|
ورشة فوركس للمبتدئين (الدعوة عامة)
بما إنى مازلت مبتدىء (ومازال هناك الكثير من الأعضاء بيتعلموا)
إن فكرت فى افتتاح ورشة جديدة لكل الأعضاء المبتدئين اللى نفسهم يعملوا توصيات وخايفين من الخسارة أو خايفيين من التقييم السلبى ورشة كلنا ندخلها ونحط جواها توصيات محدش يجربها إلا على الحساب التجريبى ونتابعها ونناقشها مع بعض ولو حد من الأعضاء المبتدئين أو المحترفين أو اى حد عنده فكرة يقولها ونتناقش فى اسباب الخسارة والمكسب وأكيد مع وضع التوصيات والبحث والتفكير هنلاقى ان مستوانا بيتحسن شوية بشوية وفيه طلب من الإدارة إن توصياتنا متتقيمش لا سلبية منها ولا إيجابية علشان حتة الخوف من التقييم السلبى دى تروح مننا فى نفس الوقت لو حد شايف ان توصيته كويسة يحطها فى القسم العام مفيش مانع لكن يكون عليها التقييم بالطبع زى أى توصية فى القسم العام ويكون عندنا التزام فى الموضوع بتاعنا دا التزام بأن إحنا نتابع التوصية ونخرج منها ونلغيها ونقفلها بمكسب أو باقل خسارة بالظبط كما لو انك جاطط توصية ويهمك التقييم عليها لكن الفرق ان مفيش فى موضوعنا دا تقييم فمفيش أى خوف ولكن فيه التزام وأكيد وانا متوقع أن يكون فيه مفاجآت فى ورشة المبتدئين دى ويطلع منها توصيات فوق الخيال وأكيد هيطلع فيها بلاوى زرقاء فى انتظار تفاعل الأعضاء تم أخذ الإذن من دكتور أسامة بعدم وضع اى تقييم للتوصيات بداخل الموضوع |
رد: ورشة المبتدئين (الدعوة عامة)
موضوع رائع و سيكون مفيدا جدا سواء للمحترفين او المبتدئين..,
البعض فعلا يقلق من التقييم السلبى و ان كان هو اداة لفلترة افضل مزودى التوصيات خوفا على اموال اخواننا الاخرين.., لن يوجد تقييمات سلبية او ايجابية هنا و الدعوة عامة للمشاركة و صدقونى لن يفلح من يتفرج بصمت و لن يجد له مكانا فى الفوركس نهائيا.. تعلم.. ثابر.. شارك كى تستطيع ان تعرف اين اخطائك,سأحاول قدر المستطيع ان اعقب على توصيات و تحليلات الاخوة هنا.., تحياتى يا سراج على الموضوع اللى فى الجون فعلا.. الله كريم., |
رد: ورشة المبتدئين (الدعوة عامة)
فكره ممتازه الله ينور عليك وانا معاك و ربنا يوفق الجميع
|
رد: ورشة المبتدئين (الدعوة عامة)
الله عليك يا باشا والله انا اتكلمت مع الدكتور فى الموضوع دا من كام يوم وكان مرحب جدا بس كان فى مشكلة معارضة الموضوع
اولا ان الوشة لو اتفتحت وبعد كده اتسابت هيبقا كتر ورش على الفاضى من غير فايدة ولكن بما انك فتحت الموضوع فانا بدعمك بقوة لانى من اول المبتدئين فى موضوع الفوركس اللى هيجننا كلنا دا وارجوك رجاء خاص انك متسبش الورشة لانى شايف القصة زى مانت شايفها (مفيدة لينا جدا جدا ) بس الاهم فى الموضوع ان الاساتذة الكبار يساعدونا فى فهم اخطائنا علشان نمسك نقاط الضعف بتاعتنا وبرضو نقاط القوة فى التقدم بتاعنا ولا اية رأيك على العموم انا عاوز اعرف رأى الاساتذة بالتوفيق ليك ولينا يا رب ومتابع معاك يا غالى ومش هسيبك ان شاء الله |
رد: ورشة المبتدئين (الدعوة عامة)
اقتباس:
لن يكون هناك تقييم على نقاط التوصية كما هو واضح بالموضوع بالنسبة لتقييم المشاركات الفعالة فهذا يرجع إلى رؤية المشرفين وبالطبع هذا الموضوع ليس موضوعا تافها حتى لا يتم تقييم المشاركات الفعالة والقوية فيه أرجو ان تكون وضحت الصورة |
رد: ورشة المبتدئين (الدعوة عامة)
رائع و الله
و فكرة عملية هايله و كلنا هنا نتبادل العلم لوجهه تعالى دوس يا ريس و كلنا وراك |
رد: ورشة المبتدئين (الدعوة عامة)
اقتباس:
أشكرك يادكتور وبالفعل كان من اهم الأسباب التى تجعلنى أتردد فى وضع التوصيات هو التقييم السلبى ولما تشجعت ووضعت التوصيات ضربت ستوب لوز معى :1 (82)::1 (82)::1 (82): وأخدت التقييم السلبى فكنت أنوى عدم وضع توصيات حاليا حتى جائتنى تلك الفكرة شكرا على تشجيعك للموضوع وموافقتك عليه ونرجوا من الجميع مناقشتنا فى أخطائنا وحتى فى مناقشتنا فى نتائج التوصيات الناجحة وشكرا |
رد: ورشة المبتدئين (الدعوة عامة)
رائع يا سراج ومتابعين معاك كلنا إن شاء الله هنا وداعمينك بكل قوة ..، |
رد: ورشة المبتدئين (الدعوة عامة)
اقتباس:
ان شاء الله تعالى لن اترك الموضوع ومش هسيبه وهكون فيه قدر الإمكان تحية لك ومستنين مشاركاتك معانا |
رد: ورشة المبتدئين (الدعوة عامة)
اقتباس:
تحية لك اخى العزيز محمد وانا كنت منتظر مشاركاتك وتقعلك بالموضوع منذ البداية لانك صاحب مكان :1 (105)::1 (105): |
| الساعة الآن 11:37 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com