|
استفسار وبجد ياريت مساعده
انا عندي مشكله ان انا مش فاهم ازواج العملات يعنى مثلا فى كتب بتقول ان العملات الغيرمباشره اللى هى الين مثلا او الفرنك لما تشتري يبقي لازم السعر ينزل علشان تكسب ده ايه مش فاهم المفروض ان انا بشترى من تحت علشان السعر يطلع بيا واكسب وابيع من فوق علشان ينزل وبالتالي اكسب بردو لا في كتب بتقول ان العكس مع العملات الغير مباشره وطبعا كده يبقي لما اشترى يبقي الستوب لوز تحت والتيك بروفيت فوق وده مبيحصلش عمليا طب ايه ده مش فاهم ؟؟؟
ثانيا التيك بروقيت والستوب لوز فى مشكله فيهم لما مثلا اجي احط التيك بروفيت وانا شاري ب 40 نقطه والستوب لوز اقل من السعر الحالى ب 40 نقطة احيانا البرنامج مبيبقبلش بيقول invaild طب انا عايز اعرف احددهم ازاى دا غير انه احيانا بيقبلهم فمش فاهم هو البرنامج اللى بحالات ولا المشكله فيا انا ثالثا مفهوم التارجت يعنى ايه تارجت target وابقي شاكر جدا لو حد ساعدنى لانى محتاج افهم الكلام ده ولو الموضوع يطول شرحه هنا ياريت اى فيديو تعليمي او كتاب يوضح الكلام ده عمليا لان انا زهقت من النظرى اللى مفهوم ومبيطبقش وشكرا |
رد: استفسار وبجد ياريت مساعده
[COLOR="Green"]
اقتباس:
وعليكم السلام تم الرد فى الاقتباس تحياتى |
رد: استفسار وبجد ياريت مساعده
اقتباس:
السلام عليكم ورحمة الله وبركاته بالنسبة للكتب دي فهي بتتكلم صح ولكن بشكل يلخبط الواحد العملات المباشرة: هي العملات اللتي يوضع رمزها قبل رمز الدولار الامريكي يعني بتكون هي عملة الأساس مثل اليورو والباوند والدولار الاسترالي والدولار النيوزلندي EUR/USD GBP/USD AUD/USD NZD/USD لما نقول مثلا أن زوج اليورو دولار ارتفع : معنى ذلك أن اليورو (عملة الأساس) ارتفع وأن الدولار (العملة المقابلة) انخفض وفي الحالة دي لو أنا دخلت صفقة شراء لهذا الزوج : هيتم شراء اليورو (عملة الأساس) وبيع الدولار (العملة المقابلة) العملات غير المباشرة: هي العملات اللتي يوضع الدولار الأمريكي قبلها يعني الدلار الأمريكي بيكون هو عملة الأساس والعملة المقصودة هي العملة المقابلة مثل الين الياباني والفرنك السويسري والدولار الكندي USD/JPY USD/CAD USD/CHF لما نقول مثلا أن زوج الدولار ين ارتفع : معنى ذلك أن الدولار (عملة الأساس) ارتفع وأن الين (العملة المقابلة) انخفض وفي الحالة دي لو أنادخلت صفقة شراء : هيتم شراء الدولار (عملة الأساس) وبيع الين (العملة المقابلة) معنى ذلك أن ارتفاع الدولار ين يدل على انخفاض الين أمام الدولار ومعنى ان الين ينخفض يبقى انا هبيعه يبقى اذن عند ارتفاع أزواج العملات غير المباشرة (مثل الدولار ين) نقوم ببيع هذه العملة غير المباشرة (الين) ده اللي تقصده الكتب اللي أنت قريتها لأن هذه العملات هي المقصودة وليس الدولار أنا حبيت بس أوضحلك النقطة دي علشان ماتفضلش شاغلة بالك هتلاحظ بقى إن أي صفقة سوء بيع أو شراء يتم تنفيذها على عملة الأساس إذن أي زوج أنت حللته ورأيت انه سيصعد يبقى شراء وأي زوج أنت حللته ورأيت أنه سيهبط يبقى بيع اتمنى إني أكون قدرت اساعد في توصيل المعلومة دي تحياتي لك وبالتوفيق إن شاء الله |
رد: استفسار وبجد ياريت مساعده
بجد مرسي ليك كتيييير من هنا لحد 3 سنين قدام
بس لو هرخم معلش بالنسبه للتيك بروفيت والستوب لوز ليه مبيتحددوش معايا مع انى مثلا لو شاري بعمل التيك بروفيت اعلى من السعر الحالى ب 40 نقطه مثلا واستوب لوز اقل ب 40 الاقب البرنامج يقول invaild وميقبلهمش واحيانا بعملهم ويقبلهم مش فاهم ازاى بس ياريت اعرف ازاى احددهم وأمثله عمليه بعد إذن حضرتك وسورى بجد لو هتعبك ف ده بس بجد انا محتاج الموضوع ده لانى ببقي محلل الشارت كويس وابقي عايز مثلا ابيع او اشترى بس اقف عند نقطة التيك بروفيت والستوب لوز لانى بلاقيهم مش بيتقبلوا فأنا بحددهم غلط ولا ايه يعنى فى سياسه معينه لازم اتبعها لما اجى احددهم ياريت اجابه ارجوك لان انا قدامى شغل ومش عارف اخش التست بسبب الموضوع ده وكمان ايه التارجت وبيتحدد ازاى ياريت بس تعريفه او هو ايه وانا هتعامل ف الباقي |
رد: استفسار وبجد ياريت مساعده
اقتباس:
أبدا مافيش تعب ولا حاجة أنا في الخدمة أولا كلمة تارجت target دي معناها هدف يعني هي نفسها تيك بروفيت take profit وهو أمر الخروج من الصفقة لجني الربح .. أكيد انت عرفته كده :1: وفي بعض المنصات بيكون أسمه limit بالنسبة بقى لوضع اوامر جني الربح وأمر وقف الخسارة فهو زي ماأنت قولت كده لو مثلا صفقة شراء فأنت بتحدد الهدف بسعر أعلى من السعر الحالي والستوب لوس بسعر أقل من السعر الحالي يعني المفروض إن البرنامج يقبل الاوامر دي وخصوصا إنك بتقول إن في أوقات بيقبلها عادي يبقى ممكن يكون في احتمال إنك بتكتب ارقام خطأ أو يمكن المنصة تكون فيها رقم عشري خامس فانت بتحدد الهدف والاستوب لوس على الرقم ده باعتباره نقطة ياريت تقولي منصة أيه اللي بتستخدمها وخاصة بشركة أيه علشان أقدر أفيدك |
رد: استفسار وبجد ياريت مساعده
منصة fx arabia منصتكم
|
رد: استفسار وبجد ياريت مساعده
اقتباس:
:1: أولا أنا مش تبع المنتدى أنا عضو مثلك ثانيا المنتدى مالوش منصات أظنك تقصد منصة الميتاتريدر الخاصة بشركة FXDD لو هي المنصة دي يبقى لازم تخلي بالك إن الاسعار فيها بتكون خمس أرقام الرقم الخامس ده بيكون جزء من نقطة وليس نقطة كاملة فمثلا السعر الحالي لليورو دولار هو 1.35137 الرقم الخامس الاخير على اليمين (7) ده مش نقطة ولكن 0.7 من النقطة والنقطة الصحيحة هي الرقم الرابع (3) يعني لو ارتفع السعر بمقدار 5 نقاط من هذا السعر فإنه سيصبح 1.35187 أما لو هبط السعر إلى 1.35057 مثلا فمعنى ذلك أنه انخفض بمقدار 8 نقاط فأنت مثلا لو هتشتري من سعر 1.35137 وعملت هدف 40 نقطة بالاضافة للاسبريد نقطتين يبقى الهدف هيكون عند سعر 1.35557 أنت بقى كنت بتاخد بالك من الحاجات دي؟ وياريت تقولي مثال على صفقة حاولت تنفذها وماقبلش الاوامر |
رد: استفسار وبجد ياريت مساعده
على فكره انت كلامك سليم منصة اف اكس اربيا فيها رقم عشري خامس وانا بحدد عليه التيك بروفيت والستوب لوز يبقي انا احدد على التالت والرابع ولا ايه ياريت افاده بس لان الموضوع ده خلاص قرب يجنني
|
رد: استفسار وبجد ياريت مساعده
بس هى دي الله ينور عليك ويكرمك ياراجل كنت تايه منى فين بس بجد مرسي ع المعلومه دي هى دي المشكله فعلا لان انا لو كان السعر زى من بتقول كده كنت بعمل التارجت 1.35177 وبالتالى غلط ياااااااااااااااااااااااااااااااااااااااااااااه اخيرا تسلمممممممم ياقمر علامعلومه دي وربنا يجازيك خير عنها يارب بس مع الين بردو المفروض انه ف اف اكس دي دي 0.000 بردو احسب على الرقمين واسيب التالت ولا ايه ظروفه ده
|
رد: استفسار وبجد ياريت مساعده
اقتباس:
تماااااااام كده ياباشا الآن وضحت الرؤية :) بالنسبة لأزواج الين فأنت زي ماقولت كده هتحسب على الرقمين وتسيب التالت لأنه بيعتبر كسور وليس نقاط صحيحة مثلا الدولار ين 76.902 لو انخفض 10 نقاط سيصبح 76.802 ولو ارتفع 10 نقاط سيصبح 77.002 وعلشان تسهلها على نفسك اعتبر الرقم الزيادة ده صفر علشان مش يلخبطك ربنا يكرمك وبالتوفيق إن شاء الله |
| الساعة الآن 01:39 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com