اف اكس ارابيا..الموقع الرائد فى تعليم فوركس Forex - مشكلة فى انستا لو متحلتش تبقى شركة نصابة

- - مشكلة فى انستا لو متحلتش تبقى شركة نصابة (https://fx-arabia.com/vb/showthread.php?t=31970)

مشكلة فى انستا لو متحلتش تبقى شركة نصابة

مش عارف الموضوع منزلش ليه بعد مكتبته نزل فاضى هكتبه تانى وانشره
:1 (88):
طبعا انا معملتش الموضوع ده الا لما زهقت ومحدش رد عليه من الشركة

دى كانت رسالتى للاخ / حسان فى موقع يقوم فى بالدعم العربى لشركة انستا

السلام عليكم اخى / حسان
اولا انا عندى مشكلة كبيرة مع الشركة ياريت تكون سبب وحل لعدم وجود مشكلة من الاصل خصوصا انى مع انستا من 2011 وعشان كده مردتش اعمل موضوع منفصل هنا او فى منتديات الفوركس المعروفة
المشكلة باختصار انى زى اى تاجر فى الفوركس بيتاجر بيكسب وبيخسر وطبعا اوقات كتيير الحساب بيصفر خصوصا انى بودع باستمرار مبالغ بسيطة وطبعا اوقات كتيير الشركة بتكنسل البونص وبيحصل ده اوقات بعد الايداع بدقائق ودى طبعا حاجة غريبة بس مش موضوعنا
انا اودعت النهاردة الساعة 1:21 بتوقيت انستا مبلغ بسيط 39.60 دولار لقيت اول حاجة وانا باخد البونص ال 30% انهم بيدونى بونص 0.39 سنت قلت مش مشكلة وفتحت صفقة واحدة المهم الساعة 1:48 يعنى بعد الايداع 27 دقيقة تم الغاء البونص وغلق الصفقة ببص على الرصيد لقيته 0.32 سنت طبعا ذهلت ببص لقيت الشركة عاملة الغاء بونص 38.70 يعنى ال39.60 اللى اودعتهم راحوا نهائى ولما كلمت الدعم على الشات قلى راسل الدعم بتاع البونص ولما راسلتهم اكتر منمرة قبل كده بسبب برده مشاكل فى الغاء البونص محدش رد عليه واكتر من مرة يتخصم فلوس كالغاء بونص اكتر من البونص نفسها
هى دلوئتى الشركة بتديلك البنوص ولو خسرتهم بتحسبك عليهم بعد كده لما تودع !!!!!!
المفروض الايداع الجديد ملوئش دعوة وحتى بند انستا فى شروط البونص بيقول ايه
* النقطة رقم 8 موجهه لمنع الإستخدام الغير عادل لنظام إضافة العلاوة, ولكن وظيفتة ليست تعنى بكل الحسابات, للتى قامت الشركة بإلغاء العلاوات التى تم استلامها فيما قبل, المؤكدة كانتهاك لأى قانون, لإن فى بعض الحالات فأنة مستحيل تحديد إحدى هذه القوانين المنتهكة بوضوح. وعلى الأرجح الألغائات الغير صحيحة للعلاوة من خلال الصراع ضد الإستخدام الغير عادل لنظام إضافة العلاوة لن يتعدوا 10%.

يعنى كل بونص منفص وحتى فى حالة الغاء البونص بيتم وضع غرامة لاتتعدى 10% من قيمة البونص ولا توجد اى شركة ولا اى قوانين بتقول ان البونص اللى تخسرها تدفعها
اخى حسان انا من اشد المدافعين عن انستا وبقول فى اى منتدى فوركس الشركة معقولة وعندها خدمات كتيير ومفيش شركة فوركس معندهاش مشاكل لكن بالشكل ده لاء اعذرنى اخى وانا اعرف انك عادل فى حكمك بعيد عن الشركة وانا متابع لك منذ سنوات ولكن اذا لم تحل الشركة المشكلة سوف اكون من اشد المحاربين لها فى كل منتدى وهذ ليس تهديد ولكن من الموقف الغريب الذى حدث هل انا اقوم بايداع جديد ليتم الغائه كبونص سابقة فى اى قوانين يتم هذا
رقم حسابى : 1175449

ارجوا اخى ان تقوم بمساعدتى وحل الموضوع مع الشركة وانا سوف اكون شاكر لك وساكون كما انا مدافع عن انستا بانه لايضيع حق عندها ولكن ارجوا الحل للمصداقية
واسف على الاطالة

وده كان رده

البونص القديم مش بتتحاسب عليه..اذا كنت خسرته بمارجن كول
بالظبط نفس قوانين بونص المنتدى
طالما حسابك جاله مارجن كول خلاص كل القديم ده بيتنسى
عموما ابعتلى باسورد المشاهدة لحسابك investor's password وانا هاكلم الشركة عشان اشوف سبب الخصم [IMG]http://************************************************** .com/images/smilies/smile1.gif[/IMG]

ودى صورة من الحساب
http://www.fx-arabia.com/vb/uploaded...1368778173.jpg

وكان الرد الوحيد منالاخ حسان الشركة بعت عشرات الرسايل دون رد منهم عن السبب فى خصم المبلغ
وكان رد حسان ان انت مستثمر قبل كده مبالغ فى حساب بام باسمك
وطبعا ده كان قبل الايداع بيومين وكمان هل هو ممنوع الاستثمار فى حساب بام باسمك طبعا مش ممنوع
وكمان المبلغ والحمد لله اللى فى حساب البام تم خسرته قبل الايداع بيومين
وكمان ياترى دلوئتى لو افترضنا ان فى مبلغ عليه بونص انت مستثمره فى حساب بام مش هنقول انك خسرته
هل يحق لشركة
خصم مبلغ البونص من ايداعة جديد
فين القانون والبند فى الاتفاقية اللى بيقول كده

وحتى الان لم يتم الردعليه من دعم انستا وادارة البونص وادارة الدعم العربى بعتهم على كل الاميلات ولم يرد عليه احد
وحتى الشات العربى والاجنبى بالشركة معندهمش رد غير ابعت لاادرة البونص او دعم الشركة والله بعت لغاية لما تعبت دون رد برسالة واحدة تعرفنى السبب
ارجوا من الاخوة المشرفين والدعم لانستا حل المشكلة واللى يقولى انت غلطان يقولى عشان بند الاتفاقية رقم كذا بيقول كده
وشكرا واسف انى طولت عليكم