اف اكس ارابيا..الموقع الرائد فى تعليم فوركس Forex

- - سؤال (https://fx-arabia.com/vb/showthread.php?t=61756)

السلام عليكم
بقالى كتير مش بتدخل منتديات ومتفرع فقط للتداول.
ملاحظ من فتره ان جميع المنتديات بقت فاضيه تماما ومش فيها أى نشاط وقليل جدا لما تلاقى مواضيع جديده أو ورش زى زمان.
حتى المنتديات اللى كانت موجوده قبل اف اكس ارابيا.
ايه السبب؟..هل الناس فقدت الأمل فى الربح من الفوركس؟
كل الناس اللى كانت بالمئات والآلاف خسرت واستسلمت؟
ايه السبب يا ترى؟!

وعليكم السلام ورحمة الله وبركاته
ممكن أعرف من حضرتك كم المدة اللى كنت شغال بيها بحساب تجريبى وبعد كدا أشتغلت بحساب حقيقى
؟؟؟

اقتباس:

المشاركة الأصلية كتبت بواسطة Hosni Safwat (المشاركة 954123)

اخي الفيس والتلغرام وغيرهم الهم التأثير الأكبر بالابتعاد عن المنتديات وبتحس ما عد في شي جديد تقدمه المنتديات
جواب سؤالك ممكن كلهم متفرغين للتداول متل حضرتكم.

اقتباس:

المشاركة الأصلية كتبت بواسطة lololano (المشاركة 954124)

أنا حسنى من مصر..سمعت عن الفوركس فى 2010.
مشتغلتش على ديمو..انا اول ما سمعت عن الفوركس فتحت حساب حقيقى وخسرته وخسرت بعده اكتر من 20 أكونت كله مارجن.
اتعلمت على حسابات حقيقيه..لأنى كنت مقتنع انك استحاله هتلتزم لو شغال على ديمو..لا هتصحى فى مواعيدك ولا هتهتم بالتحليل ولا هتركز كما هو مطلوب.
استقالت من الشغل من اكتر من سنه ومتفرغ فقط للتداول والحمدلله ماشيه.

اقتباس:

المشاركة الأصلية كتبت بواسطة Rani Forex (المشاركة 954126)

ممكن يكون عندك حق..التليجرام والفيسبوك وغيرهم اثروا على المنتديات.
الفتره الأخيره شوفت المنتديات القديمه لقيتها فاضيه تمام ومفيش اى جديد..بالكتير 5 او 6 اعضاء اللى بيكتبوا فيها وغالبا بيبقوا من فريق المنتدى وداخلين بأسماء تانيه عشان يعملوا حركه فى المنتدى. :1:

ببساطة الكثير من المتداولين يستسهل الدخول علي قنوات التلجرام وجروبات الفيس عوضا عن المنتديات، مع العلم ان
المادة العلمية لن تجدها الا في المنتديات وخصوصا القديمة منها اما قنوات التلجرام وغيرها بتكون لتحليلات مباشرة
او توصيات وخلافه.

بالتوفيق

اقتباس:

المشاركة الأصلية كتبت بواسطة خدمة العملاء (المشاركة 954138)

صحيح انا نسيت ان التطبيقات سهلت على ناس كتير الوصول لتوصيه او تحليل.
انا بس عشان لا عندى تليجرام ولا بدخل جروبات فيسبوك نسيت ان الناس لجأت ليها.
ربنا يوفق كل الناس.

صحيح اخي النشاط في المنتديات انخفض عن السنوات الماضية
والحقيقة في رأيي بسبب مواقع التواصل

اقتباس:

المشاركة الأصلية كتبت بواسطة yousifaction (المشاركة 954148)

صحيح اخي النشاط في المنتديات انخفض عن السنوات الماضية
والحقيقة في رأيي بسبب مواقع التواصل

كانت غايبه عن بالى فعلا.

اقتباس:

المشاركة الأصلية كتبت بواسطة Hosni Safwat (المشاركة 954132)

تشرفت بحضرتك أستاذ حسنى
أنا أحمد من مصر
أنا أول شغلى على الفوركس تقريبا فى نفس الفترة إللى حضرتك دخلت فيها 2009 - 2010

بدأت بحساب ديمو وخسرت فيه ومع ذلك دخلت بحساب حقيقى ب 300 دولار وخسرتهم كلهم طبعا
وكرهت الفوركس وسقطه تماما من حياتى
ومن سنه كدا هف عليا أدخل عليه وأتعلم بجد وأتقنه وأدخل بعد كدا بحساب حقيقى
ومن شهر 7-2018 حتى الان فاتح حساب ديمو مش حقيقى وبتعلم عليه :1 (46):
ولما أحس بجد أنى تمام وفاهم أهم نقطة إللى هيا من وجهة نظرى إدارة رأس المال
أن شاء الله هدخل يحساب حقيقى
تحياتى لحضرتك ولكل الأعضاء الموجودين هنا

اقتباس:

المشاركة الأصلية كتبت بواسطة lololano (المشاركة 954154)

تشرفنا بيك يابوحميد
بص بقى..انا مبعدتش عن الفوركس الفتره الطويله اللى انت بعدتها..انا بعدت عن الفوركس سنه..من 2012 تقريبا الى 2013.
الموضوع هو التزام فقط..لو اهتميت بالفوركس كأى بيزنس ان شاء الله هتنجح وهتعمل ربح.
شوف لو فتحت محل هتهتم بيه ازاى واهتم بالفوركس زيه بالظبط.
انا اتحديت نفسى..قولت ازاى ناس بتكسب فى الفوركس وانا عمال امرجن اكونتات؟
الناس دى مش احسن منى فى حاجه.
اتعلمت واشتريت برامج فوركس تيستر والحاجات دى وبقيت اقعد قدام الكمبيوتر بالأيام.
ولعلمك اقسم بالله المكسب فى الفوركس سهل جدا اسهل مما تتخيل.
بس المشكله ان الناس لما بتدخل المجال ده بتتوه.
سبب التوهان هو ملايين المنتديات وملايين المؤشرات والاستراتيجيات...بحر من المعلومات.
سر النجاح فى الفوركس فى جمله واحده هو انك تحدد انت عاوز ايه؟
عاوز ايه من الفوركس؟
لو اجابتك واضحه على السؤال والتزمت بالهدف اللى انت حدتته هو ده 50% من النجاح فى الفوركس.
الباقى يرجع للاستراتيجيه اللى لازم تكون ناجحه عشان تقدر توصل بيها لهدفك.
وبالنسبه لادارة راس المال هو شىء نسبى..على حسب هدفك من الفوركس.
يعنى ممكن ماتكونش ملتزم بادراة راس المال وبالرغم من كده بتكسب وبتقفل الشهر على ربح.
وخليك دايما فاكر ان 95% من الناس بتخسر فى الفوركس.
يبقى انت لازم تفكر بطريقه مختلفه عن كل الناس دى عشان تكسب.
الفوركس علم وتحليل وسهر وتعب عشان تنجح فيه..زى اى بيزنس فى الدنيا لازم تتعب فيه عشان تنجح.
كنت شوفت فيديو زمان لواحد من اللى نجحوا امريكى هو وبقى عنده شركات لادارة المحافظ.
قالك لو انت قريت كتاب عن مخ الانسان..هل تقدر بعد ما تخلص الكتاب تعمل عمليه لمخ انسان؟
الاجابه لا طبعا..لازم تكون متعلم وعندك خبره كبيره..مش اى حد قرا كتاب او حضر ويبنار بقى تريدر.
وبقولك كمان مره..حدد هدفك..اعرف انت عاوز ايه بالظبط والتزم بالهدف مهما أغراك السوق.
وافتكر دايما ان 95% من الناس بيخسروا..يبقى انت لازم تفكر بطريقه مختلفه عن كل الناس دى عشان تبقى من 5% اللى بيحققوا ربح.
مش عايز اطول عليك اكتر من كده ولو فى اى سؤال انا تحت أمرك.

ما شاء الله ، كلام فى الصميم .

ودى وتقديرى ،،،،،،،،،،،،،،،،،،،،

اقتباس:

المشاركة الأصلية كتبت بواسطة Hosni Safwat (المشاركة 954157)

متشكر جدا أستاذ حسنى على كل النصائح دى
وأن شاء الله ربنا يوفقنا كلنا أننا نحقق كل أهدافنا
أنا أكيد عندى شغلى الخاص وصعب أن أكون متفرغ 100%
مع العلم أن بدخل كل يوم أكيد وبتابع حركة السوق
جربت كتير جدا من المؤشرات و الاستراتيجيات وفشلت معايا
وبشتغل دلوقتى بدون اى مؤشر أو استراتيجيه

وبشتغل على فريم الدايلى شايفه أوثق وأنجح
على الأقل معايا
وان شاء الله أستفاد من حضرتك ومن كل الناس المحترمه الموجوده هنا
تحياتى لشخصك الكريم

اقتباس:

المشاركة الأصلية كتبت بواسطة lololano (المشاركة 954167)

لما هتثق فى نفسك اكتر فى الفوركس..لازم تختار بين شغلك او الفوركس.
انا من اكتر من سنه قعدت مع نفسى وقررت انى اسيب الشغل واتفرغ للفوركس.
لأنى فهمت انى لا عارف اركز فى الشغل ولا عارف اركز فى الفوركس.
طول ما انا فى الشغل ماسك الموبايل اشوف الشارتات واخسر..لآنى بالى مشغول بالشغل.وبدخل صفقات غلط.
هيجى وقت لازم تختار يالفوركس يالشغل.
بالتوفيق ان شاء الله.

اقتباس:

المشاركة الأصلية كتبت بواسطة rafieks (المشاركة 954164)

ما شاء الله ، كلام فى الصميم .

ودى وتقديرى ،،،،،،،،،،،،،،،،،،،،

تسلم يا صديقى
ربنا يكرمك ان شاء الله.