|
الطريق الى الارباح ( موضع مهم جدا )
السلام عليكم ورحمة الله وبركاته
الموضوع خاص بالناس اللى بتخسر ولو بتكسب ممكن تستفيد ندخل فى صلب الموضع عمرك فكرت مع نفسك بعيدا عن الشارت ليه بتخسر هل استسلمت للخسارة وحكمت على نفسك انك من الفئة الخاسرة كم مرة اعتقدت ان السوق معاندك كل ما تدخل صفقة يعكس عليك وكانه السوق ينتظر دخولك الصفقة عشان يعكس عليك كم مرة الاستوب عندك انضرب عشان نقطة او اتنين ورجع حقق الهدف وتندم على فكرة كل هذه الامور بتحصل لمعظم الناس بس للاسف العيب فيك انت ايوة فيك انت بعض الاساسيات لازم نضعها امامنا 1 - احنا اقل من ان السوق يعمل حسابنا او حتى يفكر يضرب استوبنا ( الا اذا دخلت فى مناطق الكبار التى تسمى المضصيدة ولست انت المقصود ) 2 - السوق لا يسير بحركة عشوائية بالعكس يسير وفق قواعد ومسلمات والا لا نجد مكان للتحليل الفنى او الرقمى او ماشابه سؤال هلى السعر يحترم الترندات والدعوم والمقاومات ولا لا ؟ هتقول ساعات وساعات يبقى السوق لا يسير عشوائيا 3 - مفيش استراتيجية ناجحة على طول ومفيش استراتيجية خاسرة على طول طيب بنخسر ليه حضرتك تستعمل طريقة خسرت معاك مرة اتنين تلانة تتركها وتروح لاستراتيجة اخرى وتخسر صفقة واتنين وتلاثة تسيبها وتروح لاخرى ونفس الحكاية لحد ما تخسر حسابك ترجع للاستراتيجية الاولى تلاقيها فى الترة اللى تركتها حققت مكاسب ترجعلها تخسر تانى يبقى حاجة مهمة اتبع طريقة واحدة لان اى طريقة لها اوقات مكسب واوقات خسارة فانت متجيش وقت الخسارة وتتركها وقت المكسب 4 - رابع حاجة واهم حاجة وهى سر المكسب حضرتك ومعظم الناس كل يوم بتدور على طريقة ناجحة واستراتيجة رهيبة وكل يوم ندخل ندور على نقطة الدخول ونعمل باك تيست للطريقة كل ده لا يمثل الا 20 فى المائة من المتاجر الناجح مش مهم الطريقة طيب ايه المهم تعالى معايا واحدة واحدة بقى وركز شوية دلوقتى لما تيجى تتاجر شوف الطريقة اللى بتاجر بها ايه نظامها يعنى طريقتك هل عدد الصفقات الخاسرة مساوية لعدد الصفقات الناجحة ولا لا او ان طريقتك ععدد الصفقات الناجحة اكثر من الخاسرة ولا لا ونعمل خطة لادارة راس المال تناسب للطريقة ( مونى مانجمنت ) لان على فكرة مش اى مونى مانجمنت تنجح معاك حتى لو مناسبة لراس المال يعنى تقولى حساب بالف دولار وادخل ب 5 فى المائة والكلام ده لا يغنى ولا يثمن من جوع ولا يمت بصلة للمونى مانجمنت اولا لو حضرتك معاك طريقة الهدف ضعف الاستوب حتى لو الصفقات الخاسرة اكبر من ناجحة يبقى انت معاك كنز بس مش عارف تستغله كل المطلوب منك خارطة لادارة الطريقة وصدقنى والله حتى لو عدد الصفقات الخسارة اكتر هتكسب انت عارف بالطريقة دى انت عارف انت ممكن بالطريقة دى وبحساب صغير ممكن تضاعف الحساب مرتين ب 7 صفقات فقط هتقولى ازاى اجيب 7 صفقات وراء بعضها ناجحة هقولك مش لازم ولا بعضها المهم تجيب 7 صفقات رابحة حتى لو فيها صفقات خاسرة بس الاهم يبقى الهدف ضعف الاستوب المهم ازاى تعمل لنفسك مونى مانجمنت تساعدك على تحقيق هدفك تتناسب مع طريقتك طيب لو معاك طريقة الهدف مساوى للاستوب بس ععد الصفقات الرابحة اكبر من الخاسرة يعنى مثلا 5 مكسب 2 ستوب يبقى نمام ممكن تعمل لنفسك مونى مانجمنت مناسبة لهذه الطريقة تقدر من خلالها تضاعف الحساب وعلى فكرة مش اى شيت مكتوب فيها صفقات ومضاعفة الحساب ينفع لا المونى منجمت الصح هو اللى بمجرد مكسب صفقة واحدة فقط تبتعد عن راس المال ويبدا المتاجرة بجزء من الارباح طبعا هنتكلم فى الموضوع ده بدقة وبالتفصيل الممل وان شاء الله الكل هيستفيد ازاى يعمل مونى مانجمنت مناسبة لطريقة المتاجرة الخاصة به وعلى فكرة اللى تنفع لغيرك متنفعش معاك ولا لاسلوب متاجرتك وهو ده المهم ازاى نولف بين الاتنين بين طريقة متاجرتى ومونى مانجمنت اخيرا وليس اخرا لو هتخل صفقة بدون تخطيط بلاش منها لو هتدخل صفقة الاستوب اكبر من الهدف يبقى صفقة خاسرة مقدما حتى لو حققت الهدف لو بتشتغل شغل عشوائى وفتح صفقات يبقى النتيجة خسارة لو بتفتح فى اليوم اكتر من صفقتين بالكتير يبقى متداول مش محترف طالما انك لا تشتغل اسكالبنج للحديث بقية ان شاء الله |
رد: الطريق الى الارباح ( موضع مهم جدا )
دايما مبدع وشي مش غريب عليك اخي السكندري
متابعه معك اكيد وبالتوفيق |
رد: الطريق الى الارباح ( موضع مهم جدا )
لقد لخصت مشاكل نسبة كبيرة من متداولى الفوركس بسلاسة و موضعية احترافية
معك يا غالى الى نهاية الطريق بامر الله |
رد: الطريق الى الارباح ( موضع مهم جدا )
موضوع شيق متابع معاك عشان مفهمتش الموضوع السابق بتاع ازاى تعمل مونى مانجمينت ناجح لنفسك يارب افهم هنا
|
رد: الطريق الى الارباح ( موضع مهم جدا )
اقتباس:
واكيد متابعتك تزيدنى شرف تحياتى لشخصك الكريم اقتباس:
اكيد كل هذه المشاكل التى تقابل المتداولين وللاسف يدورون فى حلقة مغلقة يريدون الخروج منها وان شاء الله الموضوع يكون طريقهم للارباح وطبعا وجودك معنا هيزيدنا شرفا وربحا اقتباس:
ان شاء الله هيكون موضوع جيد وهيكون بالفعل طريق سهل للارباح وان شاء الله هشرح بالتفصيل كل حاجة عن المونى مانجمنت وكيفية استغلالها فى تحقيق ربح مضمون باقل المخاطر وربح كبير ان شاء الله |
رد: الطريق الى الارباح ( موضع مهم جدا )
دائماا معاك اخي محمد هدا هو بيت لقصيد ادارة راس المال
|
رد: الطريق الى الارباح ( موضع مهم جدا )
متآبع بشغف ومنتظر الجزء الثآني أخ أسكندري
حيآك الله على البآدرة |
رد: الطريق الى الارباح ( موضع مهم جدا )
شكرا لك متابع معك
تمنياتي للجميع بالتوفيق |
رد: الطريق الى الارباح ( موضع مهم جدا )
اقتباس:
يشرفنى متابعتك اقتباس:
وان شاء الله ستجد ما يسرك اقتباس:
ويشرفنى متابعتك |
رد: الطريق الى الارباح ( موضع مهم جدا )
دلوقتى بقى ايه المطلوب من كل واحد فينا
هتفعد تحدد لنفسك طريقة واحدة تشتغل بها بلاش اكتر من طريقة منعا للتشتت هتختار طريقة على اساس ايه اولا اما طريقة يكون الهدف مساوى للاستوب بس بشرط يكون عدد الصفقات الرابحة اكبر من عدد الصفقات الخاسرة يعنى مثلا 5ربح وراهم 2 خسارة وراهم 4 ربح وراهم واحدة خسارة وارهم 3 ربح وراها واحدة خسارة بالشكل ده ولنفرض ان الربح فى كل صفقة 25 والخسارة 25 لو معاك طريقة بالشكل ده يبقى انت ملك وتستطيع ان تحقق ربح خرافى وتضاعف الحساب بسهولة طيب ازاى عايزين مثال ركز معايا شوية هشرح مثال عن طريقة شمعة الساعة تسعة اللى شرحتها قبل كدة هنا فى المنتدى وهطبق الكلام ده على زوج واحد الباوند ين ( المجنون ) التطبيق هستنى اكتمال شمعة الساعة 9 ونعلق عقد شراء فوق الهاى ب 5 نقط وعقد تحتها ب 5 نقط وهدف واستوب 25 نقطة هنجيب مونى مانجمنت انا عاملها ننظر كدة http://www7.0zz0.com/2017/06/18/19/142467245.png يبقى كدة احنا معانا طريقة ومعانا مونى مانجمنت عليها نشرح بقى المونى مانجمنت دى احنا بنخاطر ب5 دولار فقط دخلنا بلوت 20 سنت للنقطة لو كسبنا يبقى معانا 10 دولار ولو خسرنا يبقى خسرنا اول خمسية دولار من الحساب لو خسرنا ناخد 5 دولار غيرها ونجرب طيب لو كسبنا يبقى معانا 10 دولار هنخاطر بها كلها ليه كلها هذه المرة لان الطريقة دى عدد الصفقات الناجحة اكبر من الخاسرة زى ما قلنا فى الاول زى ما موجود فى المونى مانجمنت دخلنا بلوت 40 سنت للنقطة لو خسرنا يبقى خسرنا 10 دولار ولو كسبنا يبقى معانا 20 دولار من هنا بقى هنخاطر بجزء من الارباح يبقى حضرتك فى صفقتين فقط حولنا 5 دولار الى 20 دولار بعد اول صفقتين احنا دلوقتى ملناش دعوة براس المال اساسا وبنخاطر بالارباح فقط وعلى فكرة مش كل الارباح جزء من الارباح تعالى ننظر كدة على الجدول وننظر لصفقة رقم 20 انت 5 دولار بقت 505 دولار لو خسرت هتبقى 450 دولار يعنى يدوب بنرجع خطوة ولما بنكسب وبما ان عدد الصفقات الرابحة اكبر حسب الطريقة انت بتجرى بسرعة لفوق تخيل انك ممكن توصل ل الف دولار من 5 دولار 27 صفقة طيب ما احنا اكيد هنخسر فى الوسط يبقى كل اللى هيحص هيزيد عدد الصفقات فقط والنتيجة فى النهاية هتوصل للهدف بس بدل 27 صفقة مثلا 35 صفقة فى المشاركة القادمة هنشوف تطبيق عملى لطريقة على المونى مانجمنت خلال شهر مضى الناس تجرب على ما هحضر التطبيق ان شاء الله |
رد: الطريق الى الارباح ( موضع مهم جدا )
موضوع مميز متابع معك
|
رد: الطريق الى الارباح ( موضع مهم جدا )
الحقيقة اخي الكريم انت انسان محب جداً للعطاء وترفع لك القبعة.
انا شخصياً بحب العطاء بس مشكلتي ان لغتي العربية ما تشد ايدك ولا استطيع الشرح بطريقة سلسة. انا شخصياً اعتقد ان 90% من المتداولين الخاسرين لسبب الذي تكلمت عنه انه بس يبدأ بطريقة ويخسر دغري بيوقف يعني متداول لا يتقبل الخسارة ما رح نتكلم عن الاسباب سواء نفسية او مادية او خوف. النتيجة انه اي متداول لا يتقبل الخسارة لن يرى الربح. بالنسبة لكلامك طبعاً كثيرون رح بيعلقو انه كلام نظري واعطني طريقة نتيجتها دائمة 5/3 او 8/4. نعم انا بقول صعب تلاقي طريقة دائمة نتيجتها بهذا الشكل لكن ممكن كما تفضلت وشرحت انه بإدارة رأس مال مناسبة نقدر نتوصل لطريقة اقرب الى هذا النتائج. تقبل تحياتي |
رد: الطريق الى الارباح ( موضع مهم جدا )
اقتباس:
واكيد طبعا يشرفنى متابعتك |
رد: الطريق الى الارباح ( موضع مهم جدا )
اقتباس:
واكيد حضرتك لو تحاول هنستفيد منك حتى لو اللغة مش مساعدة احنا ممكن نساعدك اما بخصوص الطريقة فعلا مهما كانت الطريقة بحسن ادارة راس المال تستطيع تحقيق ارباح منها وانا هنا ان شاء الله مش هسيب الموضوع غير لما اكون شرحت فيه كل حاجة حتى انواع الطرق المختلفة وازاى نطبق الكلام ده ويكون المبتدئ ان شاء الله قادر على الربح |
رد: الطريق الى الارباح ( موضع مهم جدا )
يلا بينا نطبق بقى اللى احنا قولنا عليه
احنا فتحتنا حساب وليكن 100 دولار هنقسمها 5 دولار يبقى عندنا كام 5 حوالى 20 خمسة يبقى عندنا 20 فرصة مع الطريقة دى مجرد صفقتين وراء بعض ناجحين نصل 20 دولار زى ما اتفقنا قلنا هنعما باك تيست من اول الشهر 1 - 6 - 2017 النتيجة https://charts.mql5.com/15/363/gbpjp...tments-inc.png https://charts.mql5.com/15/363/gbpjp...ents-inc-2.png https://charts.mql5.com/15/363/gbpjp...ents-inc-3.png النتيجة امام حضراتكم يوم 1 النتيجة + 25 = 10 دولار يوم 2 النتيجة +25 = 20 دولار يوم 6 النتيجة +25 = 30 دولار يوم 7 النتيجة +25 وكمان + 25 = 55 دولار يوم 8 النتيجة +25 = 75 دولار يوم 9 النتيجة +25 = 100 دولار يوم 13 النتيجة +25 = 125 دولار يوم 14 النتيجة - 25 +25 يبقى بدون نقط = 125 دولار يوم 15 النتيجة +25 + 25 = 180 دولار يوم 16 النتيجة + 25 = 210 دولار يبقى فى خلال اسبوعين من 5 دولار الى 210 دولار وبدون مخاطرة براس المال ابدا يعنى لم يحصل درو دون او اى شئ على فكرة الشغل امام اعينكم عملى وتطبيق على الواقع الطريقة موجودة وكمان المونى مانجمنت عايز ايه تانى غير كدة اقسم بالله الشغل ده مش هتلاقيه فى اى مكان ومش هتلاقى حد يقولك الكلام ده واللى بيعرف طريقة زى دى بتبقى كنز بيخبيه بس انا عايز الكل يكسب ويحقق دخل له ولاولاده على فكرة الطريقة انا شغال بها وانت ممكن تشتغل بهت ومش هتخسر حاجة دى 5 دولار او حنى 10 او 20 فى الاخر صفقتين مكسب وراء بعض عوضت كل الخسارة للحديث بقية والطرق كتير والمونى مانجمنت كتير انتظر ارا ء الاعضاء ولو عندك طريقة ومش عارف تعملها مونى مانجمنت انا تحت امرك للحديث بقية ان شاء الله نلتقى بعد صلاة التراويح |
رد: الطريق الى الارباح ( موضع مهم جدا )
تمام لحد دلوقتى الكلام واضح و مفهوم جدا
|
رد: الطريق الى الارباح ( موضع مهم جدا )
ممكن تطبق عملي على حساب حقيقي
نتابع معك |
رد: الطريق الى الارباح ( موضع مهم جدا )
اقتباس:
|
رد: الطريق الى الارباح ( موضع مهم جدا )
اقتباس:
|
رد: الطريق الى الارباح ( موضع مهم جدا )
اقتباس:
وان شاء الله رايح اطبق الكلام ده على حساب حقيقى بس بعد رمضان عشان مشكلة الصحيان بدرى انت عارف الواحد فى رمضان بينام بعد صلاو الفجر وعلى فكرة انا كنت شغال بها قبل رمضان اقتباس:
|
رد: الطريق الى الارباح ( موضع مهم جدا )
تمام اخ سكندري لدي استفسار مادا عن الزوجين دولار ين ويورو ين هل نلغي العمل بهم
كدلك هل نلغي يوم الاثنين وشكرا لك على مجهودك |
رد: الطريق الى الارباح ( موضع مهم جدا )
اقتباس:
وزى ما حضرتك شفت النتيجة فى اخر اسبوعين مع المجنون فقط تم تحويل 5 دولار الى 200 دولار تقريبا والافضل ان نلغى يوم الاتنين مع ان اوقات كتير الهدف بيتحقق والنهاردة الهدف تحقق بس يفضل عدم الدخول |
رد: الطريق الى الارباح ( موضع مهم جدا )
طريقتك تحتاج اكسبرت
ثانيا بناء غلى ماذا ادخل بيعا او شراء |
رد: الطريق الى الارباح ( موضع مهم جدا )
اقتباس:
بحترم كل مواضيع حضرتك اوى وبحترم فكرك لانك فهمت لعبة الفوركس اللى هى المونى منجمنت ارفع لك القبعه ============== فيه حاجه حابب استوضحها من حضرتك وهى اخر جزئيه فى الموضوع وهى ( لو بتفتح فى اليوم اكتر من صفقتين بالكتير يبقى متداول مش محترف طالما انك لا تشتغل اسكالبنج ) مفهمتش الجزئيه دى فممكن توضيح بعد اذن حضرتك بالنسبه لى بدخل فى الاسبوع صفقتين ولو كترت بتكون تلاته |
رد: الطريق الى الارباح ( موضع مهم جدا )
اقتباس:
كل اللى هعمله هدخل الساعة 9 واضع امرين معلقين شراء اعلى الهاى وبيع اسفل اللو بدخل مع نهاية شمعة الساعة 9 اللى هى ترتيبها رقم 10 لانه غالبا لما السعر بيكسر الهاى او اللو بيحقق نقاط جيدة |
رد: الطريق الى الارباح ( موضع مهم جدا )
اقتباس:
بالفعل ان المونى مانجمنت هى الاهم للربح وليس طريقة الدخول او نقطة الدخول وباى طريقة ممكن تحقق ربح جيد لو معاك مونى مانجمنت جيدة ومدروسة اما موضوع صفقتين قصدى ان التاجر الناجح هو اللى تكون عدد صفقاته قليلة جدا وان اى تاجر بيفتح اكثر من صفقتين على الاكثر فى اليوم يبقى تاجر عشوائى او بمعنى ادق طريقة عشوائية المفروض انت لو متاجر يومى يبقى صفقة واحدة فى اليوم تكفى وطبعا لاتفتح صفقة قبل اغلاق الصفقة الاولى انما الغريب تلاقى واحد يفتح 10 صفقات فى اليوم وده اكبر غلط |
رد: الطريق الى الارباح ( موضع مهم جدا )
استاذ محمد طيب هل بتراعى الاخبار او دعوم و مقومات او اى حاجه تانيه ولا لا يعنى كلها بتعتمد على شمعة الساعه 9 بس و كمان عدد ال 25 نقطه كهدف و استوب ده ثابت ولا ممكن تغيره
|
رد: الطريق الى الارباح ( موضع مهم جدا )
اقتباس:
وغالبا لو ضربت صفقة التانية بتعوض ازاى النهاردة كدة |
رد: الطريق الى الارباح ( موضع مهم جدا )
السلام عليكم ورحمة الله وبركاته موضوع رائع أخي السكندري وجزاك الله خير علي الشرح الوافي أحب أن أضيف شيئاً من ضمن أسباب خسائرنا نتيجة الإدارة الغير سليمة لرأس المال وهو أننا في بلادنا العربية وأخص بالذكر مصر مرتباتنا لاتقارن بمرتبات الدول الخارجية لذلك دائماً إيداعاتنا محدودة فدائماً مانطمح لتحقيق أرباح عالية جداً بالنسبة لرأس المال وهذا بدوره يضعنا في مخاطرة عالية جداً أيضاً قد تودي بالحساب إلي الهلاك. آخر إيداع ليا كان 300 دولار (أيام ماكان الدولار ب7 جنيه مش ب20) ورغم أني أتداول بطريقة جيدة إلي حد ما فقد ضيعت الحساب بسبب طمعي في تحقيق أرباح عالية جداً. عندما يكون رأس المال كبير إلي حد ما هذا في حد ذاته يجعلك تتداول بحرية بطريقة حكيمة وأكثر حرصاً لأن الأرباح التي سوف تحققها من هذا المبلغ الكبير مهما كانت صغيرة بالنسبة للحساب فستكون مرضية ولن تترك لك المجال للطمع. |
رد: الطريق الى الارباح ( موضع مهم جدا )
استاذ محمد هو انت حسابك اسبريد ثابت ولا نوعه ايه.....فى انتظار بقية الشرح...
|
رد: الطريق الى الارباح ( موضع مهم جدا )
اقتباس:
فعلا الطمع عامل مهم ويعتبر من اكثر الاسباب فى الخسارة ويجب ان يكون الربح مناسب لراس المال اقتباس:
انا حساباتى كلها اسبريد ثابت ولا افضل الاسبريد المتحرك ابدا لانه ممكن يكون مجال للتلاعب وان شاء الله جارى شرح باقى الموضوع |
رد: الطريق الى الارباح ( موضع مهم جدا )
نكمل على بركة الله
دلوقتى الناس اللى طبقت الطريقة اللى فاتت فى ناس جربت وفى ناس كلمتنى بعضهم حقق ارباح كويسة وبعضهم لسه مش عارف ساعات يحقق ارباح وساعات صفقات خاسرة تاخذ الارباح اللى حقهها اولا ياجماعة لازم تتقن الطريقة اللى بتاجر بها كويس وتعرف تتعامل معاها كويس فجربها على الديمو عشان تعرف ايه سلبياتها هل الاستوب بينضرب على نقطة او اتنين او تلاثة يبقى لازم تبقى مرن وتحرك الاستوب بدل من 25 الى 30 نقطة طبعا فى ساعات شركلت بتبقى الاسبريد عالى على المجنون كمان استخدام الترننج استوب امر ضرورى جدا بمجرد تحرك السعر 15نقطة ننقل الاستوب على نقطة الدخول كل هذه الامور مهمة ياجماعة عشان تقدر تحقق ربح لازم يبقى فيها مرونة من المتداول ولازم يكيف الطريقة حسب طريقة تداوله لانك ممكن تلاقى متداول بيربح من طريقة ومتداول اخر بيخسر من نفس الطريقة فلازم تدرس الطريقة كويس جدا وتتلاشى عيوبها وتشوف مميزاتها وتستغلها اخير ا مبروك للناس اللى حققت ارباح من الطريقة والناس التى لم تحقق ارباح لازم تجرب الطريقة وتشوف المشكلة منين ممكن تكون الطريقة لا تناسبه المه الطرق كتير وانا اعطيت مثال ولسه فى طرق كتير وهنشرح باذن الله يتبع طريقة اخرى فى المشاركة القادمة ان شاء الله |
رد: الطريق الى الارباح ( موضع مهم جدا )
طريقة اخرى
دلوقتى احنا شرحنا طريقة الاستوب مساوى للهدف طيب لو معاك طريقة الهدف ضعف الاستوب او ياعم قول 1 : 1.5 لو معاك الطريقة دى ولم تحقق ربح حتى الان يبقى انت عامل زى الرجل اللى معاه دجاجة تعطيه كل يوم بيضة من ذهب وبيفكر انه ازاى ياكل البيضة مسلوق ولا مقلى :1 (83): طيب يااخى قبل ما تشرح فى مشلكلة بتواجهنا كلام حلو وكل حاجة ب المشكلة ان الواحد مش عارف فى الصفقة القادمة الهدف هيبقى كام او الاستوب وانت حاطط فى المونى مانجمنت هدف ثابت واستوب ثابت طبعا دى مشكلة ناس كتير كلمتنى فى الموضوع ده وقلتلهم انتظرونى ركزوا بقى معايا شوية مش معنى انى اضع مونى مانجمنت بهدف معين وانا شايف السوق هيتحرك اكتر يبقى اقفل الصفقة واقول لا هقفل عشان المونى مانجمنت امشى معاها مضبوط ياجماعة المونى مانجمنت وسيلة للحفاظ على نمط معين فى التجارة المهم الطريقة القادمة دى الهدف اكبر من الاستوب الضعف تقريبا 1 الى 2 نتعامل معاها ازاى والمونى مانجمنت هتبقى ازاى نشرح الطريقة اولا الدايفرجنس بس باستخدام مؤشر الماكد http://www4.0zz0.com/2017/06/27/14/739153390.png ده زوج المجنون كما نرى من الشارت الديفرجنس واضح جدا بنستنى انه يتكون ومع اول شمعة هابطة تغلق ندخل كما هو موضوح على الشارت والاستوب فوق هاى الشمعة اللى قبلها ب5 نقط الهدف ضعف الاسوتب تقريبا يعنى هنا الاستوب كان 40 نقطة الهدف كان 80 وتحقق الهدف طبعا الطريقة مع وجود مانى منجمنت قوية انسى الفوركس تماما يعب الطريقة ان فرصها قليلة لو هتاجر على زوج واحد او اتين مثلى يعنى فرصة واحدة فى الاسبوع وممكن كل اسبوعين اما لو هتاجر على اكثر من زوج الفرص كتير طيب المونى مانجمنت المرة دى ال الاستوب كان 40 والهدف 80 الفرصة القادمة الاستوب 50 والهدف 100 اللى بعدها الاستوب 30 والهدف 60 يبقى المونى مانجمنت على اساسى الربح بالدولار وليس النقط مثال http://www13.0zz0.com/2017/06/27/14/524927149.png حضرتك زى ما انت شايف فى مرونة فى المونى مانجمنت حسب عدد النقاط انت بتحسب عدد النقط بتاعة الاستوب وتقسمها على المبلغ اللى هتخسره فى الصفقة طبعا كل طريقة المفروض لها مونى مانجمنت تختلف عن الاخرى حسب طريقة المتاجرة |
رد: الطريق الى الارباح ( موضع مهم جدا )
طيب فيه شرح لطريقة الدايفيرجنس دى ؟ و ازاى دخلت من الارتكاز التانى للترند يعنى عرفت من فين انه ارتكاز اصلا قبل ما يتكون
|
رد: الطريق الى الارباح ( موضع مهم جدا )
اقتباس:
شرح مبسط ان شاء الله لان الديفرجنس موضوع كبير بس نبذة بسيطة كدة طبعا زى ما انت شايف ان الترند اللى فوق على اسلعر عكس الترند على مؤشر الماكد بمجرد ما تلاقى فى اختلاف زى ما فى الصورة يعنى واحد صاعد وواحد هابط ندخل مع اى شمعة هابطة بعد ما تغلق وياسلام لو شمعة ابتلاعية |
رد: الطريق الى الارباح ( موضع مهم جدا )
اقتباس:
بعد التحية ممكن شرح اكثر بخصوص الجدول لاني لم افهمه... مع الشكر |
رد: الطريق الى الارباح ( موضع مهم جدا )
اقتباس:
الجدول ده عبارة مونى منجمنت مصغر خاص بطريقة الديفرجنس لو هتلاحظ ان اول خانة الرصيد مكتوب فيها 4 ده عبارة عن المبلغ اللى هنخاطر به فى الحساب لو حضرتك تابعت اول الموضوع قلنا اننا بنقسم الرصيد بتاعنا لاننا لا نخاطر بالحساب ولنفرض رصيدك 100 دولار هنقسهم على 4 يطلع معاك 25 فرصة عشان تخسر حسابك هناخد اول فرصة 4 دولار فقط هنخاطر بها وزى ما حضرتك شايف بمجرد تحقيق ربح بنبدا نخاطر بجزء من الربح وملناش دعوة بالرصيد يعنى 4 دولار تانى صفقة بقت 8 صفقة تانية بقت 18 دةولار |
| الساعة الآن 03:33 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com