|
ورشة كيمو قشطة لاعادة احياء استراتيجية الترند المكسور
بسم الله الرحمن الرحيم ازيكم يا جماعه انا عملت الموضوع ده لكذا سبب اولا زهقت من الاستراتيجيات اللي مش بتيجب همها ثانيا الاستعجال اللي بيتم وبنشتغل علي الحقيقي من غير تجريب فترة علي الديمو ودي مشكلة المبتداين كلهم ثالثا اختيار استراتيجية الترند المكسور لانها يعتبر اساس التحليل الفني ومن خلال بحثي في مواضيع النت كلها كل اللي اتقنوها بيشكروا فيها رابعا واخيرا عملت المضووع عشان اللي عايز يتدرب معايا بوضع فرص ليها عشان نشوف اخطائنا ونتقنها مثلا خلال تلت شهور كفاية ودي مدة معقولة وبعد كده نرجع للحقيقي سواء اللي خسر زيي علي الحقيقي وعايز يتدرب تاني صح او اللي عايز يبدا حقيقي بعد كده انا بقولكم كده عشان اللي هيفتكر اني مش هكمل في الموضوع لا انا مكمل معاكم لاني مفيش اختيار غير كده مقداميش غير التعليم والالتزام معاكم اسف اني طولت عليكم بس في النهاية هقول ياريت تدوروا علي شرحها في جوجل للي مش عارفها وهتلاقوها بسهولة وافهموها ونيجي نطبقها هنا بعرض فرص من اول فريم الربع ساعه لغاية فريم اليومي مستنيكم مع بداية السوق النهارده للنقاش 15/7/2013 اتمني يلتزم معايا حتي لو واحد بس ونتقنها سوا سلام يا رجالة |
رد: ورشة كيمو قشطة لاعادة احياء استراتيجية الترند المكسور
موضوع رائع جدا ,, انا لسه مبتدئ فى الفوركس بس من خلاص بحثى والفترة اللى اتعلمت فيها الفوركس لقيت ان استراتيجية الترند المكسورر هيا فعلا اكتر استراتيجية نتائجها بتكون صادقة ومضمونة جدا للى يعرف يفهمها ويتعامل معاها كويس بس اعتقد ان الاستراتيجية دى مش بتبقى مؤثرة فى فريم الربع ساعة ,, اعتقد انها بتكون مؤثرة من اول فريم الساعة وال 4 ساعات والفريم اليومى ,, متابع معك
|
رد: ورشة كيمو قشطة لاعادة احياء استراتيجية الترند المكسور
اقتباس:
هو في الموضوع اللي انا كاتبه فوق انه الناس تبحث عنه هتلاقي مكتوب انه الناس شغالة من اول ربع ساعه لانها نفس تحقق الشروط وتعديل الموفنجات بتاعها وكده هو اللي خلاهم يتقنوها فلو كده ياريت تقراها من الموضوع تاني لو انت مش عارفها او حتي لو عارفها عشان نبدا نطبق ونتعلم سوا وانا مش هسيب الموضوع طول مهو في متابعه ان شاء الله حتي لو واحد معايا بس |
رد: ورشة كيمو قشطة لاعادة احياء استراتيجية الترند المكسور
مساء الخير يا كيمو فعلاً طريقة الترند المكسور من ضمن اجمل الطرق التي عرفتها في مجال الفوركس .. اهتم بوجود 3 ارتكازات على خط الترند وبشكل متباعد ومتساوي ، وان شاء الله حتتبسط وتجني الربح الوفير .. رمضان كريم |
رد: ورشة كيمو قشطة لاعادة احياء استراتيجية الترند المكسور
اقتباس:
الف شكر لكام حضرتك واتمني تبقي متابعنا عشان لو في حاجة ممكن تضيفهالنا في فترة التعليم دي ومعلش عندي سؤال هل كل العملات بتحترم الترند الصحيح بعد كسره يعني بمعني اصح هل كل العملات تحترم التحليل الكلاسيكي؟ ما عدا الزوجين الكثير التذبذب زي الدولار ين واليورو باوند وده عفرته من متابعتي للطريقة |
رد: ورشة كيمو قشطة لاعادة احياء استراتيجية الترند المكسور
اقتباس:
ان شاء الله ابقى اطل عليكم من وقت لاخر ، عنيا يا كيمو باشا . بخصوص الاحترام للترند ، هو تقريباً اغلب الازواج تحترم الترند ولكن بشكل متفاوت ونسبي ، يعني الازواج الرئيسية التي فيها الدولار طرف تحترم الترند مثل يورو دولار ، باوند دولار ، دولار فرنك الخ.. الكروسات اقل احتراماً للترند مقارنة مع الازواج الرئيسة .. |
رد: ورشة كيمو قشطة لاعادة احياء استراتيجية الترند المكسور
اقتباس:
|
رد: ورشة كيمو قشطة لاعادة احياء استراتيجية الترند المكسور
هشوف الازواج حالا ان شاء الله ولو في فرصة هحط صورتها وهيكون اعتماد الكسر في فترة الصبح مش فترة الليل عشان سوق اسيا فيه تذبذب |
رد: ورشة كيمو قشطة لاعادة احياء استراتيجية الترند المكسور
دي مجموعه ترندات مرسومة للمتابعه وطبعا الدخول علي الديمو من 8 صباحا الي 6 مساء اقصد الدخول مع الكسر يكون في الوقت ده مع توفر شروط الاستراتيجية لانه الكسر في وقت الليل بتاع مصر ده وقت سوق اسيا كله تذبذب سعر وبالنسبة للموفنجات والمومنتم انا برسمه لما بيتم الكسر لان كده كده قبل الكسر ملهمش لزمة + انا برسم الفيبو عشان نختبره بعد الكسر ونشوف تاثيره نبدا بسم الله وطبعا شروط الطريقة يكون تقاطع الموفنجات قبل الكسر واتجاه المومنتم مع اتجاه الصفقة+ نستني شمعه بعد الكسر للتاكيد الفرصة الاولي فرنك ين فريم الساعه http://www12.0zz0.com/2013/07/15/19/641906033.jpg الفرصة التانية اليورو ين فريم اربع ساعات http://www12.0zz0.com/2013/07/15/20/770502576.jpg الفرصة التالتة الباوند فرنك فريم ساعه http://www12.0zz0.com/2013/07/15/20/698347190.jpg الفرصة الرابعه باوند استرالي فريم ساعه http://www12.0zz0.com/2013/07/15/20/214107866.jpg الفرصة الخامسة باوند نيوزلاندي فريم ساعه http://www12.0zz0.com/2013/07/15/20/224970843.jpg الفرصة السادسة دولار فرنك فريم ساعه http://www12.0zz0.com/2013/07/15/20/415151429.jpg الفرصة السابعه استرالي نيوزلاندي فريم اربع ساعات http://www12.0zz0.com/2013/07/15/20/505647107.jpg الفرصة التامنة يورو نيوزلاندي فريم نص ساعه دي المفروض انها حققت شروطها ولما دخلتها ضربت ستوب عشان في الغالب مكسرتش 23 فيبو لانه مستويات الفيبو دي دعوم ومقومات مهمة فدي هنحطها في الاعتبار لانها ممكن تكون فلترة كويسة للطريقة المهم تم تعديل الترند وهنشوف الفيبو هتساعد ولا لا http://www12.0zz0.com/2013/07/15/20/745971711.jpg الفرصة التاسعه نيوزلاندي كندي نص ساعه دي نفس فكرة التامنة هنشوف فيها بعد كسر الفيبو هيحصل ايه لان شروطها اتحققت بس عايزين نشوف الفيبو نظامه ايه http://www12.0zz0.com/2013/07/15/20/137588902.jpg الفرصة العاشرة نيوزلاندي دولار فريم نص ساعه برضه نفس الحكاية بعد تحقق الشروط لكن هنشوف الفيبو كلامه ايه http://www12.0zz0.com/2013/07/15/20/127399323.jpg ياريت يا جماعه نتشارك سواء في طريقة رسم الترند او اي حاجة من محترفي الاستراتيجية او من الجداد عشان نطلع بالتلت شهور دول متدربين كويس للحقيقي منتظر الردود |
رد: ورشة كيمو قشطة لاعادة احياء استراتيجية الترند المكسور
كدة تمام واما بالنسبة للفيبو فان النسب القوية والمعتمدة في التصحيح هي 50 والنسبة الذهبية 61.8 اما النسب الاخرى فانها لا تعطينا رؤية واضحة فتارة تحترم السعرو اخرى لا على العموم استخدام استراتيجية الترند المكسور بمعية الفيبو وخاصة النسب المذكورة سابقا مع الموفينجات ( كاشارة تاكيدية وليس اعتماد) نسبة ارباحها تقارب 90% باذن الله
|
| الساعة الآن 11:39 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com