|
رد: ورشة عمل ( مستويات العرض و الطلب ) ... ( Supply & Demand Zone ) .
اقتباس:
و الله ما عارف أقولك أية :) أنت عايز تتعلم بجد و دي حاجة كويسة أوي و إن شاء الله تتقن هذه المستويات و تحترفها و تجني منها الأرباح الكثيرة إن شاء الله . الفيديو مش أنا اللي بترجمه , دة فريق في موقع أخر و إن شاء الله فور الإنتهاء منه هايتم وضعه هنا ... للأسف المترجم المختص في الموقع هنا متغيب لذلك فتم طلبه من الخارج . الترجمة , هي ترجمة سمعية . ومشكور جداً . |
رد: ورشة عمل ( مستويات العرض و الطلب ) ... ( Supply & Demand Zone ) .
السلام عليكم اخي ولو سؤال خارج عن نطاق الموضوع بس هو الدهب حرام على الميتاتريدر؟
|
رد: ورشة عمل ( مستويات العرض و الطلب ) ... ( Supply & Demand Zone ) .
اقتباس:
وبصراحة حتى لو كان حرام، اشارة وحدة من حيتان السوق ويتحلل الموظوع زي السلام اقتباس:
ولا تقولي حاجه. انا المفروض الي اشكرك. انا ولا حد مستفيد مني فالموقع :) انت الي تستحق الشكر والثناء على عطائك وبصراحة صار لنا كم يوم واحنا مترسمين مع بعض:1 (31): طيح الكلافه ياعم وخلينا حبايب واتشرف بمعرفتك |
رد: ورشة عمل ( مستويات العرض و الطلب ) ... ( Supply & Demand Zone ) .
النفط ماخذ اهتمامي من فترة قصيرة لانه هابط على كل الفريمات وهبوط حاد جدا لذالك حاولت ارسلم مستويات العرض والطلب واتمنا تفيدوني اذا كانت المستويات مقبولة
١: المثلث(مستوا عرض)، باين على الساعة اكثر من ٤ساعات ٢: المستطيل(مستوى عرض)، على ٤ ساعات ويومي ٣: الدائري (مستوى طلب)...الغريب هبوط الترند بقوة مع ذالك شكل مستوى طلب. وانا بصراحة شاك فيه لانه لم يستوفي شروط رسم مستوى الطلب لذالك حاب استشيركم ما مدا مصداقية المستويات خاصتي فالصورة ياليت تفيدوني واكون لكم من الشاكرين http://www.fx-arabia.com/vb/uploaded...1417827293.jpg |
رد: ورشة عمل ( مستويات العرض و الطلب ) ... ( Supply & Demand Zone ) .
رائع اخي الكريم العرض والطلب فعلا أداة قولة للغاية في سوق الفوركس تسجيل متابعة لهذة الورشة الرائعة تحياتي العطرة |
رد: ورشة عمل ( مستويات العرض و الطلب ) ... ( Supply & Demand Zone ) .
اقتباس:
أنت لو فاتح حساب حقيقي و عايز تكمل فيه و عايز تكسب ما تدخلش عكس الترند العام حتى لو لقيت فرصة أقل ما يقال عنها ممتازة لا تدخلها نهائياً , أما لو حابب تغامر و بتحب الطمع أدخل بس لو السوق قلب فجأة لا تندم و تقول هذا سوق نصب و محرقة للمال و الكلام اللي الناس بتقوله خصوصاً أنك ماشي بنظام ربح 3 أضعاف الأستوب , و دة بيقلل نسبة نجاح الصفقة اللي بتدخلها عكس الترند لان السعر بيعكس بس نقط بسيطة و مش تنفع مع طريقتك لأن أنت بكدة بتخاطر . مشكلة الناس اللي بتخسر , الناس بتحب تدخل عكس الترند + مش بتهتم بحالة السوق جيداً و تهتم بالأخبار بشكل رئيسي زي اللي حصل مع اليورو دولار , الكل أو ما دراجي قال مافيش تيسير كمية بدأ يشتري و انا قولت السوق هابط و وصل لمنطقة طلب قوية جداً على الأسبوعي , فكل اللي هايحصل هايصعد شوية بس مش اللي هو ممكن يقلب إتجاه الترند على الأقل طالما لم يكسر خط الترند الهابط + الدولار صاعد بقوة و كان لسة خارج من منطقة عرض فيعني صعب أوي الترند يقلب فجأة و بعدها بكام ساعة الدنيا أتقلبت تاني و اليورو دولار هبط و جه بعدها خبر بتاع المركزي الأوروبي أنه بيجهز كمية للتيسير الكمي و الزوج ما صدق كمل هبوط !!! بص , في سؤال جميل تم توجيهه لسام عن الأخبار و مدى تأثيرها على السوق و إجابة سام كانت : "أحب أن أكون على دراية بالأخبار المهمة إلا أنها لا تدؤي إلا ما كان مخطط له مسبقاً , بمعنى أخر ... مجرد عملية تسريع للحركة السعرية التي كانت سوف تحدث بأخبار أو من غير أخبار " . لو بصيت على اليورو دولار هاتلاقيه حصل نفس الكلام أرتد بقوة من منطقة طلب و بنفس الوقت كان و بعدها تراجع بقوة من منطقة عرض و الأخبار سرعت الحركة اللي كانت هاتحصل . طبعاً مش معنى كدة أننا نهمل الأخبار , بالعكس أحنا نحترمها جداً و ناخد حذرنا لأن مافيش حاجة بتسير في نفس الشيء أو تفعل ما تفعله بشكل دائم أو لا تخطأ بنسبة 100 % ... حتى البنوك و الشركات بتخسر من إستراتيجيتها و تحليلاتها في أوقات كثيرة . أهم شيء لا ندخل عكس الترند إلى أن يتم كسر الترند . لما نلاقي حركة في عكس الترند ننتظر وصول السعر لمنطقة المتوافقه مع إتجاه الترند سواء طلب أو عرض و الدخول منها بعد تأكيد من حركة سعرية أي كانت شكلها و بعدها ندخل في إتجاه الترند و نراعي الدعوم و المقاومات اللي على الشهري و الأسبوعي و اليومي القريبة من إتجاه الترند و الأهداف تكون عندها . طبعاً لازم نحلل الأندكس الخاص بكل عملة علشان زيادة الإطمئنان في الدخول . في حالة حدوث أرتداد و السعر صار في الأتجاه المعاكس ننتظر مثلما قلت و إن حدث أختراق للمنطقة و بعدها كسر خط الترند عندها ننتظر قليلاً إلى ان يتضح أتجاه الزوج بشكل جيد لأنها قد تكون موجة تصحيحية قوية و بعد تأكيد الإتجاه الجديد نبدأ الدخول معه و ليس عكسه . كمان لازم الإنتباه جيداً للترنداد الأفقية , الدخول يكون من أقوى المناطق و الدخول لا يكون بأهداف صغيرة و هذا لتقليل نسبة المخاطرة خصوصاً على الحساب الحقيقي . انا الحمد لله منذ بداية شهر 12 أي يوم 1 إلى يوم 4 محقق أكثر من 300 نقطة ما بين صفقات قليلة المدى و متوسطة المدى . قليلة المدى دي كانت بتبقى في الترنداد الأفقية و الدخول بيبقى لخطف نقاط صغيرة و الصفقات المتوسطة بتبقى في إتجاه الترند و بكتفي بنقاط ليست كثيرة بعض الأحيان بتكون ما بين 25 نقطة إلى 35 نقطة و الباقي بيبكون اما 50 أو 60 نقطة و بحمد ربنا على كدة , لأن أهم شيء عدم الطمع و لو راعيت دة ربنا هايراعيك أكثر و يعطيك أكثر و أكثر إنما الطمع أخرته وحشة , و طبعاً المثل بيقول إسأل مجرب و مش تسأل طبيب ههههههههههههههههههههه . كل دةو مش جاوبتك على ردك : أعتقد الهدف مما قلته قد فهمته ... منطقة العرض التي أخرجتها جيدة و منطقة الطلب كذلك و لكن الإتجاه هابط لذلك تركيزنا يكون على مناطق العرض بجانب الفريم اللي مستخدمه ضعيف , أقل شيء أستخدم فريم الأربع ساعات , و لازم تخالي بالك هل لو لقيت فرصة دخول من منطقة عرض في إتجاه هابط هل المنطقة متوافقه مع ترند يومي او أسبوعي أم لا ؟ لو لديك منطقة عرض و بنفس الوقت هناك منطقة طلب على يومي أو اسبوعي لا تدخل بكل تأكيد فهذا خطر جداً . بالتوفيق لك و للجميع إن شاء الله . |
رد: ورشة عمل ( مستويات العرض و الطلب ) ... ( Supply & Demand Zone ) .
اخي هيما
اولا اشكرك على النصائح القيمة التي تقدمها ما رأيك بفرصة البيع على زوج الباوند استرالي بهدف 300 نقطة |
رد: ورشة عمل ( مستويات العرض و الطلب ) ... ( Supply & Demand Zone ) .
اقتباس:
طيب ما تحدد هل هي فر ترند صاعد أم هابط على الشهري و الأسبوعي و اليومي و شوف الأندكس بتاع كل عملة في الزوج و حدد و قولنا رأيك ؟! |
رد: ورشة عمل ( مستويات العرض و الطلب ) ... ( Supply & Demand Zone ) .
شمعة انعكاسية على فريم الديلي ومنطقة طلب
|
رد: ورشة عمل ( مستويات العرض و الطلب ) ... ( Supply & Demand Zone ) .
اقتباس:
شمعة إنعكاسية و منطقة عرض مش طلب http://im90.gulfup.com/LBxi3Y.png كمان تقدر تقول الترند في حالة صعود على الأسبوعي دة غير كسر ضلع مثلث علوي يعني بيأكد صعود الفترة اللي جاية , ضيف على دة مؤشر الأستوكاستك مش بيقول أن قدامنا فرصة بيع حلوة ... ضيف على دة أننا في أخر السنة و 300 نقطة كتير شوية في الوقت اللي أحنا فيه ! على العموم أنا مش شايف أنها فرصة كويسة . و أفتكر أن لازم تعتمد على تحليلك لأن كل شخص ليه وجهة نظر مختلفة . أنا عن نفسي بحب الفرص المضمونة جداً خصوصاً على الحساب الحقيقي مش بحب أكون داخل و شاكك في حاجة بناء على تحليلي . مهما كان اللي بيقولك توصيته فخليك دائماً على أسلوبك في التحليل و طور نفسك لأن أنا ملاحظ الناس بتحب تبحث عن التوصيات أكثر من الإعتماد الخاص على تحليلها و دة مش في مصلحة حد و دة بيتسبب في خسارة كبيرة جداً !! |
| الساعة الآن 11:10 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com