![]() |
الله يــخـرب بيــت الــطــمــع
مارجن كول
اكبر صدمة يتلقاها المضارب فى الفوريكس مجرد الخسارة سواء كبيرة او صغيرة ايضا تسبب الصدمات وما اكثر الخسارة فى الفوريكس اسباب الخسارة كثيرة جدا ولكن المصدر الاساسى الذى يفرز هذه الاسباب هو مصدر واحد فقط الطمــع اكبر واقوى عدو لمضارب الفوريكسنعم اتحدى ان يخسر احد خسارة كبيرة ويكون لها سبب غير الطمع واحد يقولى : لا ياعم فى اسباب كثيرة غير الطمع ارد انا عليه واقوله : طب تعالى مع بعض نشوف السبب الحقيقى وسأعطى الامثلة على مضارب رأس ماله 700 $ مثال 1 انا خسرت علشان دخلت صفقة كنت واثق 100% منها بس للاسف عكست عليا ولم تمشى مع التحليل الفنى عادى ايه المشكلة لو كنت دخلتها بلوت قليل 10 او 20 سنت للنقطة وملتزم بالاستوب كنت هتخسر 3 او 4 دولار بس حضرتك دخلتها بلوت 3 دولار للنقطة والسعر عكس عليك وعلشان اللوت كبير حضرتك خفت تغلقها لان الخسارة كانت كبيرة وفضلت تخاف والسعر يعكس اكتر واكتر لحد لما وصلت للمرجن كول اذن السبب الحقيقى ان التحليل كان غلط ولا علشان سيادتك طمعت ؟ مثال 2 انا اغلقت الصفقات على مكسب قليل او على خسارة قليلة علشان خفت السعر يعكس عليا اولا : اغلاق الصفقات على مكسب قليل غير الذى كنت تريد تحقيقة لايعتبر خسارة ابدا مادمت اغلقت الصفقات والنتيجة رقم موجب اذن مبروك ثانيا : انت اغلقت الصفقات على خسارة قليلة لانك كنت خائف من انعكاس السعر وحضرتك كنت خائف من انعكاس السعر على الرغم من تأكدك من الصفقة لانك دخلتها بلوت عالى جدا ولو كنت دخلتها بلوت صغير مكنتش هتخاف ... اذن مكنتش هتغلقها اذن انت اغلقت الصفقة بسبب الخوف الذى نتج عن طمعك اولا مثال 3 انا خسرت فلوسى بسبب دخولى على فجوة و المفروض الفجوة بتتسد على طول لكنها وسعت جامد وبالتالى خسرت وده حاجة مش فى ايدى طبعا تعتبر الفجوات من اكثر الاسباب التى يخسربسببها المضاربون لانهم بيخشوا عليها وكلهم ثقه انها هتغلق فورا وطبعا عندما يجد المضارب صفقة عالية الثقة فى الربح بيدخلها بلوت عالى ويحصل المعتاد اللى انتوا عارفينه لو انه صبر عليها وخش نام وصحا اليوم التالى ووجدها وسعت 200 نقطة مثلا ساعتها كان يخش بس برضه بعقل ومن غير طمع واى لوت قليل مع مكسب 200 نقطة يعتبر هائل وجيد مثال 4 الدخول على الاخبار يحب معظم المضاربين وبالذات المبتدئين الدخول على الاخبار لسرعة المكسب وطبعا بيخش بلوت عالى لكن زى مالخبر سريع وكبير المكسب فهو ايضا سريع وكبير الخسارة والدخول بلوت عالى يجعل المضارب حساس جدا نحو اى انعكاس للسعر ويغلق الصفقة بدون تفكير لو وجد السالب كبير يا عم خش على الخبر بس بلوت قليل واربح مكسب سريع ولكن قليل لكن تقول ايه على الطمع !! مثال 5 مضارب مش عارف ينام ويتقلب يمين وشمال على السرير وبعديها يقوم يجلس على الكمبيوتر ويفضل طول الليل على كده ربع ساعة فى السرير وربع ساعة على الكمبيوتر علشان داخل صفقة مهمة لكن هوه مش عارف ينام علشان الصفقة داخلها بلوت عالى علشان كده قلقان لكن لو داخلها بلوت قليل هيخش ينام ومش هتفرق معاه اسباب الخسارة كثيرة مش الخوف لان الخوف نتيجة الطمعولكن الاساس واحد الطمع واحد يقول انا مشكلتى انى لا التزم انت لم تلتزم بالاسلوب لانك طمعت فى مكسب اكثر واحد يقول انا فتحت الصفقة بدرى شوية انت فتحتها بدرى لانك طمعت فى نقاط اكثر واحد بيجرب كل شهر استراتيجية مع ان الاستراتيجية التى شغال عليها تعطيه 20 صفقة رابحة من كل 25 صفقة يعنى خسر 5 صفقات فقط لكن صفقة من الخمسة كانت خسارتها كبيرة وتقريبا اخذت مكسب ال20 صفقة الرابحة بس اتضايق من الاستراتيجية وقرر يغيرها مع ان العيب فى طمعه وليس الاستراتيجية يعنى هوه مثلا هيجد استراتيجية تعطيه ربح لجميع الصفقات !! واخيرا مشكلة المضارب مثل مشكلة البعيد عن الله فالبعيد عن الله يجد نفسه مكتئبا وزهقان وقرفان فيبحث عن الحل فى جميع الاشياء يغير اصحابه يعرف بنات جديده يخرج على طول فى فسح يلعب حديد او حتى فى مناخيره يشرب حشيش واى حاجة تانية يغير من تسريحة شعره وممكن يغير من شغلة مع ان الحل معروف وهو القرب من الله وغسل القلب من المعاصى المضارب برضه كده يغير من اسلوبه يغير من الاستراتيجيات يغير المنتدى مرة يفتح حساب ب 500 $ ومرة ب 3000$ يغير من الازواج الذى يعمل عليها يغير من اسلوبه فى التحليل الفنى مع ان الحل معروف ان يبتعد عن الطمع واخيرا كنت احب انى فى اخر الموضوع ان اقول على حل لهذه المشكلة وكيف نسيطر على الطمع فلم اجد الا حل واحد لا ثانى له الدعاء ثم الدعاء الى الرحمن الرحيم الى القوى الجبار الى الحى المغيث ان يخلع الطمع من قلوبنا امين متنسوش :1: انا طمعان فى اللايكات |
رد: الله يــخـرب بيــت الــطــمــع
واحلى لايك لاحلى طماع
|
رد: الله يــخـرب بيــت الــطــمــع
هايل والله يا فاروق
عشرة على عشرة يا مان |
رد: الله يــخـرب بيــت الــطــمــع
اقتباس:
اقتباس:
ده يخلينى واثق تمام الثقة ان ربنا وفقنى جدا فى كتابة هذا الموضوع ونجاحى فيه تسلملى ياشيرى ومتحرمناش من مشاركات بعد كده |
رد: الله يــخـرب بيــت الــطــمــع
يا جمالك يا روقه كلمات من ذهب و الله يا استاذ فاروق تضع يدنا على مواطن الجرح حتى يمكننا علاجه احلى لايك |
رد: الله يــخـرب بيــت الــطــمــع
والله يافاروق باشا كلامك في اسقاط رائع ومعاني من بين السطور
لايك جدا |
رد: الله يــخـرب بيــت الــطــمــع
رائع يا استاذ فاروق كلام في الصميم ياريت نلتزم بيه كلنا .... وربنا يبعد عنا الطمع والجشع
|
رد: الله يــخـرب بيــت الــطــمــع
مية مية يا روقة كلام سليم اوى لايكات كتير جدا
|
رد: الله يــخـرب بيــت الــطــمــع
جميل جدا يا فاروق
بارك الله فيك |
رد: الله يــخـرب بيــت الــطــمــع
يخبريت الطمع انا سيبت الفوركس فترة بسبب الطمع وخسرت فولسى مرتين بسبب الطمع والغريبة بقى اية انك لما بتخش بلوت قليل تلاقى نفسك بتكسب ب 80 نقطة و100 نقطة وتفضل على كدة مدة تيجى تجرب بلوت كبيرة تمشى معاك مرة المرة بعديها تتكسر رقبتك وكان الفوركس عدو الطمع |
الساعة الآن 02:43 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com