|
تنبيه و تحذير من شركة كيونت Qnet
رسالة تنبيه و تحذير اقدمها لمن سمع او سيسمع عن هذا الموقع و المسمى كويست نت او كيو نت. اتصل بى عدة اصدقاء و سالونى على هذه الشركة التى استفحلت و اتسعت رقعة مسوقيها بشكل كبير و لما كان اصدقائى يقولون اننى عفريت الانترنت نظرا لعلاقتى الطويلة به منذ العام 1996 فقمت منذ الامس الى اليوم بالبحث و التحرى عن ما يسمى كيو نت او كويست نت او Qnet او Questnet.net او اى شيئ. تقوم هذه الشركة على فكرة التسويق الشبكى و اعطاء عمولات للمسوقين مثل شركات مستحضرات التجميل كافون او اوريفلام و لكن الملفت للنظر هو العمولة المرتفعة الغير منطقة اطلاقا التى يعطيها الموقع للمسوقين نظرا لاحضار زبائن جدد و ايضا للاشياء التى اكثر من الخيال التى يقدمها الموقع للمسوقين مثل الحصول على 15 الف دولار و ان التسويق الشبكى ليس له حد.. لذا بعد البحث و التحرى ساكتب وجهة نظرى فى هذا الموقع و هذه الشركة لعل الله يجعل فى هذا نفعا لمن يقرا.. فى البداية هذا هو تحليلى الشخصى و لم اتعامل مع الشركة كى انقضها من عدمه و لكن هو مبنى على حقائق عشتها و قابلتها عبر وقتى الطويل على الانترنت.. 1- شركة كيونت هى شركة فى هونج كونج و لا يوجد لها اى تسجيل او ترخيص فى هونج كونج و الموقع غير موضح اى شيئ عن تراخيص الشركة و هو ما يعنى انه لا يوجد اى تراخيص تذكر و للعلم فان هونج كونج تعتبر العقل المالى لصالات القمار و شركات الهايب و المعروف فى منطقة (ماكاو) و هى الاكثر شهرة و صيتا من لاس فيجاس فى هذه الامور لذا فان عدم تسجيل الشركة او ترخيصها يعنى انه مع افلاس الشركة فانه لا يوجد اى جهة يمكن مراسلتها او الشكوى فيها. 2- الشركة تقوم باعطاء 250$ عن كل ستة عملاء تم احضارهم 3 على يمين الوكيل و 3 على يسار الوكيل و يمكن ان يستمر هذا فى العملاء الذى يحضرهم او من يحضره اصدقائه الذى احضرهم بالفعل بحد اقصى 180 عميل فى كل جناح و هو يساوى الدفع 15 الف دولار اسبوعيا للوكيل (حسب كلام الشركة). مع الاخذ فى الاعتبار ان السلاسل يجب ان تتشبع و يخسر 90% من المشتركين حتما اموالهم حتى لو لا تفلس الشركة. 3- يقوم المسوقون بقول اشياء عجيبة مثل انه يحصل على 4000$ شهريا او انه ذهب و جلس فى فندق لمدة خمسة ايام و لما انهى الاقامة اعطته الشركة امواله و نصفها ايضا و اشياء اخرى كثيرة سمعتها لا تؤدى الا الى تفكير واحد و هو النصب و فقط. 4- من خلال بحثى عن شرعية الامر تبين ان التعامل بهذه الطريقة يعتبر حرام شرعا و هو ما يسمى البيع المشروط حيث ان تشترط على البائع شراء سلعة معينة كى تحصل انت على عائد و ايضا فى زيادة سعر السلعة عن السعر العادى حتى يمكن للشركة ان تدفع عمولات هذا ان كانت ستدفع و هو ما يسمى البيع المشروط و هو ما نهى عنه النبى. 5- منتجات الشركة التى تعلن عنها هى منتجات رخيصة و سيئة و مطلوب فيها مئات الدولارات و طبعا هذا من اجل الحصول على اموال كافية للدفع للوكلاء و المسوقين.فكيف ان تكون مشغولة تلبس فى اليد او فى سلسلة الصدر قيمتها 740 دولار فى حين انها لو ذهب صافى ستكون اقل من نصف هذا المبلغ ؟؟ لم يوجد اى من يوضح هذه الامور عبر الانترنت حيث انه لا يوجد اى من تأذى من الشركة حتى الان لذا لن تجد اى شيئ غير جيد عنها كما انه ليس لها منافسين لذا فكان لزاما علينا ان اوضح بعض الحقائق التى يجب ان تتضح للجميع فيمن يبحث عن الثراء السريع.. اتقوا الله فى اموالكم و فى اموال اخوانكم و من تعرض للشراء فى هذه الشركة انصحه باعادة السلعة و ان لم يمكنه ذلك فانه عليه ان يترك الامر لله فهى خير عوض عن ما ضاع.. اشكر لكم حسن قرائتكم و انا على استعداد لسماع اى من مسوقين الشركة ووجهة نظره فى التعامل كى يصحح لنا الامور,بس من يرد ياريت يكون عنده دليل مش واحد صاحبى سحب نص مليون دولار و الكلام الفاضى ده.. عندك دليل اهلا و سهلا بك و ان لم يكن فالمناقشة الهادفة افضل.. فتوى دار الافتاء المصرية بتحريم التعامل مع كيونت صدرت يوم 21 ديسمبر من هنا Result للمزيد من التفاصيل يرجى مراجعة هذا الملف المجمع تحذير من شركة كيونت qnet الموضوع كاملا و مجمعا و موضحا بشرح الية عمل الشركة و سبب الخسارة من هنا الحقيقة الكاملة و كيف ستخسر من اشتراكك فى شركة كيونت QNET بالتوفيق للجميع, الله كريم, |
رد: تنبيه و تحذير من شركة كيو نت Qnet
السلام عليكم
بارك الله فيك يا دكتور على تحري الحقيقة لدي صديق يتعامل مع الشركة سوف اطلب منه الحضور للمنتدى والمشاركة في النقاشات الله كريم |
رد: تنبيه و تحذير من شركة كيو نت Qnet
شكرا يا د/اسامة على هذه المعلومات
|
رد: تنبيه و تحذير من شركة كيو نت Qnet
شكرا يا دكتور على هذا التنبيه نعم كانوا بالاردن وما زالوا مستفحلين فيها الحمدلله كنت احذر اصدقائي منها لاني اعرف ما هي وما اصلها وكنت قد شاهدة تجارب حقيقيه من نصب واحتيال من قبلهم بتوفيق يا رب |
رد: تنبيه و تحذير من شركة كيو نت Qnet
هي شركه قديمه و سمعت عنها منذ 3 سنين و كنت أريد الأشتراك فيها و لكن لم ينصحني بها أحد حيث طريقه توزيع العمولات ( كما قال الدكتور ) مايطمن
و كان فيه شباب حصلوا ( على كلامهم ) أرباح و لكني لم أره شيء رسمي و لا أعرف الآن أحد يتعامل معها بالتوفيق |
رد: تنبيه و تحذير من شركة كيو نت Qnet
سمعت عنها كثير جدا ودعوني كثير من المعارف للانضمام لكني لم اهتم ,,, اليوم وصلتني دعوة على الايميل من احد الشركات التي تتبع نفس النظام وهو بيع سلعه معينة وعلى ما اعتقد تذاكر سفر واقامة فنادق مقابل انضمامك ودفع مبلغ مالي معين .... اسم الشركة Luxury |
رد: تنبيه و تحذير من شركة كيو نت Qnet
ألف شكر علي هذه المعلومات يا دكتور |
رد: تنبيه و تحذير من شركة كيو نت Qnet
شكرا على التحذير يابرنس ..
|
رد: تنبيه و تحذير من شركة كيو نت Qnet
السلام عليكم دكتور اسامة ومعك اول وكيل في المنتدي لشركة كيونت يجيب علي استفساراتكم ان شاء الله
اولا احب ان ابين لحضرتك ان الشركة تقوم علي النظام الشبكي وليس الهرمي المحلل شرعا مثله مثل الفوركس وفيوجد ايضا من يحرم التسويق الشبكي من الشيوخ ولكن لجهلهم في امور البيوع ولكن ارفق لكم فتوة لعدم حرمانيه الشركة ان شاء الله ويوجد الكثتير من الفتاوي ولكن سوف احضرها لكم قريبا ان شاء الله انا اعمل في الشركة منذ فترة ليست كبيره وليست صغيره والحمد لله لم اجد منها اي نصب اوي اي حاجه بالاضافه انه لم اسمع من قبل عن اي شكوي منها واحب اوضح لحضرتك ان شركة كيونت تابعه للشركه القابضه كيو أي اللي المبني بتاعها علي العمله الرسميه لهونج كونج وهي فئة ال 500 و ال 1000 واظن كون ان مبني شركة يتحط علي عمله بلد ده معناه كبير كون ان البلد في مكان مشهور بالقمار اوي اي شئ في رأي لا يعنيني طالما انا عملي بعيد ان كل هذا والحمد لله مثل الفوركس والتعامل في الذهب والفضه والبترول اذا ماهو العيب في كوني اعمل لدي شركة مثل هذه كما ان الشركه يوجد لديها منافسين في المجال كتير مش ملهاش لا ليها واللي بيحولوا يضربوا الشركه في السوق عشان تجاحتها الكبيره وعدد وكلائها اللي وصل حوالي 7 مليون وكيل في اكتر من 138 دوله حول العالم المنتجات : المنتجات علي اعلي مستوي وعن تجربه شخصيه حيث انني استعمل منتجات الطاقه اللي مش موجوده غير في كيونت وبس بالاضافه الي العروض السياحيه وخدمات المكالمات الدوليه اللي مش موجوده في اي حتي يعني ايه اتصل من مصر بأمريكا وادفع للدقيقه 75 قرش اللي لو اتصلت عادي حدفع مش اقل من 5 جنيه في الدقيقه ويعني ايه اسافر في منتجعات حول العالم خدمه 5 تجوم او اربعه اسبوع من فردين لاربعه ب 840 دولار اللي انا لو رحت في هيلتون في مصر اربع افراد اسبوع حدفع اضعاف المبلغ يعني الشركه بتدينا كل ده وعليهم الوكاله اللي باخود عليها الكومشن الفكرة كلها في ان الدعايه الشفهيه بناخود علها اجر مش ببلاش اي نصب ده وللعلم يا شباب ان العمل في الشركه او في المجال ده مش سهل علي الاطلاق زي مابيتخيل البعض ده صعب وصعب جدا ومحتاج علم ودراسه برضو زي اي حاجه ومش بتاع واحد فهلوي معلشي انا طولت فيالكلام بس انا مش عارف اذا كنت غطيت كل النقط ولا لا بس انا مستني اي استفسار وشكرا ليكم وجاري رفع الملفات |
رد: تنبيه و تحذير من شركة كيو نت Qnet
اولا الفتوة
http://fx-arabia.com/vb/uploaded/3894_11309300488.jpg http://fx-arabia.com/vb/uploaded/3894_11309300652.jpg http://fx-arabia.com/vb/uploaded/3894_11309301028.jpg http://fx-arabia.com/vb/uploaded/3894_11309301563.jpg http://fx-arabia.com/vb/uploaded/3894_11309301799.jpg http://fx-arabia.com/vb/uploaded/3894_11309302010.jpg ثانيا صورة للعمله والمبني بتاع الشركة القابضة اللي تبعها كيونت http://fx-arabia.com/vb/uploaded/3894_11309302202.jpg شكرا وفي انتظار اي استفسار |
رد: تنبيه و تحذير من شركة كيو نت Qnet
اهلا عمر و شكرا على التوضيحات..
سؤالى الاول و بعد كده نتحدث فى الباقيين. ما هو ترخيص هذه الشركة و ما هو رقم ترخيصها و فى اى جهة مرخصة؟ لا ارى اى صور لكيو نت على المبنى العملاق :) اتمنى ان نتحدث بعيدا عن ما هو مكتوب عبر موقعهم لاننى اشكك فى كلام كثير مكتوب هناك. نمشى واحدة واحدة فى الموضوع عشان ولا انت تتضر ولا احنا نكون اضرينا بالشركة و سمعتها لو كانت كويسة.. اذن السؤال الاول..اين تراخيص الشركة وماذا لو افلست و هربت اين ساشتكى ؟ بعد ذلك لنا متابعة مرة اخرى و ساقوم بفحص كل ردودك عن قرب. تحياتى يا غالى |
رد: تنبيه و تحذير من شركة كيو نت Qnet
اقتباس:
|
رد: تنبيه و تحذير من شركة كيو نت Qnet
اهلا دكتور أسامه
انا اخوى اشترك فى تلك الشركه وخاد خط موبيل ب4000 جنيه بتتصل بأى مكان فى حدود 60-1 ودة على حسب قرب وبعد البلد اللى بتتصل بيها للندن ___________ انا شاف الشركه هى اللى كسابه وحاول اقناع اخى ولا تحس انه مسوح كلامه طبعا من الوكلاء اللى دخلوه ياعنى انا شايف انت حضرتك تدفع 750 دولار عشان تاخد خط وعشان ترجع ليك عمولاتك لاذم تجيب 18 فرد كل 6أفراد بتاخد عليهم 250 دولار يبقى 6*3=18 فرد 18 *4000= فوق 70000 يبقى لاذم ادخل للشركه فوق ال70 الف عشان يادوب ارجع فلوسى طيب مهى كانت معايا من الاساس يحتى لما تناقشته معاه قالى ان العمليه دةى مفهاش خساره ذى الفوركس قلتله لو مقدرتش تجيب ال18 واحد يبقى هتسخر عشان فلوسك مش هترجع بالعكس الفوركس ممكن اخرج منه باى خساره ياعنى مش محتاج اجيب 18 واحد عشان اخد فلوسى لاء انا ممكن أحطها دلوقتى وبعد أسبوع اسحبها محدش هيقولى لاء رغم كل النقاشات وبردوا دخل اعتقد ان الوكلاء الكبار بيلعبوا على حته الطمع ويستهدفون الصغار والشباب من الجامعات وبيتقابلوا فى كافيه فى مدينه نصر تقريبا فى مركم عبيد وكل بيقول انه بياخد 2000 دولار اعتقد عشان توصل لكده تكون دخلت انت للشركه مليون جنيه ياعنى مفيش احسن من كده تسويق |
رد: تنبيه و تحذير من شركة كيو نت Qnet
اقتباس:
الفكرة انك بتقول ان انا لازم اجيب 18 عشان اخود فلوسي بغض النظر ان 18 لو جبتهم حتاخود 1340 دولار بس انت ممكن تجيب تلاته او اربعه او خمسه كده يعني عشان برضو اللي الوكلاء اللي تحتك بيجيبه بيساعدك برضو يعني كله بيساعد كله مع العلم ان العموله بتتاخد مره واحده سواء ال 30 دولار او ال 250 دولار ومفيش لعب في الدماغ ولا حاجه زي ما حضرتك بتقول عشان لو كده مكنتش الشركه بقت في غضون ستوات قليله بعدد الوكلاء ده و راس المال اللي اتعدي المليارات الدولارات هي الفكره ان الموضوع مش معروف في مصر او الوطن العربي عما عشان كده بيتقابل بشئ من الاستهزاء او عدم التصديق وشكرا جاري الرد علي سؤال دكتور اسامه |
رد: تنبيه و تحذير من شركة كيو نت Qnet
اقتباس:
تصحيح معلومه يا دكتور هذا المبني للشركة القابضة QI التي تعتبر كيونت جزء منها فهي لها شركات كثيره في مجالات كثيره يعني كيونت مش شركه لوحدها لا دي شركة تابعه لشركه قابضه وكده بس خليني ارفع لحضرتك صورة من الموقع الخاص بشركة QI في هونج كونج كما موجود علي العمله تماما ومش معقول لو الموقع كمان بيغش مصور اي مبني زي ده وحتطه في موقعه اكيد كان حيترفع عليه قواضي او اي حاجه زي دي لانه بينسب حاجه زي دي محطوته علي عمله بلده ليه ودي ليها معني كبير اكيد وفي الصورة ايضا صور لمركزهم في سنغافوره و ايضا في ماليزيا وتايلند واسف علي تأخير علي الرد علي السؤال الاول لاني عايز اجيب اجابه صح ومكتبش اي حاجه عشان اي حد يقرأ الموضوع يستفيد ومضللش حد http://fx-arabia.com/vb/uploaded/3894_11309321002.jpg وده لينك للصور اللي انا جايبها تقدروا تطلعوا بنفسكم http://www.qi-ltd.com/contact.html الله الموفق |
رد: تنبيه و تحذير من شركة كيو نت Qnet
بارك الله فيك يا دكتور.
محبك رائد،،، |
رد: تنبيه و تحذير من شركة كيو نت Qnet
شكرا يا عمر على التوضيحات و لكن حتى الان ليس الموضوع هو ان مبنى الشركة شكله كويس يبقى الشركة فى السماء.
العنوان المكتوب هو ان الشركة الكبيرة القابضة باسم QI تقطن فى الدور الخامس من هذا المبنى العملاق و ليس المبنى كاملا خاصا بالشركة.. على اى حال لا يوجد تراخيص للشركة متضحكش على نفسك و لو الشركة فلسعت مش حتعرف تشتكى اى حد غير ربنا طبعا.. الان انت بتقول الاسعار و مناسبة و تقدر تكلم اى مكان فى العالم باقل سعر و ده موجود فى امريكا باسم Magic Jack و ده سعره 40$ و يعمل لمدة سنتين كاملتين و لا يكلف الشركة شيئا و يتم بيعه باكثر من عشرة اضعاف ثمنه. الحاجة الثانية انك بتقول ان اسعارها مناسبة و ممكن تسافر فسحة لمدة 4 ايام بقيمة كذا طيب المشكلة كلها الحقيقية ان الريفيرال لا ينتهى و ان الدفع يكون لكل من يأتى و ذلك للابد و ده يعنى ان الناس اللى فوق هى اللى حتكسب اموال طائلة و هائلة.. منين الشركة حتدفع الفلوس دى ؟؟ حنفترض مثال لو انت كنت سادس او سابع واحد مثلا يشترك فى مصر و قمت بتسويق المنتجات الخاصة للشركة فى الفترة الماضية و حصلت على عدد كبير من العملاء و عملائك حصلوا على عدد كبير جدا من العملاء و انتشر الامر اكثر و اكثر.. كم ستحصل انت على عمولات من عملاء ليسوا من طرفك و لكن من طرف اصدقائك.. حسب ما هو مكتوب فى الموقع الخاص بالشركة انك يمكنك الحصول على اموال حتى 15 الف دولار اسبوعيا او ما شابه,بالكلام المكتوب انك ستحصل على اموالا خرافية و بعيدة عن المنطق و لو وضعت نفسك انت كصاحب شركة و تعطى عمولات للوكلاء فانك لن تستطيع دفع هذه المبالغ الخيالية للوكلاء الاوائل و حتما ستتعرض الشركة للافلاس لان نظام الدفع الشبكى المستمر للمنبع هو من احد اساسيات النصب و ليس من اساسيات التجارة.. على اى حال هل سحبت منهم اموالك ام ليس بعد :) تحياتى يا عمر :) |
رد: تنبيه و تحذير من شركة كيو نت Qnet
اقتباس:
لان اللى اعرفه من اخويا وهو لسه داخل جديد اولا ان المسوقيين للشركه كل اللى بيتكلموا فيه مع الزبون على 250 دولار والشبكه وليست قيمه الاشياء وان هذه الاشياء قيمتها لا تساوى هذا المبلغ ولاكن عشان تاخد الوكاله ثانيا انا جتب 3 يميين و3 شمال هاخد 250 دولار ذى ما حضرتك بتقول ديركت وال6 اللى انا جبتهم لو كل واحد جاب 2 يبقوا جابو 12 فرد هاخد كام على ال12 دولار الطبيعى هاخ ال30 دولار يبقى 30 دولار فى 12 يطلعوا ب360 دولار بالاضافه لل250 دولار يبقى قرب ال600 دولار لاكن موضوع انه هياخد 250 دولار على 12 وكمان 30 دولار دى صعبه واخويا مقليش عليها بالنسبه بقى لل50 دولار البونص دى مفيش الكلام دة بيحصل لان اللى بيدخل بيدخل عشان ياخد الوكاله ياعنى كلهم وكلاء لبعض وبالفعل بتاخد عليها اما 30 دولار او 250 دولار من ضمن الديركت لاكن كمان 50 تبقى كتير مش معقول اجيب وكيل اخد 30+50+40 دولار على اعتبار قسمنا 250 على 6 يبقى تاخد على كل زبون 120 دولار دة انت اللى هتاخد دة عشان جبت العميل دة امال اللى فوقيك واللى فوقيك ياخدوا كام والشركه هتستفاد فى الاخر كام اخيراا بافتراض انك دفعت ال4000 جنيه ومعرفتش تجيب حد هل هتقدر تبيع الخ ب4000 جنيه لحد ويشتريه ولا تبيع لحد ساعه 5000 جنيه اعتقد كده فى الاخر انت لبست الفلوس كل دى اسئله محتاج ردود لانى ملقتش ردود بيها عند اخويا وفى النهايه انا مش بتهجم على حضرتك انا بس حابب حضرتك تفهمنى واسف للاطاله |
رد: تنبيه و تحذير من شركة كيو نت Qnet
اقتباس:
لا يمكن التسويق الشبكى ان يستمر للابد او للنهاية لان النهاية هى واضحة و صريحة و هو الافلاس التام.. مثلا فى موقع اف اكس كوميشن توجد سلسلتين فقط من العمولات للعميل الاول ثم الثانى ثم ستوب مفيش تانى..لانه مع انتشار الموقع ممكن يطلع لى شريك فى الموقع و كل العملاء جايين من تحته و النهاية انى مش حقدر ادفع ليه لان العمولات ساعتها مش حتكفى ان كللللللللل الناس دول يشاركوا فيها. وجهة نظرى لازالت قائمة.. نصباية على كبير قوى و الاخضر دايما بيزغلل.. حتى لو لم يكن كذلك فالشركة تبيع اصناف رخيصة جدا جدا باسعار عالية جدا جدا كى يمكنها دفع هذه المبالغ و هو ايضا يقع فى دائرة شبهات اخرى.. انت تشترى اصناف سيئة من اجل الحصول على وكالة و الاسوء انك ستنصح بها اصدقائك كى يشتروا من اجل مصلحتك و هو فى النهاية شغل سيئ الى اسوا و اهدار لاموال المسلمين من اجل مصالح اشخاص معينة.. اما موضوع ان ليها 7 مليون وكيل و انها عملت مليار دولار فى سنة و نص فى عز الازمة المالية اعتقد انه كلام لا يقدم ولا يؤخر و اى كلام فاضى و مش معقول.. لو كان ليها 7 مليون وكيل مكانش ترتيب موقعها على اليكسا اكتر من 2 مليون.. يعنى لو السبعة مليون وكيل و عميل لو بيخش منهم 70 واحد بس على السايت كان السايت بقى فوق ال 500 الف على الاقل.. احذر احذر احذر.. طبعا بالنسبة للتراخيص مش حتلاقى اى حاجة لانى بحثت كتير و لو سالت اى وكيل او اللى احضرك حيقولك معرفش او مسألتش و ساعتها قوله.. كم انت راجل بتاع بيزنس بصحيح :) تحياتى |
رد: تنبيه و تحذير من شركة كيو نت Qnet
اقتباس:
اسف علي التأخير عشان مكونتش موجود بس بالنسبة لموضوع التراخيص انا سألت ناس فيدمه في البزنس ده وقالولي ان لها بالفعل تراخيص في هونج كونج ولكن انا معيش التراخيص دي او اعرف عنها عشان اقدمها لحضرتك ومش عارف اثبتها ازاي دي حاجه علما بأن الوزلاء دول حاليا ليهم اعمال ديركت في الشركة الام نظرا قدمهم فيالمجال ده والنجاحات اللي حققوها وليه ناس بالفعل ححيتهم اتغيرت بالكامل بسبب العمل ده انا كمان باخود منها عموله كويسه وبسحب فلوسي عادي من غير اي مشاكل بس انا موصلتش لمرحله الناس دي يعني عشان انا بالنسبالهم جديد وجديد جدا كمان طيب بالنسبة لو الشركة افلست هنعمل ايه وسؤالي هنا هل في اي حد شغال في مصر مثلا ولو الشركة بتاعته فلست هيعمل ايه وحيشنكي لمين ولو لقي حد يشتكيله هل هياخود حقوقه طب خليني نقول بشكل تاني ايه السبب اللي حيخلي الشركه تفلس الجواب مفيش طب ازاي امال ايه حوار لو جبت اكترمن 180 يمين و180 شمال في اسبوع حيكون ايه الكلام ساعتها اقول لحضرتك الشركه حطه رولز معروفه ليها وهي ماكسمام حتاخود 15000 دولار اسبوعي اللي هما 180 يمين و 180 شمال واساسا من الصعب تحققهم بس خليني اقول اتحققوا وانت جبت مثلا 200 يمين و 200 شمال في اسبوع في الحاله ديه الشركه حتحاسبك علي 180 يمين و 180 شمال بس عشان متدفعش من جبها حاجه وبالتالي يحصل افلاس وده اللي كام بيحصل في التسويق الهرمي وليس شبكي طب ال 20 يمين وال 20 شمال دول حيتنصب عليه فيهم لا طبعا حضرتك حتقوم بأكتفه وكاله جديده ليك عشان الركه مديانا 3 وكالات مش وكاله واحده أكتف واحده جديده وحط العشرين يمين و20 شمال تحتيهم وخود عمولتك عادي طب لو انت معملتش كده الشركه مش حتحاسبك الا علي 180 يمين و 180 شمال منعا للافلاس بيتهيألي كده وضحت الصوره وبخصوص المنتجات حضرتك بتقول ان في في خدمه زي ديه في امريكا ب 40 دولار سنتين طيب كيونت 420 دولار مدي الحياه + العموله يبقي مين احسن ؟؟؟؟؟؟ ودائما حضرتك تقول المنتجات رديئة رديئة هل حضرتك جربتها بنفسك عشان يتم الحكم عليها بهذه الصفات ؟؟؟؟ انا عن نفسي جربتها بنفسي ومقتنع بيها جدا واثرت فيه جدا وفعلا استفعت بيها مش مجرد داخل الشركه عشان العموله لا بالعكس احنا اول حاجه بنشوفها قبل ماندخول العمل ده هوه ايه احسن حاجه تناسبني في المنتجات عشان استفاد منها مش داخل عشان عموله وخلاص وكمان المنتجات دي مش موجوده غير في كيونت وبس ومنتجات ليها براءه اكتر من براءه اختراع وكتير من الدكاتره اللي ممكن اشيرك المقالات بتاعتهم علي مستوي العالم اللي بتنصح باستخدام المنتجات دي يبقي فين رديئة ؟؟؟؟ علما باني لا اتعامل في المنتجات الذهبيه اوي اي مشغولات حتي اقفل باب حرمانيتها اتعامل مع خدمات الاتصالات ومنتجات الطاقه و والعطلات والاجازات اللي استحاله تلاقيها في اي حتي في العالم وبخصوص ان الناس اللي فوق هما اللي حيكسبوا كتير واللي تحت لا ده بردو مش صح كله بياخود عموله طالما في 3 يمين و 3 شمال طب افرض انا تحت مني 1000 واحد كلهم نحه واحده مش حاخود عموله الغير مباشره طب اللي تحت مني لو هوه جاب تلاته يمين وتلاته شمال حياخود هوه يعني هوه تحتي حياخود وانا لا يبقي الفكره مش اللي فوق هوه اللي حيكوش واللي تحت غلابه..... وبالنسبة لا ترتيب السيت علي اليكسا ده انا شايف انه مش مهم حيعنيني في ايه انا اهم حاجه عندي ان الموقع عليه سكيورتي عالي وعمولاتي محفوظه فيه يبقي انا عايز ايه تاني وده غير ان ال 7 مليون في منهم الكتير اللي مش بيدخل علي السيت اساسا وبيخلي حد يدرله حسابه كده يعني عموما ده ميعنينيش في حاجه ترتيبها عادي... انا اللي شايفه دلوقتي قدامي شغل حلال والفتاوي تثبت ذلك وبيدخل ربح كويس او دخل اضافي وبسحب منه فلوسي عادي والمنتج معايه وبستخدمه والحمد لله في خلال شهرين كنت جبت فلوسي اللي دفعتها ومعايه المنتج وتمام الحمد لله ايه بقي اللي فيها ؟؟؟؟؟ اتمني اني اكون غطيت كل النقط يا دكتور واسف علي الاطاله وياريت لو في اي حاجه تانيه اتفضل اسأل وعذرا لـتأ خيري في الرد عشان مش كلالردود عندي برضو الله الموفق |
رد: تنبيه و تحذير من شركة كيو نت Qnet
اقتباس:
بالنسبة للعمولات في حاجه اسمها عموله مباشره وغير مباشره يعني لو جبت واحد تاخود عليه 30 دولار اي حد بتجيبه ديركت ليك بتاخود عليه 30 دولار وكل 3 يمين و 3 شمال تاخود 250 دولار وبالنسبه للبونص يعني ايه اقول لحضرتك انت مثلا لسه داخل الشركه حالا ومجبتش اي وكيل جديد تمام اول مابتجيب وكيل جديد الشركه بتديك بوتص 50 دولار بس في اول مره وخلاص مش كل مره يا استاذنا فهمتني وانا حصل معايه كده وربنا شاهم علي انا بقوله ولو حضرتك حسبتها حتلاقيها زي الرقم اللي انا قلته لحضرتك بمعني انت دفعت 750 دولار وجبت 18 ديركت ليك يبقي الاول حنحسب ال 50 دولار البونص + 18 * 30 الديركت كومشن + 540 دولار + 750 دولار علي كل تلاته يمين وتلانه شمال يعني المجموع 50 + 540 + 750 = 1340 دولار والله الموفق |
رد: تنبيه و تحذير من شركة كيو نت Qnet
حقيقة التسويق الشبكي في شركة كويست العالمية بين الشرع و التجريب
الحمد لله رب العالمين ، و الصلاة و السلام على سيد المرسلين ، و بعد.. هذه رسالة مفيدة - بإذن الله - أبين فيها أمر التسويق الشبكي في شركة كويست العالمية بالنظر من عين الشرع و عين التجربة ، بعد دراستها نظريًا و ممارستها عمليًا . فأقول و بالله التوفيق : إن الجدل القائم بهذا الشأن في المنتديات الفقهية ، بين مجوز و مانع و متوقف ، يرجع سببه إلى تقصير من كلا الطرفين ( أ- السائل ، ب- المجيب ) مع احترامي و تقديري للجميع . فالسائل غالبًا يكون واحدًا من الحالتين التاليتين : مرشح جديد ، لم يفهم - و لا يمكن أن يفهم - كل تفاصيل العمل و دقائق أموره ، فيذهب إلى المفتي و يطرح العمل حسب فهمه و ظنه ، و لا يتمكن من الإجابة عن كل استفسارات المفتي و إشكالاته ؛ كما أن السائل في الغالب لا يتمتع بخلفية علمية شرعية تمكنه من مناقشة المفتي و مراجعته في بعض الاستدلالات و القياسات الفقهية ، و كل ذلك يؤدي في النهاية لأن تصل المعلومة غير كاملة للمفتي ، فيجيب بناءً على ما فهمه من الأمر ( و الفقه فرع عن التصور) . مشترك قديم ، و كثير منهم يشتركون مع النوع السابق في نفس الأمور ، بالإضافة إلى أمر خطير ، و هو أن البعض منهم لا يتمتع بالنزاهة الكاملة و الحياد التام عند السؤال ، لأنه فقط يريد فتوى بالجواز ، فيبدي أمورًا و يخفي أمورًا ، حتى تكون الفتوى مفصلةً على مقاسه ، و في النهاية تكون الفتوى ناقصة لا تشمل كل نواحي المسألة ، و لا تحل كل إشكالاتها مما يعطي مجالاً للآخرين للطعن فيها أو الرد عليها . هذا إن كانت بالجواز ، أما إن كانت بعدم الجواز ، فإن البعض يخفيها و يتجاهلها ، بل و يتهم المفتي بعدم الفهم ، و يبحث عن آخر . أما المفتي فغالبًا ما يتسرع في الفتوى مقلدا لمن سبقه أو مكتفيًا بما ذكره السائل دون دراسة المسألة برويّة و النظر إليها من كل الزوايا ، بالإضافة إلى قلة الفقهاء المجتهدين ، و غياب العلماء الأفذاذ الذين يمتلكون أدوات الاجتهاد و التفريق ، و النظر الدقيق ، و البحث في المسائل المختلفة و المستجدة ، و تحرير الخلاف و الترجيح المستند إلى الأدلة الشرعية. و أقول بناءً على ما سبق أن الحل يكمن في قول الله تعالى ( فاسئلوا أهل الذكر إن كنتم لا تعلمون) و نقول للسائل : ( أنت إذا انضممت إلى هذا العمل و جلبت بعض المرشحين ، فستحرص على أن ترسلهم إلى من هو أعلم منك و أكثر تجربة منك في هذا المجال ، فيشرح لهم الأمر كاملاً و صحيحًا و بكل وضوح، حتى تصل لهم الفكرة كاملة فيقتنعوا و ينضموا إليك ، هذا في شأن الدنيا ، و كذلك ينبغي أن يكون الأمر في شأن الدين ، فلا بد أن تعامل المفتى كأنه مرشح لك ، فترسله للمتخصص الخبير فيشرح له الأمر تمامًا ، فتكون الفتوى كذلك تامة مبنية على فهم كامل و واضح للمسألة من كل جوانبها) . و نقول له أيضًا ، ليس كل أئمة المساجد أو حتى أساتذة الجامعات فقهاء يصلحون للفتوى، لا سيما في أمور البيوع ، فإنها أصعب أنواعالفقه كما هو معلوم ، و أكثرها تعقيدًا و تفرّعًا ، و قد قال العلماء سابقَا ( إنّما الفقه البيوع) . و كذلك ينبغي على المفتين أن يتقوا الله و يرسلوا السائل إلى من هو أعلم و أخبر في أمور البيوع ، و لا يتصدروا للفتوى بعلم ناقص و خبرة ضحلة . بعدما تقرر ما سبق ، نذكر الآن عامة أدلة من قال بالمنع و وجهة نظره في ذلك مع الإجابة عنها و الرد عليها: ( ملحوظة هامة : هذا الرد بمثابة مناقشة علمية و نقل لفتاوى مختلفة لأهل الاختصاص ، و ليس فتوى شرعية ، لأنني و إن كنت أدرس الفقه ، فإنني لست مفتيًا ، أو عالمًا) . هذا العمل أكل لأموال الناس بالباطل لأن هذا النوع من البرامج لا يمكن أن ينمو إلاّ في وجود من يخسر لمصلحة من يربح ، سواء توقف النمو أم لم يتوقف ، و مآله إلى التوقف عندما يصل السوق إلى درجة التشبع من السلعة المباعة، فالخسارة وصف لازم للمستويات الأخيرة في جميع الأحوال، و بدونها لا يمكن تحقيق عمولات خيالية للمستويات العليا ، و الخاسرون هم الأغلبية الساحقة ، و الرابحون هم القلة ، أي أن القلة كسبوا مال الأكثرية بدون حق ، فما يربحه البعض هو ما يخسره البقية ، و هذا يسمى عند الاقتصاديين التعامل الصفري ؛ و هو التسويق الهرمي الذي حكم الغرب و أمريكا على وجه الخصوص بمنعه ، لمّا تبين ما فيه من التغرير و الخداع. الرد: هناك فرق بين التسويق الهرمي ، و التسويق الشبكي ؛ فكما أن أمريكا و الغرب قد منعوا التسويق الهرمي ، فقد أجاز الجميع التسويق الشبكي ، و هناك فروقات كثيرة بين النوعين يعلمها أهل الاختصاص ، من أهمها أن التسويق الهرمي لا سلعة فيه ، إنما المشترك يدفع المال مقابل لا شئ ثم يحرص كل مشترك على جلب مشتركين آخرين للقيام بنفس الأمر مقابل عائد مادي يقل تدريجيًا بتتابع المستويات (الطبقات المتسلسلة في النظام الهرمي)، و هو بذلك أشبه بالمقامرة أو الميسر، و لا بيع فيه. أما التسويق الشبكي ، فهو قائم على أساس الترويج و التسويق للمنتجات التي تبيعها الشركة ، مقابل استغناء الشركة عن أساليب الدعاية التقليدية عبر وسائل الإعلام المعروفة ، و تتحول تكاليف الدعاية و الإعلان إلىعمولات يكسبها الزبون ( المشترك) مقابل قيامه هو بالدعاية و التسويق . ثم إن كل مشترك جديد يدفع ثمن السلعة التي يشتريها و يستفيد منها ، و لا يمكن أن يتوقف النمو ما دامت هناك سلعة متجددة إلاّ إذا توقف المشتركون جميعًا عن الترويج و بالتالي لا يستحقون شيئًا |
رد: تنبيه و تحذير من شركة كيو نت Qnet
سؤال وجواب اخر
السلعة في هذا النظام ليست إلاّ مجرد غطاء للتسويق الهرمي، للاحتيال على الشرع و القانون ، و جعلالممنوع جائزًا ؛ و الدليل على ذلك أن كل المشتركين لا يشترون السلعة لأجل السلعة ، بل فقط للاستفادة من أرباح الترويج و طمعًا في المكاسب الكبيرة، فتكون الشركة بذلك مروّجة لسلعتها بالغرر ( و هو بذل المال مقابل عوض يغلب على الظن عدم وجوده أو تحققه على النحو المرغوب) سواءً كانت السلعة ذات قيمة أم لا ، أو كانت تستحق سعرها أم لا ، و سواءً استفاد منها المشتري أم لا ، و لذلك فإن المشتري يغري المرشحالجديد بالعمولات الضخمة التي يمكن تحقيقها، مما يدفعه لشراء تلك السلعة ، و يتم التسلسل على هذا النحو ، فالعبرة بالغالب و هو طلب الكسب و ليس السلعة . الرد : هذا المسألة بحاجة إلى وقفة متأنية ؛ لعدة أمور ، وهي: ينبغي أن يتم التعامل مع هذه المسألة على نحو من الخصوص ، أقصد بذلك أن نفرق بين الشركات بناءً على نوع المنتجات ، و هذا أمر نوافق عليه ، فالشركة التي تكون سلعتها بلا قيمة و لانفع ، نعلم من ذلك أنها فقط تسعى للربح و إغراء الآخرين به ، و ليست السلعة هي الأساس في عملية التسويق ، فنحكم بمنعها لهذه الشبهة ؛ أما الشركة التي تكون سلعتها ذات قيمة و نفع متحقق ، فلا نمنع تسويقها و الترويج لها إن توافرت شروط الجواز في بقية معاملات الشركة ؛ أمّا أن نعمم المنع لسبب خاص يمكن التفصيل فيه ، فهذا أمر لا نتفق فيه و لا نوافق عليه . و الذي يحدد ما إذا كانت السلعة ذات قيمةأم لا، هو الواقع و التجربة و المنطق السليم ، مع مراعاة التفاوت بين الأشخاص في حصول المنفعة و قدرها؛ فهي بذلك أمر نسبي ، لكن الحكم للغالب كما ذكرنا من قبل . تتميز كويست العالمية بأنها مجموعة من الشركات ، و لكل شركة مجموعة كبيرة و متنوعة من المنتجات ، و تتميز معظم هذه المنتجات بأنها لا تتوفر إلاّ عند الشركة فقط ، و قد أثبتت تجربتي الشخصية لسنوات و تجربة آلاف الأشخاص و عشرات الخبراء ، ناهيك عن بعض المنظمات العالمية و الحكومات الدولية تميز هذه المنتجات و جودتها ، و الرغبة فيها و الحاجة إليها ؛ كل ذلك يشعرنا بأن السلعة أو المنتج أمر أساسي عند هذه الشركة . و دليلي في ذلك أيضًا ، أنك إذا أخبرت شخصًا عن بعض هذه المنتجات رغب فيها و اشرأبّت نفسه إليها ، حتى قبل أن يعلم بمسألة التسويق و الأرباح الممكنة . فإذا أخبرته بمسألة العمولات والتسويق ، زاده ذلك رغبة و اقتناعًا ، فأين ما يمنع ذلك في الشرع ؟! ارجو اكون بفيد |
رد: تنبيه و تحذير من شركة كيو نت Qnet
اقتباس:
شكرا يا عمر على الشرح و التوضيح فغايتنا ان نحافظ على اموال بعضنا و ان نقف بجوار بعضنا للمساعدة.. طيب بفرض لو جبت 9 و 9 يمين و شمال.. كم تكون عمولاتى.. و الشركة كده تكون كسبت ايه؟؟ و كم عمولات من احضرنى و ليكن عمر مثلا و برضه الشركة كسبت ايه ؟ الا ترى انك عندما تحضر ستة عملاء ستكون الشركة خسرت السلعة و اموالك و مضروبة فى اتنين كمان؟؟هل ترى هذا بيزنس عاقل فى وجهة نظرك؟؟ اعتقد ان هذا ينطبق عليه المثل Too Good To be True. و هو ما شاهدناه كثيرا جدا فى الانترنت فى السنوات السابقة.. ساقوم بالرد على ردك السابق الان.. تحياتى |
رد: تنبيه و تحذير من شركة كيو نت Qnet
اقتباس:
ولو مش ديركت يبقى مش هناخد ال30 بس هناخد 250 لان ال30 هتروح لللى جايبهم ديركت اتمنى اكون فهمت صح |
رد: تنبيه و تحذير من شركة كيو نت Qnet
اقتباس:
ندي مثل بالموبيل مثلا الموبيل بيطلع من المصنع وبيتباع للمستهلك ساي مثلا ب 1000 جنية طب تعتقد بيطلع من الشركة بكام؟.. ب 200 جنية طب الباقي بيروح فين للوسطاء الوكيل الموزعين تجار الجملة والتجزئة طبعا ده غير طبعا ان التجارة دي بتعتمد علي الدعاية التلفزيونية ودي باهظة الثمن وفي ناس كتر مشبتشتري عن طريق الاعلانات دي وده كان طبعا مش مرضي للشركات اللي بتدفع مبالغ باهظه في الاعلانات بلا جدوي طيب تعالي نشوف في كيونت اول حاجه خلت العلاقة مباشرة بين المصنع والمستهللك بس ده مخلاش برضو السعر بتاع المنتج ينزل وبقي هوه هوه ال 1000 جنية عشان صمعته متتهزش في السوق ويقولوا عليه معيوب طبعا طيب ال 80% دول راحوا فين 20% كمان راحوا للشركة عشان تزود من ارباحها ويبقي بتبيع المنتج ب 400 جنية تمام طب وال 60 % دول حيروحوا فيييييييييييييييين.....؟؟؟؟؟؟ حيروحوا لاي حد ساعد علي بيع المنتج ده او تسويقه ليه لان التجارة ديه بتعتمد علي الدعايه الشفهيه اللي هما الوكلاء يعني الشركه كل منتج بطلعه بتبقي كسبانه علي قمته اللي هي اساسا 20% وهي كسبانه برضو فيه بتكسب كمان 20% وده مبلغ عالي جدا وال 60% الباقين دول اللي بيتم توزيع منهم العمولات وفي حاله الوصول للتشبع زي ماقلنا في الاسبوع 180 يمين و 180 شمال بتأكتف وكاله تانيه وهكذا .... لو 9 يمين و 9 شمال يبقي انا حاخود 1340 دولار لو كلهم ديركت ليه يعني بالمصري 8040 جنيه في مقابل ان ال 18 وكيل دول حيشتروا منتجات ب حوالي 90000 جنيه اللي هيه 18 * 5000 يبقي ادي مكسبي وادي مكسب الشركه طيب اللي فقيه اللي فوقي مش حياخود علي اللي تحتي الا لو كان عنده في النحيه التانيه برضو 18 واحد يعني 90000 جنيه يعني هياه حضرتك فاهمني وضحه كده.... |
رد: تنبيه و تحذير من شركة كيو نت Qnet
اقتباس:
|
رد: تنبيه و تحذير من شركة كيو نت Qnet
اقتباس:
اهلا عمر.. اشكرك على ردك باسهاب و اتمنى ان نتفق فى البداية لسنا منافسين للشركة او نسعى للهجوم عليها او لترقيتها فقط نحن نتشارك فى الاراء و القرار يكون فى عقول القراء و المشاركين و المشتركين.. بالنسبة للتراخيص فشركة ضخمة و حققت مليارات (على حد قولها) يجب ان تكون مرخصة على الاقل بسجل تجارى و بطاقة ضريبية و الشركات الضخمة ايضا ذات السبعة ملايين عميل ووكيل يجب ان تكتب التراخيص فى موقعها و ارقام التراخيص و جهاته و ما الى ذلك..سنفترض ان التراخيص موجودة و المتفق عليه ان من اى حق اى عميل الاطلاع على صور من تراخيص الشركة التى يتعامل معها و يسوق لها حتى يطمئن على امواله.. حل هذه المشكلة هو الاتصال بالشركة نفسها و طلب صور من التراخيص او ارقام التراخيص و لو قدمتهم الشركة يبقى عبرت هذا الاختبار و ان تحججت بانه لا يمكن او اسرار شركات او ما شابه اذن فالاجابة قد وصلتك مقدما.. ساترك لك هذه المهمة التى ستفيدك قبل ان تفيدنا او تفيد الاخرين و انا واثق من تحريك الصدق و الحلال فى نقل الردود. 2- لازم يكون فى ناس بتكسب فى الاول و بتعمل فلوس و الا ماكان الموضوع وصلك اساسا فرجاء خذ نفسك انت العبرة و الحكم و لا تعتمد على السمع لانه غالبا النملة تصبح فيلا فى الوطن العربى :) 3- اتفق معك اننى لم استخدم ايا من هذه المنتجات ولا يحق لى القول انها رديئة و لكن برضه بالعقل هل تعتقد ان هذه الاسعار مناسبة لما تحصل عليها..سنفترض جدلا على حد قولك ان الاسعار طبيعية و مناسبة للشركة فى عمل رحلات او اتصالات او طاقة او ما شابه..طيب من اين ستدفع الشركة هذه العمولات (الخيالية) طالما ان الاسعار مناسبة للسلع المعروضة؟؟ 4- افترض ان اف اكس ارابيا اصبحت وكيلا لكيو نت و لديها عشرات بل مئات من العملاء الذين يدخلون بالتوازى و مع الوقت و ليس اسبوعيا و زاد عدد عملاء ارابيا لكيو نت ليصبح 50 يمين و 50 شمال كم ستحصل ارابيا انذاك..و ما هى فائدة الشركة فى اعطاء كل هذه الاموال لاف اكس ارابيا التى وحدها التى ستحصل على اموالا طائلة اما الشركة فملزمة بتسديد هذه الاموال طبقا للاتفاقيات.. ماذا لو احضر كل عميل من المائة عميل ستة عملاء..كم ستدفع الشركة للوكيل الام و ما هى الفائدة التى ستعود على الشركة من دفع هذه العمولات الرهيبة للوكيل الاساسى؟؟ احسبها معاك حسب فهمى للامر.. انا دفعت 750$ ساحصل على 50$ بونص لاول عميل. ساحصل على 30 مضروبة فى 100 عميل = 3000$ ساحصل على 50 مضروبة فى 250$ = 12500$ مجموع ما حصلت عليه كوكيل اساسى من دون ان يقوم احد افرع وكالتى بالتسويق على 15300$ نقول 15 الف حسب كلام الشركة.. اذن الشركة حصلت على 75000$ مبيعات و انا كوكيل حصلت على 15 الف دولار عمولات..الباقى هو 60 الف دولار و هو ما يجب حتما توفيرهم فى قيمة المبيعات.. طيب الان لو عملائى قاموا بعملهم هم الاخرين و احضروا عملاء كى يربحون..كم ساحصل انا ؟؟ و ماذا سيتبقى للشركة و اين قيمة المنتجات التى قامت الشركة ببيعها ؟؟ على الرغم من انك لم توضح كم ساحصل فى حالة قام عملائى بجلب عملاء و لكننى على ما سمعت سيكون 30$ ايضا عن كل عميل.. ببساطة... الشركة تدفع 50$ كبونص عن كل عميل (البونص الاولى) الشركة تدفع 125$ عن كل عميل (البونص بتاع يمين و شمال) الشركة تدفع 30$ عن عمولات عن عملاء العملاء. مجموع ما تدفعه الشركة 175$ عن كل عميل يحضر لها من طرف واحد. ماذا عن العملاء و عملاء العملاء و عملاء عملاء العملاء وعملاء عملاء عملاء العملاء....الخ.. هل يتم الدفع لهم ام ان للسلسة نهاية.. ان لم تكن لها نهاية فاتمنى ان تكون الان عرفت النهاية :) تحياتى يا عموور و شكرا بجد لان فى حد من كيونت متواجد معانا حتى لا نرمى الناس بالباطل. ربى يرحم اموال المسلمين. الله كريم, |
رد: تنبيه و تحذير من شركة كيو نت Qnet
ياعنى احنا بناخد ديركتت 30 كمان بالاضافه ل250 لكل 6 صح كده
ولو مش ديركت يبقى مش هناخد ال30 بس هناخد 250 لان ال30 هتروح لللى جايبهم ديركت اتمنى اكون فهمت صح |
رد: تنبيه و تحذير من شركة كيو نت Qnet
معلشي 50$ ايه اللي مضروبه في 250 $ دي بتاعت ايه عشان افهم يا دكتور
|
رد: تنبيه و تحذير من شركة كيو نت Qnet
اقتباس:
يا دكتور في لبس عند حضرتك الشركه تدفع 50 دولار مره واحده بس كتشجيع ومفيش تاني وعلي الديركت كومشن 30 دولار وعلي الانديركت اللي هوه 3 يمين 3 شمال 250 دولار كده وضحت لو انا عندي 50 يمين و 50 شمال يبقي حاخود اولا علي الميه لو ديركت ليه 30 دولار يبقي 100 * 30 + 3000 دولار طيب وال 50 يمين و 50 شمال دول فيهم كام تلاته فيهم 16 تقريا وعانه الاتنين المهم حيكون 16 * 250 دولار يعني 4000 دولار يعني 4000 + 3000 + 50 + 7050 دولار عمولاتي بكام مصري 42300 طيب الوكلاء اشتروا بكام 100 * 5000 + 500000 جنيه اظن الفرق واضح يا دكتور بين مدخلات ومخرجات طيب اللي تحت مني واللي فوق مني ماهو حياخود هوه كمان وكده تبقي باظت علي الشركه لا طبعا انا بالنسبة للي فوق مني بكل ال 100 بتوعي مثلا في الجناح اليمين لازم يبقي عنده زيهم في الشمال 100 كمان عشان ياخود عموله يعني هياه يا دكتور ولا ايه نفس المبيعات ونفس المخرجات ونفس الكلام للي تحتي يارب يكون وضح كلامي كده انا رايح افطر بقي ولو في اي اسأله تانيه او اي حاجه مجاوبتش عليها يبقي بعد كده ان شاء الله سلام |
رد: تنبيه و تحذير من شركة كيو نت Qnet
اقتباس:
|
رد: تنبيه و تحذير من شركة كيو نت Qnet
اقتباس:
ولو فيه اسئله اكيد هرجعلك تانى بس عاوز اقلك ان الخط معايا عامل مصلحه فى الاتصال بتاع اخويا عشان هو مأكتفوا على خطى |
رد: تنبيه و تحذير من شركة كيو نت Qnet
اقتباس:
والحمد لله انك بتستفاد اهوه من المنتجات الله الموفق |
رد: تنبيه و تحذير من شركة كيو نت Qnet
اقتباس:
|
رد: تنبيه و تحذير من شركة كيو نت Qnet
شكرا عمر على التواجد الدائم فى الموضوع.
ياريت لو فى اى جديد نتواصل دائما.. تحياتى |
رد: تنبيه و تحذير من شركة كيو نت Qnet
اقتباس:
وربنا يرزقنا بالحلال ويقينا شر الافلاس وضرب الاستوب :1 (46): :1 (105): :) الله الموفق |
رد: تنبيه و تحذير من شركة كيو نت Qnet
السلام عليكم
انا عندي تساؤل لاخويا عمر هو انت دخلت كيونت ليه؟؟؟؟ ازا انا كنت مسجل كوكيل يعني اخدت منتج منهم ولالالالالالالالالالازم اجيب على يميني ويساري اتنين ولالالالالالالالالالالالالازم يشتروا من الموقع ده ليه؟ عشان انا اربح صح ولا لأ ؟؟؟؟ وحتى هما يربحوا لالالالالالالالالازم يقنع كل واحد فيهم زبون لالالالالالالالالالالالالازم يشتري من الموقع وايجيب واحد يمين وواحد يسار ليه؟ عشان هو يريح !!! بس؟ لالا وانا اربح برضو !!!!! من تعب مين اربح ؟؟؟؟ ومن فلوس مين اربح؟؟؟؟ من تعب العملاء اللي تحتي !!! مش كده برضو يا عمر؟؟؟ هو ده حلال ولا حرام؟؟؟ انا اربح من تعب وكد غيري ويمكن اربح مليون جنيه خلال سنة ازا تكاثر العملاء اللي تحتي طيب من فلوس مين؟؟ من فلوسهم طبعا...ده حرام ولا حلال ؟؟؟ انت ولا اي شخص مشارك وعنده وكالة ليه مشارك؟ عشان خاطر القلادة السحرية اللي اسمها قلادة الطاقة اللي نشات عن معتقد صيني ؟؟؟؟ ولا عشان الربح؟؟؟؟ عشان الفلووووووووس والربح طبعا ولولا الربح اللي توصلنا لفووووووووق لما خسرنا 250$ واخذنا القلادة من الموقع!!! صح ولا لأ ؟؟ الشركة لها ترخيص ولا مالهاش يا دكتور هي نظامها ايه؟؟؟ اسمها شبكي ولا هرمي ولا شجري ولا اي مسمى هي نظامها ازاي قائم على ايه وكيف؟؟؟ الشركة بيحق لوكيلها يتقاعد بعد كم سنة وبعدين بيحصل على راتب تقاعد طيب هو الراتب ده منين؟؟؟ من فلوس مين يا جماعه؟؟؟ طيب انت بتشتغل في الشركة وبتتعب يا حبة عيني وتعبك هو انك تجيب زبون تقنعه يشتري عشان يزيد العملاء تحتك وهو بدوره الزبون يقنع ناس تحته..طيب طيب ده تعب برضو بتشرح للناس الجديده عن نظام الشركة دي وتقنعه وبعدين يشتري ويتواصل الربح ..طيب طيب ده تعب بتابع اللي تحتك وتشوف مين اللي يتحرك يجيب زبون يشتري ومين لأ..طيب طيب ده تعب بتقيم مؤتمرات واجتماعات للناس تشرح لهم عن نظام الشركة وان الخسارة زيرو...طيب طيب ده تعب ككككككككككككل ده التعب بيخليك تاخد عليه مليون جنيه في السنه !!!!!!!!! او اقل المهم تاخذ مبلغ كبير لانك جبت عملاء تحتك..واللي تحتك جاب زبون..واللي تحت تحتك جاب وكلهم دول اشتروا من الموقع عشان ايه طيب؟ عشان الفلوس والثراء السريع ازا انت مليون جنبه تاخدهم ع الراحه امال اللي فوقك كم بياخدوا في الاسبوع ؟؟؟؟ طيب طيب مش مقتنع انو حرام انا اشرحلك وللعلم يا اخويا عمر ما حصلش عالم معروف افتى ان الاشتراك بدي الشركة حلال افرض الاسم اللي ابلك اسمه مصطفى تحته انت على اليمين...........اليسار انا اف اف كل واحد منا اخد ساعة من الشركة انت لازم تجيب اتنين تحتك اليمين فرضا محمد..........واليسار احمد تقنعهم يشتروا واشتروا وعملوا زي الشجرة تحتهم كل واحد فيهم جاب زميله ولا اخوه وانا عملت زيك تمام؟؟؟ طيب محمد تعب وجاب زبون واقنعه يشتري وزبونه اقنع زباين وكزا هو تعب محمد ليه بيرجع لك اضعاف مضاعفة من الفلوس؟؟؟؟؟؟؟؟؟؟؟؟ مش لازم محمد بس ياخد عمولته على الزبون ده ويمشي وتنتهي القصه؟؟؟ لا تقول تسويق مباشر ولا غير مباشر طيب افرض احنا بمحل قالي المدير لو جبت لي زبون تقنعه يشتري دي الخامه اديك عموله كويسه وجبت واستلمت العموله وانا مبسوط قالي المدير عندي بطاقة برونزيه لو جبت زبون يشتري دي الخامه اديك عموله كويسه وتكون كده اشتركت بالبطاقة ولك رقم خاص ورقم حساب كل ما تجيب ليه زبون اديك عمولة تختصم من بطاقتك وجبت واداني ثم قلت للزبون ده لو جبت زبون يشتري نفس الخامه دي اديك عموله كويسه فالزبون الاول جاب لي زبون تاني فرحت للمدير وانا فرحان ان الزبون التاني ده من طرفي فاخدت عمولة كويسة والباقي اديته للزبون الاول طبعا عموله مش كتيره وانا عمولتي اكتر تمام؟؟؟؟؟؟؟؟ الزبون الاول قال للتاني لو جبت لي زبون اديك عموله وجاب زبون تالت فالزبون التاني راح للاول والاول قابلني انا وقال جبت لك زبون جديد !!! (من تعب واقناع الزبون التاني طبعا) فراحت للمدير وقال جبت لك زبون جديد !!! (من تعب الاخير طبعا) فاداني عمولة كويسة ورحت قسمت دي العمولة على الزبون الاول والتاني على اني اخد نصيب الاسد (من غير تعب) والاول اكتر من التاني !!!!!!!! طيب فين التعب في عملي انا ؟؟ مافيهاش تعب ولا شغل غير اني الزأ على النت واشوف ازا تكاثر العملاء اللي تحتي واوازن بين يمين ويسار وده مش مهم المهم الفلوس دي منين هنا التساؤل عن نظام دي الشركة |
بسم الله الرحمن الرحيم انا كتبت الموضوع ليس للدفاع عن الشركه او جذب الناس !! بس المشكله اننا كمصريين بنواجه اي حاجه ليها نجاحات و بالذات اللي جاي من الغرب ...!! [/COLOR]بس لازم نقول الحق و نوضح كل حاجه للنااس و بعد كده لما تعرف الحقيقه -->ابقاا الشركه نصابه .. !! اولا : هنتكلم عن اساس الشركه في التعاملات : الشركه قائمه علي نظام التسويق الشبكي و ليس التسويق الهرمي * لازم كل واحد يأخد باله من دي !! كل واحد يقولك الاتنين زي بعض !! لأ لأ لأ لأ لأ لأ التسويق الهرمي :: هو ان اللي دخل الاول هوا اللي كسب و اخر واحد دخل هوا الخسران (بايجاز) اما التسويق الشبكي :: مش بتفرق مين اللي دخل الاول او الاخر !! لأن كده كده بتعتمد عليك انت Power Of One حسب ما هتشتغل حسب ما هتكسب !! ممكن تعمل Search علي جوجل و تكتب Network Marketing وأقرا عنه و شوف مستقبله وشوف الغرب شغالين ازاي لدرجه ان خبراء الاقتصاد العالمي بيستعجبوا من الصناعه دي !! حاول تتفاهم مع الوضع الراهن في العالم !! مش لازم عشان اننا عالم تالت !! ااننااا نرفض اي حاجه و خلاص عشان الكبير عنا و اللي مفكر انه فاهم اكتر مننا قال لأ ده مش هينفع !! اننا برده نقوول انه مش هينفع !! شغل دمااغك !! فكر !! الغرب عملوا كده ليه ؟! ليه في شركات شغاله بالنظام ده ؟؟! ثانيا : بعد ماتكلمنا عن الاساس او النظام العالمي اللي شغاله بيه الشركه !! نتكلم عن الشركه :: الشركه اتأسست في عام 1998 في عاصمه الاقتصاد الاسيوي في هونج كونج !! الشركه في خلال ال 13 عام حتي الان بقاا ليها اكتر من 23 مكتب حول العالم !! المكاتب دي مش للمعامله ولكن كدعم للعميل واستلام المنتج منه وهكذا ! لكن البيزنس الخاص بالشركه هو 100 % تجاره الكترونيه بمعني انك مش محتاج تروح مؤسسه او مكتب تختم و تمضي و هكذا !! لأ شغلك كله هيكون من الانترنت !! مبني الشركه في هونج كونج :: http://img105.herosh.com/2011/09/04/183662521.jpg الشركه في خلال ال13 عام حتي الان ليها اكتر من 7 مليون عميل .. !! صافي ربح الشركه العام الماضي 2010 == 2 مليار دولار .. !! الشركه هيا ام لخمس شركات عالميه ::- 1- اول شركه :: Amazcua وهي بتدعم منتجات الطاقه ( غريبه شويه )المعتمده ع تكنولوجيا النانو Nano Technology -- اعمل Search عن التكنولوجيا دي و شوف الدكتور احمد زويل قال عليها ايه !! بمعني اننا حولينا اجهزه كهربائيه الاجهزه دي بتصدر طاقه كهرومغناطيسيه بتأثر ع جسم الانسان بالسلب و تقلل من مجهوده و من طاقته الطبيعيه -- المنتجات من الشركه دي عباره عن حجيرات نادره من جبال الهيمالايا مضغوطه تحت درجه حراره عاليه -- فائده المنتجات دي انها اثناء ارتدائها بتمنع الطاقه الكهرومغناطيسيه دي انها تأثر عليك و بالتالي بتحتفظ بطاقتك الطبيعيه بدون اي تاثيرات جانبيه !! 2- تاني شركه :: Bernard H.Mayer اكيد عارفين الشركه دي !! بتقدم منتجات للرفاهيه و ساعات سويسريه فيها بعض اجزائهاا مصنوعه باليد !! وطبعاا يتم بيع منتجات الشركه دي عن طريق QNET للتأكد : ادخل ع موقع Bernard H.Mayer واعمل Shop Now هتلاقي انه بيوصلك بموقع شركتنا QNET http://www.bhmayer.net/ 3- تالت شركه :: QI Comm دي شركه اتصالات دوليه بتعمل خصم خاص لعملائها يصل ل 80 % خصم ع المكالمات الدوليه عن طريق برنامج الشركه بتنزله لعملائها اسمه Invoise ولو ليك حد دولي و معاه نفس الخاصيه بتكلمه ببلاش طول اليوم ...!! 4- رابع شركه :: QVI Vacation دي شركه ليها اكتر من 3625 منتجع سياحي حول العالم !! ودي بتيح ليك انك تأخد اسبوع او اتنين لاربع اشخاص في اي وقت في السنه في اي منتجع سياحي عاوزه عن قريب دخل معانا بعض الفنادق في مصر للمصدقيه : Marsa Alam -- Dreams Beach Marsa Alam Marsa Alam -- Onatti Beach Resort,Marsa Alam Sharm El-Sheikh -- Dreams Beach Sharm El-Sheikh -- Dreams Vacation وفندق موفينبك الهرم ----> ممكن تسأل عن المنتجعات و الشواطئ دي وانها متفقه مع شركه QVI اللي هيا احد شركات QNET 5- خامس شركه :: Home Care دي شركه لسه داخله من قريب و بتقدم قلاتر للمياه و مش اي فلاتر دي فلاتر تقوم بفلتره المياه في خلال سبع مراحل و تنقي المياه نهائي من البكتريا و لمزيد من المعلومات يرجي الدخول ع موقع : http://products.qnet.net/SingleRecor...ng=en&planid=1 6- انضمام المعهد السويسري لتقديم الكورسات اونلاين في Marketing -- Career Design -- Personal Management وده بيكون كورس اونلاين وقت ماتكون عاوز لمده 8 اسابيع وبتدخل امتحان اونلاين وتاخد شهاده معتمده من المعهد السويسري و بتجيلك عن طريق شركه Aramex كده نكون خلصنا المنتجات و الشركات التابعه لشركتنااا QNET اا عشااان اي شركه تبني ثقه ليها عند عملائها !! الشركه دخلت راعي رسمي لحاجات رسميه و عالميه معروفه !! 1- راعي رسمي للفيفا : أ- راعي رسمي لفريق البرازيل في 2006 في كأس العالم في معسكر التدريب الخاص بالفريق بسويسراا اي فريق ماينفعش يحط اي اعلان لأي شركه علي التي شيرت طبعاا !! بس كانت البانرات بتاعت الملاعب كلها مكتوب عليها QuestNet واللي هياا شركتنا QNET ....!! http://4.bp.blogspot.com/_BI3Yt7s7vM...Net+Banner.jpg http://2.bp.blogspot.com/__svK-DV_1T...0/brazil10.jpg رونالدينهو مع مؤسس الشركه QNET و مستر باتمان ( حقق الحريه الماليه في ثلات سنين في شركتنا QNET ) http://imageshack.us/photo/my-images...ckusi.jpg/sr=1 ب- راعي رسمي للاتحاد الاسيوي لكره القدم : شركتنا QNET راعي رسمي عن طريق وضع البانرات للملاعب كلها مكتوب عليها QuestNet و الاطفال اللي بينزلوا مع اللاعبين لابسين تي شيرت مكتوب عليه QNET http://www.espnstar.com/servlet/file...ICE_CONF_ID=33 http://www.the-v.net/vCMSuploads/New...s-league-1.jpg http://sports.qnet.net/wp-content/up...4/DSC_5411.jpg 2- راعي رسمي لفيرجين اكيد الكل عارفه اللي في سيتي استارز !! بس مش Virgin MegaStore !! لأ شركتنا دخلت راعي رسمي ل Virgin عن طريقVirgin Racing وهيا تابعه لVirgin لينا فريق في سباقات ال Formula 1 واكيد الكل عارفها !! فريقنا هناك عربيه السباق مكتوب عليها QNET -- المتسابق مكتوب عليه QNET موقع Virgin Racing : www.virginracing.com هتلاقي العربيه و مكتوب عليها QNET كمان ادخل علي Our Partners هتلاقيها في الشمال من الصفحه ادخل عليها و هتلاقي QNET اضغط عليها و هتلاقي Virgin بتتكلم عن تاريخ شركتنا 3- راعي رسمي ل United Nation عن طريق منظمه ال FAO حيث 7 % من دخل منتجات محدده بيرووح لمنظمه FAO كعمل خيري بتشارك فيه الشركه ************************************************** ********************** الاسئله الشائعه عن الشركه ::- *حرام ام حلال --> ممكن حضرتك تتصل بدار الافتاء المصريه و تقولهم انك عاوز تعرف التعامل مع شركه Questnet حرام ام حلال ؟! اسأل بالاسم !! هيقولك حلاااااااال !! احنا فيه ناس مننا راحو دار الافتاء و شرحووا البيزنس للشيوخ و اجازوا التعامل بناءا ع الناس اللي راحوا و شرحوا النظام *ملهاش مقر في مصر --> الشركه بقالها سنتين فقط في مصر دي نقطه !! النقطه التانيه : الشركه 100 % تجاره الكترونيه ع الانترنت !! النقطه الثالثه : ال 23 مكتب للشركه مجرد تعامل سطحي مش هتروح تمضي ورقه ولا تقبض منهم اساسا !! *ملهاش ورق ولا سجل تجاري --> طيب كويس !! انا جيت عملت مقر تجاري و ورق سليم 100 % و صرفت فلوووس بالعبيط ع المكتب ده و عملت عقد معاك انك مشترك معانا في الشركه و العقد سجلناه في الشهر العقاري تمااام كده ؟! انا خد فلووس العملااء كلهم و هربت !! الورقه اللي معاك نفعتك بحاجه ؟! هتقول ايه ؟ قضيه ؟ روح اعمل قضيه !! مش ده بيحصل ؟! ويمكن حصل معانا اساسا !! وبالذات في شركات ال TimeSHare ؟! مش كده ؟! يبقي عاوز ورق ولا سجل تجاري ليه ؟! *الشركه نصااابه --> يعني الشركه بقالها 13 سنه و شغاله و ناس وصلوا عن طريقها ووصلت مصر و السعوديه ودبي وكل ده !! لو الشركه نصابه كانت لسه شغاله ؟! غير كده ! لو نصابه تبقي راعي رسمي للحاجات العالميه دي كلها ؟! ** ياريت نشغل تفكيرنا ونشوف عشان تبقي راعي رسمي لحاجه من الحاجات اللي فوق دول بتدفع كااام مليوون او تكوون مليارااات !! *ربح سريع او Easy Money زي مابيقول الناس --> انت مفكر انك هتجيب 2 وتسكت علي كده ؟! ولا هتشتغل لوحدك ؟! انتاا هتدخل تبع تيم و التيم ده هيوفرك التدريبات اللازمه عشان تبدأ البيزنس الخاص بيك !! هتحضر مؤتمرات في قاعات محترمه تتعلم من الناس اللي نجحواا عشان تنجح زيهم !! اللي بيقول انه هيجيب ناس و خلاص !! لأ انت هتجيب ناس و تعلمهم زي مانتا اتعلمت عشان ميوقفش شغلك و بعدين انت كل مايجي ناس تحتك و يكونوا متعلمين صح زيك !! انت الدعم للتيم بتاعك هيزيد !! اوعي تفكر انك هتقعد في البيت و تنام و الناس شغاله ؟ الناس دي هتشتغل ازاي والا اذا كانوا متعلمين صح منك ؟ محتاجين متابعه منك ؟ ده اللي اسمه Team Work وده البيزنس الوحيد اللي شوفتوا بيحقق ال Team Work كل واحد يفكر اي شغل بيبقي عامل ازاي ؟! المدير يرفضك ؟ ينقص من مرتبك عشان اتاخرت !! مفكر انك ممكن تكون المدير في يوم من الايام ؟ ياتري المدير حاليا هيخليك تفكر في كده ؟! ************************************************** ******************** انااا كده :didas: خلصت !! ياااااااااااااااااااريت نفكر و نبحث الاول قبل القاء التظلمااات ع البيزنس ده و بالذاات ده !! اعرف الاول الشركه و بتتعامل ازاي !! مش نمشي وراه الناااس !! انا مش عامل الموضوع عشان تقولي انا معاااك !! انا عامل الموضوع لتوضيح الفكره اللي تايهه وسط الناااس !! اي استفساااار في البيزنس ده رقمي :: 0020167907824 اي سؤااال انا هجاوب في الموضوع ده !! ياااريت الموضوع ميتقفلش !! بصراحه ده كل حاجه عن الشركه و اجابه عن اي سؤال انا موجود !! |
رد: تنبيه و تحذير من شركة كيو نت Qnet
اقتباس:
اهلا اخي كل اللي اقدر اقولهولك ان الناس اللي انت حتتعب عقبال ماتجبهم حتاخود عليهم عمولة من حقك والناس دي حتتعب برضو معاهم عشان تعلمهم اللي بدورهم حيجيبوا ناس ولو اكتمل شرط العمولة الغير مباشرة فحتاخود عمولة وده من حقك وهكذا انت حتبقي ليدر للشبكة بتاعتك لو متعبتش معاهم انسي ان حد حيدخل اساسا الا بتعب ك مش حكبش من الفلوس واعبي في جيوبي ...... |
| الساعة الآن 09:55 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com