتويين اجسام الشموع المكونة للاتجاه العرضى وليست بالذيول تابع معى الشارت القادم و سوف تفهم ما اعنيه

http://www.fx-arabia.com/vb/uploaded...1333138660.png

و المناطق دى لو عرفت تحددها صح بتكون مناطق قوية جدا و تفيدنا جدا كدعوم و مقاومات
و كده خلصنا ال point of pain بشرح بسيط جدا و وجيز
باقى مكون واحد على الخلطة بتاعتنا و بعدها ستكون انطلاقة لورشة الخلطة السرية بأذن الله

ان شاء الله نكمل فى اخر مكون للخلطة بتاعتنا
dynamic support & resistance

لو عجبتك المشاركة ياريت تدعمنى ب لايك

رد: الخلطة السرية لطريق الاحترافية (احترف الدعوم و المقاومات>فنى و رقمى<)

ماشاء الله موضوع شيق جدا و محتاج تركيز بس للأسف شفتة اليوم بس وان شاء الله هتابع معاكم
في ميزان حسناتك باذن الله فالعلم صدقة جارية لا تنقطع حسناتها فلو اطلع علي موضوعك اي شخص و لو بعد 100 عام سيصلك ثمار مجهودك حسنات في ميزان حسناتك

رد: الخلطة السرية لطريق الاحترافية (احترف الدعوم و المقاومات>فنى و رقمى<)

متابعينك يا غالي دائما واحلى لايكات مني لمواضيعك
و تم رفع الموضوع على صفحة الفايسبو لتعم الفائدة