انقاذ صفقات..الرجاء من الخبراء النصيحه..
 

السلام عليكم ..

عندى صفقات على 3 ازواج كروسات من متداول فى الزولو عملهم هيدج (هو فى حالة تخبط وعدم تركيز حاليا ) وانا طبعا حذفته وهشتغل بيدى احسن

المشكله انه اول ما هدج الصفقات بعد ربع ساعه بدأ الانعكاس (نصيب )

انا عاوز افك الصفقات (زوج واحده فى المره) من اماكن انعكاس قويه او بعد رالى قوى


http://www5.0zz0.com/2013/08/29/14/775815348.jpg

للامانه هو ساب صفقة الاسترالى ين ..انا اللى عملتلها هيدج علشان اعصابى ..كان زمانها ربح..

المهم انقذ ما يمكن انقاذه من ال300 $

ولا تنصحونى اقفل وابدأ من 500 على نضيف

مستنى نصائحكم وتحليلكم للازواج واماكن الانعكاس

وشكرا مقدما

رد: انقاذ صفقات..الرجاء من الخبراء النصيحه..
 

رد: انقاذ صفقات..الرجاء من الخبراء النصيحه..
 

اخي انصحك اذا حابب تبدأ بنفسك ان تبعتد عن الكروسات
السبيرد عليها مرتفع + غير واضحة الحركة (تذبذب كبير )

رد: انقاذ صفقات..الرجاء من الخبراء النصيحه..
 

فك هيدج الأسترالي الفرنك بإغلاق صفقة الشراء حالا سيهبط إن شاء الله إلى 0.8150
و تغلق الصفقة الرابحة النيوزلندي الفرنك و تتسنى شوية
الأسترالي ليس لشراء،أقفل صفقة الشراء الأسترالي ين على خسارة صغيرة أحسن

رد: انقاذ صفقات..الرجاء من الخبراء النصيحه..
 

شكرا للنصيحه اخى ..لكن هحاول اخد انعكاس ولو بسيط من كل صفقه قبل مقفلها..وربنا ييسر

انا اصلا بكرهها ..امرها عجيب :)
واحده واحده عليا ..انا عملت بنصيحتك وفكيت الأسترالي الفرنك .وان شاء الله خير.. لكن لو فكيت النيوزلندى معاه مش هعرف انام خصوصا انهم 2..لما اخلص من الاسترالى باذن الله اشوف النيوزلندى

رد: انقاذ صفقات..الرجاء من الخبراء النصيحه..
 

هو فى طريقه بس هتبقى خطر شويه وانت وشطارتك اما ان تغلق على ربح او لاربح لا خساره او خساره اقل من 300 دولار
اولا جميع الازواج اللى انت داخل عليها احسب مثلا نيوزلاندى/فرانك انت داخل كذا صفقه شراء باجمالى وليكن 0.15 فتقفلها بهيدج بنفس القيمه وكذلك على كل الازواج اللى انت فاتحها بحيث انك توقف استنزاف راس المال وتبقى القيمه ثابته للخساره مهما تغير السوق ثم بعد ذلك تتاجر على اخبار بعقود صغيره وتكون ( حذر جدا) لانك فى الاصل مستنزف جزء كبير من راس مالك فى الصفقات والهيدج فتتعامل مع الاخبار بحذر ومع كل مكسب تكسبه تقفل قدامه ما يوازيه فى الصفقه والهيدج ... مثلا انت ربحت 10 دولار يبقى تقفل مايوازى 5 دولار فى الصفقه و 5 دولار فى الهيدج
خلى بالك من نقطتين اهمهم ماتفكش هيدج نهائى حتى لو كنت كسبان لانك هتضطر تعمل هيدج للجزء الباقى مع التكرار هتلاقى السوق بيسحبك لخساره اكبر ووقتها مش هتعرف تتعامل معاها نهائى وحسابك هيتقفل
ثانيا خلى بالك من عمولات التبييت لو انت حسابك بيتعامل بيها لانها هتبقى ضدك لانها بتسحب فلوس من حسابك فكل مايطول وقتك كل ماتزيد المصاريف .... انما لو حسابك اسلامى وخالى من الفوائد يبقى اشتغل على بركه الله وانت فى بطنك بطيخه صيفى
اخر حاجه مش لازم تطلع بمكسب او من غير خساره او ربح ... انت لو قدرت تقلل الخساره للنص دى فى حد ذاتها ربح

رد: انقاذ صفقات..الرجاء من الخبراء النصيحه..
 

رد: انقاذ صفقات..الرجاء من الخبراء النصيحه..
 

السلام عليكم؛
انا ايضا بشتغل عل الازواج دي؛فاتح صفقات بيع عل الاسترالي فرنك؛
نصيحتي لك الازواج اليو العملة الثانية فيها هي الفرنك للشراء يعني اقفل البيع؛و الازواج الي العملة الثانية فيها اليان للبيع يعني اقفل الشراء
و ربنا يوفقك و يوفقنا

http://img4.hostingpics.net/pics/458126501.jpg
الاسترالي فرنك في ترند نازل ع الديلي يعني مهما عكس حيرجع ينزل تاني؛دا شغلي معاهم،

رد: انقاذ صفقات..الرجاء من الخبراء النصيحه..
 

نصيحه الصفقات الربحانه تحرك ستوبها لنقطه الدخول لعل وعسى تعوض ولو اغلقت مش مشكله اما الخسرانه اغلقها حتى لاتتضاعف وابدأ من جديد

رد: انقاذ صفقات..الرجاء من الخبراء النصيحه..
 

ان شاء الله اخى ..شكرا على مساعدتك.
لم افهم اخى ..الازواج اليو العملة الثانية فيها هي الفرنك للشراء يعني اقفل البيع
وفى نفس الوقت الاسترالى فرنك للبيع..

بس الاهم انك بشرتنى بنزول الاسترالى فرنك لانه اول واحد هخلص منه على ما النيوزلاندى ياخد اتجاه.
شكرا على اهتمامك ومساعدتك.


لا يوجد صفقات ربحانه الا ب 5 - 10 نقط وترتد ..السعر يتذبذب داخل الهيدج