|
استفسار من اصحاب الخبرة عن التحويلات البنكية في مصر Wire Transfers
السلام عليكم و رحمه الله و بركاتة الحقيقة منتدي اف اكس ارابيا من افضل المنتديات اللي شفتها فيها تفاعل و كل الاعضاء بيحبوا يساعدوا بعض شفت تقريبا اغلب المواضيع عن التحويلات لشركات الفوركس و ايضا السحوبات و استعمال الطرق للتحويل خارج مصر الحقيقة 99% من المعلومات التي يتم كتابتها عن التحويل لشركات الفوركس تدخل فيها مواضيع الفيزا و الانواع بتاعتها و اشهر حاجة فيها و هكذا لكن محدش خالص بيتكلم عن التحويلات الورقية ,, يعني واحد يروح البنك يعمل ايداع في حسابة نفترض ب 2000 دولار و ياخد ابلكاشن و يملا فية بيانات البنك اللي حيبعتلوا التحويل دة اللي عاوزين نوضحوا في الموضوع هنا اتمني يكون الموضوع لمساعدة الناس اللي عاوزة تبعت فلوسها تحويلات بنكية مش فيزا فقط يا ريت يا جماعة كل واحد في فترة اخر 3 او 6 شهور يقولنا البنك اللي بيتعامل معاة و اللي حول منة فلوس لشركة وساطة و البنك بتاعة طلب منة اي طلبات اضافية او اثبات لتعاملة مع الشركة بالنسبة للحالة اللي حصلت معايا رحت ابعت تحويل من بنك qnb انا عارف طبعا ان التحويل بالفيزا مرفوض مع البنك دة ,, ف و انا ببعت المبلغ الموظف قالي اكتب غرض التحويل كتبت استثمار ف الاسهم و المؤشرات و قلت ابعد عن كلمة فوركس خالص ,, بعد يومين البنك اتصل بيا قالي التحويل بتاعك اترفض احنا سياستنا في البنك بترفض التعامل مع الاسهم خارج مصر و الفوركس اخر حاجة ::: اتمني من ادارة المنتدي تسيب الموضوع مفتوح لمدة اسبوع بعد كدة لو عايزة تضمة علي اي موضوع اخر تعمل كدة حتي يأخذ تفاعل جيد و نفيد بعضنا في موضوع التحويلات الورقية لشركات الفوركس |
رد: استفسار من اصحاب الخبرة عن التحويلات البنكية في مصر Wire Transfers
بارك الله فيك
والله انا تعبت فيزا كريدى اجريكول وبنك قطر الاهلى لا تعمل ذهبت للبنك التجارى الدولى اجرب قالوا مخزون الفيزا خلص ........................... اما التحويلات فاستحاله البنوك التى وقفت الدفع بالفيزا لشركات الوساطه ان توافق على التحويل مش عارف دى سياسه دوله ولا سياسه بنوك |
رد: استفسار من اصحاب الخبرة عن التحويلات البنكية في مصر Wire Transfers
انا بتعامل مع بنك مصر عندي حساب بالدولار فيه وببعت منه عادي وكانت اخر مرة بعت في شهر 7 اللي فات حوالي 4 الاف دولار .وطبعا بيبقي عاوزين ورق يفيد سبب التحويل وانا بطبع رسالة الترحيب اللي عندي علي الايميل اللي جاتلي من الشركة اول مافتحت حساب عندهم والموضوع ماشي عادي خالص وبعت كتير من البنك دا
|
رد: استفسار من اصحاب الخبرة عن التحويلات البنكية في مصر Wire Transfers
اقتباس:
يا سلام عليك رد 100 100 الصراحة و قلت فية كل حاجة بارك الله فيك يعني كدة اول بنك عرفنا انة بيتعامل بالتحويلات البنكية هو بنك مصر ,, و طبعا انت رايح بالدولارات بتاعتك و بتعملها تحويل ,, يا ريت لو تضيفلنا مدة وصول المبلغ لحسابك من اليوم اللي انت مليت فية الابلكاشن بتاع التحويل يبقا انت كدة خلصت كل حاجة بالنسبة لبنك مصر :) |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
اضافة صغيرة انا رحت لبنك كريدي اجريكول من كام يوم و قالولي ان التحويل حيتم عادي طالما انا عامل ايداع بالدولار بس بردو طلبوا مني زيك اثبات علي اني بشتغل مع الشركة بس الموظف مكنش عارف اية نوعة بس قالي هات اثبات نحطة مع التحويل بس ,, فالافضل فعلا نديهم رسالة الترحيب اللي بتيجي مع فتح الحساب طالما هي حاجة صورية و خلاص يحطوها مع التحويلات |
رد: استفسار من اصحاب الخبرة عن التحويلات البنكية في مصر Wire Transfers
انا دايما ببعت يوم الاحد عشان اجازة الفوركس والفلوس في الغالب بتوصل يوم الخميس او الاحد اللي بعده علي الاكتر
|
رد: استفسار من اصحاب الخبرة عن التحويلات البنكية في مصر Wire Transfers
اقتباس:
شكرا اخي الكريم علي تفاعلك السريع و نتمني من باقي الاعضاء ممن يتعاملوا بالتحويلات الورقية انهم يقولوا تجربتهم مع البنوك المصرية |
رد: استفسار من اصحاب الخبرة عن التحويلات البنكية في مصر Wire Transfers
انا كنت بتعامل مع البنك الاهلى المصرى من 2008 والدنيا كانت تمام فى التحويلات ومن حوالى سنتين حاولت احول مبلغ مرضيوش وقالولى ممنوع التحويل لشركات الفوركس بأمر من البنك المركزى من يومها وانا مطلع كارت 4U من البنك العربى الافريقى وشغال بيه عادى بس بقالى فترة مشتغلتش بيه فمش عارف الدنيا وصلت لايه مع الكروت دى اما بالنسبة للتحويل من الشركة لحسابى البنكى فى البنك الاهلى فلا يوجد اى مشاكل والدنيا تمام بالتوفيق ان شاء الله |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
شكرا يا بشمهندس علي تفاعلك ,, التحويلات بالفيزا شغالة بمعظم البنوك عادي و ايضا الاستقبال تحويلات ورقية شغال بردو عادي بس دايما كنت بشوف في كل المواضيع ان محدش بيقرب خالص للتحويل الورقي في ارسال الاموال للشركات ,, فقلت اشوف اصحاب الخبرة و اللي بيتعاملوا خصوصا في اخر 6 شهور لان كل فترة البنوك بتغير سياستها ,, لحد دلوقتي اتأكدنا ان بنك مصر مبيمانعش في التحويلات و انا خلال الاسبوع دة حعرف وضع كريدي اجريكول لاني رايح بكرة بالاثباتات بتاعت تعاملي مع الشركة في الفوركس و حقدمها و اشوف التحويل حيتقبل و لا حيترفض |
رد: استفسار من اصحاب الخبرة عن التحويلات البنكية في مصر Wire Transfers
اية يا شباب مفيش حد بيعمل تحويلات بنكية كلة شغال فيزا بس :D عايزين نسمع الخبرات بتاعتكم و ان شاء الله حنجمعها ف الاخر في مشاركة واحدة عشان تبقا مرجع لكل واحد عاوز يروح يعمل تحويل في مصر يبقا عارف اية اللي حيواجهة بدل مايتفاجأ و يضيع وقت ع الفاضي في بنك يكون بيرفض او يمنع الموضوع |
رد: استفسار من اصحاب الخبرة عن التحويلات البنكية في مصر Wire Transfers
السلام عليكم ورحمة الله وبركاتة
اولا : مشكور اخى الفاضل على هذا الموضوع القيم الذى سيساعد جميع الاشخاص الذين يريدون ويبحثون عن بنك يقبل التحويل لشركات الفوركس والاسهم وغيرها من الاسواق .................................................. ........... جاء الان الحديث عن تجربتى مع التحويلات والسحب ايضا من والى شركات الفوركس انا شخصيا منذ ان عملت فى الفوركس وانا ارسل الايداعات لشركات الفوركس عن طريق (( الفيزا او الماستر كارد او عن طريق البنوك الالكترونية )) طبعا حضرتك حتقولى دلوقت يا عم انا بقول اللى جرب التحويل الورقى من البنوك يحكى قصته انت بتتكلم عن الفيزا ليه يا عم اقولك اصبر عليا شوية بس يا حج وانت حتعرف السياسة اللى انا ماشى بها وانت حتنبسط نيجى بقى الان للسياسة اللى انا ماشى بها مع الايداعات والسحب كمان من والى شركات الفوركس طبعا كلنا عارفين ان سياسة شركات الفوركس او معظم الشركات بتقول للعملاء يجب السحب على نفس الوسيلة التى تمت منها الايداع وده طبعا علشان غسيل الاموال وغسيل الملابس كمان ومن حقهم طبعا لان دى قوانين تفرضها عليهم الهيئات الرقابية التابعة لهم الشركة وطبعا لو المبلغ المسحوب اكبر من الايداع بتاع الفيزا فى الحالة دى الشركة بتخير العميل على انه يختار وسيلة سحب اخرى علشان يسحب عليها باقى المبلغ الزائد عن الايداع مثال بسيط على ذلك : نفترض انك عملت ايداع عن طريق الفيزا بمبلغ 5000 دولار وقمت بعد ذلك بسحب مبلغ من حسابك بالشركة بمبلغ 10000 دولار طبعا فى الحالة دى الشركة حترد لك 5000 دولار على الفيزا وال 5000 دولار الباقى حتقولك اختار وسيلة سحب اخرى علشان يرسلوا باقى المبلغ عليها تمام لحد كده .... تمام نيجى بقى للمهم .. انا طبعا مش بعتمد على الايداع لشركات الفوركس عن طريق حوالات بنكية بعتمد بس عليه فى السحب من الشركات لماذا ؟؟؟؟ لانى فاتح حساب فى البنك الالكترونى مونى بوكرز ومفعل جميع الحساب بما فيها التفعيل على البنك الارضى الخاص بى يعنى ممكن اعمل ايداع وسحب للبنك ده من البنك الارضى عادى جدا وده اللى انا بعملوا فعلا لما احب اعمل ايداع فى حسابى فى شركة الوساطة اقوم بعمل الاتى : 1 _ اقوم بالايداع اولا من البنك الارضى الى بنك المونى بوكرز 2 _ ومن بنك المونى بوكرز اقوم بالايداع فى حسابى فى شركة الوساطة وتوته توته فرغت الحدودة ولا بنك بقى يقولى لا معلش احنا بنرفض الايداعات لشركات الفوركس ولا موظف معفن يتعوج عليا ويعرض لى فى صدره وعامل فيها دكر ولا اى شئ من هذا القبيل علما باننى اقوم بالايداع فقط لشركات الفوركس من بنك المونى بوكرز اما السحب من شركات الفوركس طبعا على البنوك الارضية مباشرتا بدون اى مشاكل بس قبل ما اسحب على البنك الارضى اسحب مبلغ الايداع اللى عملتوا اولا على المونى بوكرز والمبلغ الزائد والباقى اسحبوا على البنك الارضى وده طبعا علشان سياسة الشركة وغسيل الملابس وبكده انا خلصت حكايتى وقصتى ها مبسوطين ولا لسه عايزين تانى ؟؟؟ على العموم انا موجود لاى استفسار او سؤال ان شاء الله وكل عام وانتم بخير (( تحياتى )) |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
اولا شكرا علي اهتمامك و ردك في الموضوع و شرحك لتجربتك لكن بالنسبة للنقطة بتاعت سكريل جيدة جدا و لكن لا تناسب كل الشركات ,, في شركات بتتعامل فقط بالكردت كارد و التحويل الورقي ,, بس لو شركة بتتعامل مباشرة مع سكريل فيبقا زي منتا بتعمل شيء جيدو بتريح بية دماغك مازلنا منتظرين من الجميع و التحويلات الورقية لشركات الوساطة اية البنوك اللي اتعاملتوا معاها قريب و مفهاش مشاكل في الارسال |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
بس ممكن اسئل عمول املوني بروكو كام فاتلحويل؟ |
رد: استفسار من اصحاب الخبرة عن التحويلات البنكية في مصر Wire Transfers
انا شخصيا كنت بتعامل مع البنك الاهلي و حاليا بتعامل مع بنك مصر و الاتنين مفيهمش اي مشاكل بصراحة لا في تحويل و لا سحب
بقلهم استثمار فالبورصة الامريكية و هما هناك اصلا مش فاهمين حاجة لو قلتلهم حتي بحول للبورصة الانجليزية اللي مقرها في نيويورك هيقولوك اوه عارفينها, فانت بس سهلهلهم عشان يمخفوش و يحسوا انك بتستخدمهم فيت حويل فلوس لتجارة السلاح مثلا |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
عفوا يا غالى هذا واجبنا ان نقف بجانب بعض ونساعد بعض بالنسبة للشركات اللى بتتعامل فقط بالفيزا والتحويلات البنكية فقط انا اتعامل معهم بنفس السياسة اللى انا حكيتها لحضراتكم فى المشاركة الماضية حيث اننى قمت بالايداع عن طريق الفيزا لشركة الوساطة ( بدون ذكر اسماء شركات ) وعندما ارادت السحب بمبلغ يفوق مبلغ الايداع قمت بعمل الاتى : 1 _ قدمت طلب سحب على الفيزا بنفس مبلغ الايداع 2 _ وفى نفس الوقت قدمت طلب سحب بباقى المبلغ على البنك الارضى وذلك عن طريق ارسال الطلب الى خدمة الحسابات او الى مدير حسابى بالشركة وبالفعل قام مدير حسابى بالاتصال بى فورا وقال لى هل تريد سحب باقى المبلغ على البنك الارضى قلت له نعم اريد ذلك .. وطلب منى التاكيد على بيانات البنك الارضى وكل هذا وهو يتحدث معى على الهاتف وبعد ذلك قال لى سوف يتم التصديق على طلبات السحب الاثنين ( الفيزا والبنك الارضى ) فى نفس الوقت وطبعا هذا اهتمام كبير من مدير حسابى ومش بيحصل فى اى شركة طبعا والحمد الله تم وصول مبلغ السحب فى الفيزا وفى البنك الارضى فى ظرف 4 ايام فقط وبكل تاكيد يوجد بالفعل بنوك ارضية كثيرة تقبل التحويلات لشركات الفوركس (( تحياتى )) |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
يوجد ثلاثة انواع من التحويلات يا غالى @ اولا : التحويل من حساب مونى بوكرز الى حساب اخر فى نفس البنك العمولة هى : 1 % @ ثانيا : التحويل من حساب مونى بوكرز الى شركة الوساطة العمولة هى : 0 % لان شركة الوساطة هى التى تتحمل العمولة @ ثالثا : التحويل من حساب المونى بوكرز الى البنك الارضى العمولة هى : حوالى 4 دولار تقريبا لاى مبلغ حتى وان كان مليون دولار بعض ملاحظات : التحويل الى حساب اخر فى نفس البنك يصل فورى التحويل الى شركات الوساطة يصل فورى التحويل الى البنك الارضى يصل فى خلال من 3 _ 5 ايام عمل ....................................... (( تحياتى )) |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
تسلم يا احمد علي ردك و احنا فعلا في اخ في بداية الموضوع شرح انة من شهرين عمل ايداع و مفهوش مشكلة و طلبوا منة اثبات تعامل مع الشركة و التحويل خد منة 5 ايام تقريبا و كان في بنك مصر زيك اقتباس:
فعلا انت كلامك سليم و دة الطبيعي في 99% من الشركات ,, انا الصراحة التحويل الورقي افضل لي لان الشركة اللي بتعامل معاها ليها قيود كبيرة اوي في التحويل بالفيزا ,, يعني لو محول مبلغ و عملت ارباح 10 اضعاف المبلغ حتي لا استطيع السحب و لا رأس المال و لا الارباح لمدة 30 يوم ,, لكن لو تحويل بنكي يمكن سحب الارباح وقت ما تحب و خصوصا ايضا انها تتحمل عمولة التحويل الورقي ,, فاعتقد هو افضل من نواحي كثيرة لكن سيكون عيبة الوحيد هو السرعة في وصول المبلغ للحساب فقط |
رد: استفسار من اصحاب الخبرة عن التحويلات البنكية في مصر Wire Transfers
البنك الاهلي اليوناني يمكنك التحويل منه دون اي مشكلة
National Bank of Greece – Egypt | Official website |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
هل ممكن معرفة اذا كان عند التحويل يتم طلب اثباتات ام لا و مدة التحويل ايضا ,, و اذا تم فتح حساب بة ما المدة التي سننتظرها لعمل تحويل ورقي 3 شهور ام اكثر |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
تمام يا غالى يوجد بالفعل شركات وساطة بتكون لها سياسة خاصة بها فى السحب والايداع علما باننى فاتح حساب فى احدى شركات الوساطة بنفس السياسة اللى انت بتحكى عنها بالضبط ولازم تنتظر 30 يوم علشان تقدر تسحب منها زى ما قلتلك قبل كده علشان غسيل الاموال وده طبعا لو انت عملت ايداع بالفيزا وانا عن نفسى انتظر اكثر 30 يوم وبعد كده اسحب عادى لانى بسحب كل شهرين تقريبا مبلغ من الارباح ولله الحمد يعنى موضوع ال 30 يوم ده مش شغلنى فى شئ لانى مش بسحب كل اسبوع مثلا اتمنى لك كل التوفيق يا غالى (( تحياتى )) |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
هل لازم يكون عندى حساب معاه وهل لازم يكون المبلع المحول دولار؟؟ منتظر ردك للاهميه |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
نعم لازم يكون المال دولار بس ممكن تفتح حساب دولاري وتودع المال ويحولك علي طول من غير انتظار 6 اشهر واتمني ان يكون الكلام ده ماتغيرش بس في عملاء حولوا قريبا منه دون اي مشاكل والبنك له فروع كتير وممكن كمان تفتح عنده حساب بالجنية وتستخرج فيزا او ماستر مربوطة بالحساب وتودع بيها وممكن تسأله عن الكارت المدفوع مسبقا لو عنده بالتوفيق |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
شكرا جدا علي الرد يا حبي |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
متابعة لطلب التحويل الورقي الذي قمت بة في بنك كريدي اجريكول ,, تم التحويل الحمد لله و الفلوس خرجت من الحساب الي حسابي في شركة الوساطة بنجاح بعد 5 ايام عمل تقريبا كدة معانا بنكين متأكدين منهم 100% في التحويلات بنك مصر و بنك كريدي اجريكول ,, و ايضا يوجد بنك اسمة البنك الاهلي اليوناني يسمح ايضا كما ذكر خدمة العملاء بقبولة ايضا التحويلات الورقية |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
وايه الاجراءات المتبعه |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
بيبقا معاك بيانات التحويل بتاعت شركة الوساطة و انت رايح ,, بتاخد رقم تيلر عادي ,, و لما تروح ع الشباك تقولو عايز اعمل تحويل بالدولار ,, حيقولك السبب اية تقولو شركة فوركس او استثمار اسواق مال اي حاجة ,, حيقولك طب بنحتاج اثبات عشان نثبت ان التحويل دة يخصك ,, تديلو رسالة الترحيب اللي جاتلك و انت بتفتح حساب مع الشركة كاثبات روتيني ,, الفلوس حتاخد يومين تقريبا علي ماتخرج و 5 ايام علي ما توصل حسابك ف الشركة ان شاء الله |
رد: استفسار من اصحاب الخبرة عن التحويلات البنكية في مصر Wire Transfers
بنك كريدي اجريكول خصم رسوم تحويل المبلغ اد ايه وانت كنت عامل بالايدلع بالجنيه ولا بالدولار ولما تسحب هيخصم رسوم تحويل اد ايه اقتباس:
وكام رسوم الايداع وكام رسوم السحب |
رد: استفسار من اصحاب الخبرة عن التحويلات البنكية في مصر Wire Transfers
انا الشركة اللي بتعامل معاها بتدخلي المبلغ كامل فمعرفش خصموا كام بالظبط ,, و الايداع كان بالدولار و انت اللي بتوفر الدولار ,, بالنسبة للسحب البنك مبياخدش اي فلوس ,, بتعتمد ع الشركة اللي انت بتتعامل معاها و البنك اللي بيحولك من برة علي مصر |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
وشكرا لك |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
ايوة بالظبط بتطبع الايميل اللي بيجيلك عادي بيبقا فية اسمك مثلا و رقم حسابك الجديد مع الشركة و شعار الشركة وا لكلام دة حسب كل شركة و بتدهولهم و انت بتملا ورقة التحويل |
رد: استفسار من اصحاب الخبرة عن التحويلات البنكية في مصر Wire Transfers
اقتباس:
اهلا وسهلا اخرى الكريم انا حسابى فى البنك الاهلى بالدولار ورسوم الايداع اللى بتتصخم منك على ما توصل للشركة مهما تكون شركة اف اكس دى دى بترجعلى الفلوس دى مرة تانية اما فى رسوم السحب كانت حوالى من 20 الى 25 دولار على اى مبلغ بسحبة ودى بيخسمها البنك الوسيط بين شركة الوساطة والبنك اللى حسابك فيه على ما اعتقد تحياتى لحضرتك |
| الساعة الآن 04:41 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com