![]() |
إحترف التحليل الأساسي== مؤشر الميزان التجاري Trade Balance
بسم الله الرحمن الرحيم اصدقائي الكرام اعضاء ومشرفين منتدي اف اكس ارابيا اهلا ومرحبا بكم في سلسلة احتراف وتعليم التحليل الاساسي وقبل الخوض في شرح الميزان التجاري لابد لنا وان نتعرف علي التجارة الخارجية اولا ونشرحها عشان تفهم وظيفة ومعني مؤشر الميزان التجاري التجارة الخارجية http://www.fx-arabia.com/vb/uploaded...1395274793.png وطالما قولنا تجارة يعني في بيع وفي شراء وفي منتجات رايحة ومنتجات جاية يعني التجارة الخارجية هي عملية تبادل للسلع والمنتجات بين الدول وبعضا والمقصود هنا وعموما بالتجارة الخارجية هي اي منتج بيتم تبادلة او شرائه من خارج حدود الدولة بالعربي كدا البايع من دولة والشاري من خارج حدود الدولة اي من دولة اخري او العكس يعني الشاري يكون من دولة والبايع يكون من دولة اخري دي كدا اسمها تجارة خارجية ومن الواضح في الكلام ان في تجارة داخلية بقي وهي اللي هاتكون بين الاشخاص بعضاها داخل حدود الدولة . ( مش صح كدا برده ولا ايه ) صحصح معايا شوية بقي انت دلوقتي بتدرس وبتفهم معني حركة السوق و وضع الاقتصاد طيب عمليات البيع والشراء دي بتتعرف بي ايه ا تتسمي ازاي اقولك اولا :- http://www.fx-arabia.com/vb/uploaded...1395274447.jpg الواردات : والواضح من اللفظ والاسم ان الواردات دي كل المنتجات التي يتم استيراتها وشرائها من الخارج ( عشان مش بتتصنع داخل الدولة فالازم يستوردوها تتسمي واردات) ثانيا :- http://www.fx-arabia.com/vb/uploaded...1395274447.jpg الصادرات : ودي المنتجات التي يتم انتاجها ويتم تصدريها للخارج بهدف الربح طبعا ( يعني احنا اللي بنصنع وبعدين نبيع خارج دولتنا ) بس دي التجارة الخارجية اللي كان لابد ان تتعرف عليها عشان تقدر تفهم معني الميزان التجاري الميزان التجاري Trade Balance & BOT Balance Of Trade http://www.fx-arabia.com/vb/uploaded...1395274609.jpg قوة المؤشر : درجة اهمية عالية http://www.fx-arabia.com/vb/uploaded...1395111629.png وهو مؤشر لقياس الفرق في قيمة الفلوس النقدية للصادرات والواردات الفرق او الفارق مابينهم بمعني اخر ايهما اكثر هل هما بيستوردو بقيمة نقدية اكتر يعني الدولة بتشتري اكتر ولا بتصدر اكتر بس يشوفو الفرق بينهم ويقيمو ويعرفوا هل في فائض تجاري : وحجم صادرات الدولة اكبر من حجم الواردات يعني بيصدرو اكتر ما بيستوردو كدا بيكون هناك نتائج ايجابية لمؤشر الميزان التجاري ام هناك عجز في الميزان التجاري وحجم الصادرات اقل من حجم الواردات يعني يستوردو اكتر ما بيصدرو 7 يعني مافيش انتاج والاقتصاد تعبان مش بيصدر واهمية مؤشر الميزان التجاري انه من اهم المؤشرات التي تبين مدي قوة الاقتصاد نعم فإنه عندما يكون هناك ناتج ايجابي في الميزان التجاري ( اي فائض تجاري ) يكون جيد للعملة جدا نعم المنتج المصدر يباع بعملة الدولة المصدرة وكلما كان هناك تصدير اكتر كلما كان هناك طلب علي العملة الخاصة بالدولة المصدرة كلما كان جيد للعملة ولاكن ماذا لو كان الناتج سلبيا وكان هناك عجز في الميزان التجاري طبيعي لان مافيش انتاج ومافيش تصدير مش هايكون هناك طلب علي عملتك بالعكس انت اللي بتدور علي عملة الدولة اللي عايز تستورد منها وبتشتريها فا اكييد اكيييييييد هايكون غير جيد للدولة او للعملة العجز التجاري طيب امتي يكون جيد العجز التجاري ؟ نعم عجز تجاري وجيد كمان طب ازاي بقي ؟ اقولك لما يكون في اقبال علي السلع اللي انت بتنتجها وبتصدرها مش المنتجات دي هاتتباع بسرعة وهاتتخطف كمان من عندك وانت من كتر الطلب علي منتجاتك مش هتلاحق تكفي ده ولا ده والمنتج بتاعك هايخلص اول بأول طيب ده هايكون تأثيرة ايه علي مسح نتأج الميزان التجاري اكيد نتائج سلبية بس هنا اكيد هايكون جيد جدا للعملة او للدولة المنتجة والمصدرة بس بشرط لما تشوف الميزان التجاري نتائجة سلبية وتكون عايز تتأكد هل الدولة دي نتأج مؤشر الميزان التجاري لها سلبية بفعل كثرة المبيعات ام بفعل قلة المبيعات وقلة التصدير مع كثرة الاستيراد عليك بمؤشر الانفاق الاستهلاكي فاذا كان مرتفعا وكان هناك انفاقات كثيرة وهناك عجز في الميزان التجاري فاهذا امر جيد للعملة وللاقتصاد ولاكن عندما يكون مؤشر الانفاق منخفضا ونتائجة سيئة وكان هناك عجز في الميزان التجاري ايضا فا حقا انه لأمر سئ جدا للعملة او الدولة طيب مثال حي لدولة مصر علي الميزان التجاري مثلا احنا في مصر عندنا عجز في الميزان التجاري وفي نفس الوقت مش بنصدر بنستورد - يعني مش بننتج فالتالي العملة عندنا في الضياع وبالنسبة لأي دولة اخري عشان تشتري اي منتج من مصر بالنسبة لها هايكون منتج بتراب الفلوس نعم عشان العملة عندنا في الضياع فالبتالي منتج رخيص هاييتباع بسرعة وحبة علي حبة هايكون في اقبال ومع الوقت يكتر التصدير وتقدر العملة تسترد قيمتها . خلاصة الكلام الانتاج ثم الانتاج ثم الانتاج في انتاج في دولة ما فيش انتاج مافيش دولة المؤشر يأتي بصفة شهرية في الفترة من 5 الي 15 في الشهر مثال لأستعراض نتائج المؤشر علي الاقتصاد الاميريكي http://www.fx-arabia.com/vb/uploaded...1395278233.png وكما نري نتائجة الميزان التجاري تأتي سلبية وبعجز في الميزان التجاري ولاكن هل هذا بسب كثرة التصدير ام بسبب قلة التصدير لتعرف السبب عليك بمؤشر الانفاق الاستهلاكي تــــحياتي |
رد: إحترف التحليل الأساسي== مؤشر الميزان التجاري Trade Balance
جزاك الله خبرا
|
رد: إحترف التحليل الأساسي== مؤشر الميزان التجاري Trade Balance
مساء الخير فعلاً ارفع لك القبة يا ابو احميد .. كل يوم تتحفنا بالجديد .. بعتقد اهمية الميزان التجاري متباينة من دولة لاخرى .. فمثلاً الدول التي يشكل التصدير بها عصب الاقتصاد مثل الصين واليابان يعتبر الميزان التجاري لاقتصادها حياة او موت .. لكن الدول التي تعتمد على الاستهلاك الداخلي باقتصادها اكثر من الاستيراد والتصدير ، يعني عاملين تجارة داخلية لوحدهم :) هؤولاء تكون اهمية الميزان التجاري على عملتهم ليس بالقوية . اما بخصوص مصر ، فأنا اسميها (صين العرب) اتمنى ان تصبح مصر يوماً كالصين .. فالموارد البشرية والطبيعية موجودة ولكن الفساد هو العائق .. لااااايك وتقبل تحيتي |
رد: إحترف التحليل الأساسي== مؤشر الميزان التجاري Trade Balance
اقتباس:
ياسلام عليك يا استاذ نادر دايما كدا الدرس ما يكملش غير من لمستك الاخيرة فعلا بحس ان الموضوع بقي ليه قيمة لما القي لمستك فيه من اليك احلي لايك |
رد: إحترف التحليل الأساسي== مؤشر الميزان التجاري Trade Balance
بصراحة التحليل الاساسي لية طعم تاني معاك ودة لانك فاهم كويس جدا جدا وربنا يوفقك ونتمنى منك المزيد وعدم التوقف وشكرا لك
|
رد: إحترف التحليل الأساسي== مؤشر الميزان التجاري Trade Balance
احييك لاسلوبك البسيط الممتع,
عندى سؤال: دلوقت الدولة بتصدر ومنتجها جيد وبيخلص اول بأول..ده معناه ان ان الدولة بيدخلها فلوس اكتر من اللى بتستورده.. والا لو حصل عجز يباه عجز سلبى مش جيد..انت بتصرف اكتر ما بتقبض مش قادر اقتنع بعجز تجارى جيد دى! |
رد: إحترف التحليل الأساسي== مؤشر الميزان التجاري Trade Balance
اقتباس:
اخي الغالي دعني ابسطلك الموضوع علي الاخر عشان تقدر تتقبله لو انت صاحب شركة بلاش شركة خاليها محل صغير كدا ماشي دولقتي عندك محل وفي عندك بضاعة اوك لحد هنا وانت بتعمل جرد كل اول شهر بتلاقي الباضاعة متباعة ومحققه ارباح في الفلوس والخير كتير والحمد لله طيب لاكن علي الورق وانت بتجرد وبتكتب كل حاجة بتلاقي ان المنتجات مش موجودة فا بالتالي في تسجيل البيانات بيتكون كلها او معظمها بالصفر ابسطلك اكتر لو عندي صنف شيكولاتة في المحل والصنف اثناء الدخول كان عندي مستجل 30 قطعة وفي اخر الشهر وانا بجرد لاقيت عندي عجز في 28 قطعة وموجود 2 فقط طيب فين ال28 قطعة ما هما اتباعو خلاص وتم قيض ثمنهم بس في تسجيل البينات وانا بكتب عند صنف الشيكولاتة هاكتب - 28 دا العجز الايجابي تحياتي يا غالي |
رد: إحترف التحليل الأساسي== مؤشر الميزان التجاري Trade Balance
طيب سؤال بسيط
انا ف مصر مثلا ببيع قطن ب مليون جنيه ف السنه وبشتري قمح ب 2 مليون جنيه اذا عندي عجز تجارى بقيمه مليون جنيه ممكن ده يباه عجز جيد؟! يعني ممكن يكون ربحي اقل من خسارتي وده يباه مؤشر جيد؟ معلهش انا دراستي مش ادبي اصلا فالموضوع بالنسبه لي غريب |
رد: إحترف التحليل الأساسي== مؤشر الميزان التجاري Trade Balance
اقتباس:
لا طبعا يا طيب هذا غير جيد بالمرة لانك هنا هتلاقي عندك عجز في حوالي مليون لانك بتبيع بمليون وبتشتري ب 2 مليون فاصبح عندك عجز بمليون لان انت كدا لو جيت تقارن بين الفارق في العملة بين التصدير والاستيراد هتلاقي عندك مليون فرق انت اللي بتدفعة يعني مش زيادة في خزاينك فابالتالي بيكون عندك عجز ودا غير جيد الجيد انك تصدر ب 2 مليون وتستورد ب مليون او تصدري ب 4 مليون وتستورد ب 500 الف قفط كدا بيكون عندك فائض في الميزان التجاري اتمني ان تكون قد وصلت الفكرة |
رد: إحترف التحليل الأساسي== مؤشر الميزان التجاري Trade Balance
اقتباس:
اعتقد انك تقصد هنا المبيعات التي تمت داخل الدولة وليس خارجها ..! |
الساعة الآن 06:51 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com