اف اكس ارابيا..الموقع الرائد فى تعليم فوركس Forex - فـكـر جـديـد ورشة المبتدئين واللى الدنيا ملطشة معاهم (لو الفوركس خلاها ضلمة يبقى مكانك هنا)

فـكـر جـديـد ورشة المبتدئين واللى الدنيا ملطشة معاهم (لو الفوركس خلاها ضلمة يبقى مكانك هنا)

بسم الله الرحمن الرحيم

رغم ان الموضوع محتاج تفصيل طويل ولكن فكرته سهلة وبسيطة وهعرضها بشكل مختصر.

طبعا المنتدى فيه اعضاء بسم الله ما شاء الله كتير منهم المحترف فى الفوريكس وفيهم الغلبان اللى زى حالاتى اللى بيحاول يتعلم ونفسه يوصل لدرجة انه يبقى واثق من نفسه وهو قاعد قدام الشارت.

وطبعا بما إنى بخاطب الناس المبتدئين او اللى الدنيا ملطشة معاهم زى حالاتى يبقى هقولكم الاتى :

- احنا فى وسط المنتدى اكيد تايهين شوية لانك تخاف تقول توصيات عشان ممكن تطلع غلط وفى نفس الوقت ممكن تخاف تقول رأى وسط الناس "الفطاحل" فيبقى شكلك وحش او ممكن ماتبقاش عارف انك تطبق استراتيجية معينة ومش هتلاقى وقت حد يفهمك بالتفصيل.

طيب وبما إن ان احنا فى المنتدى من النوع ده كتير طيب ماتيجى نعمل لنفسنا زى مكان كده نجتمع فيه كلنا احنا الناس المبتدئين واللى الدنيا ملطشة معاهم.

طبعا هنفضل وهنكون جزء صغير من المنتدى الكبير العزيز على قلوبنا ولكن بس مجرد اننا هنعمل ركن لينا نتكلم فيه مع بعض من غير خوف.

طيب حد يقولى ,, طيب وايه الجديد يعنى وايه الفرق بينه وبين القسم العام ؟
اقوله الإجابة :

1- الموضوع ده هيبقى بتاعنا احنا ,, كل واحد هيدخل فيه يقول رأيه وتحليله للعملات من غير ما يكون محرج او خايف لاننا كلنا زى بعض الى حد ما.

2- كل واحد هيدخل يحط توصياته للعملات لو شايف شراء او شايف بيع وكلنا هنتناقش معاه فى توصياته دى ونتكلم يا ترى هو عاوز يشترى ليه ويبيع ليه وده هيفدنا لأننا كمبتدئن واللى الدنيا ملطشة معاهم هيكون فكرهم قريب من بعض فنقدر نصلح لبعض.

3- لو فى حد مش فاهم حاجه معينة فى الفوريكس بشكل عام هيدخل يسألنا ومش هيبقى مكسوف لانه موجود فى المكان اللى هيلاقى ناس فكرهم قريب منه فهيقدر يسأل اسئلة تفصيلية وتعليمية وهتبقى بنتعلم من بعض.

يعنى فى الختام هتكون دى هى الورشة الأم للمبتدئين واللى الدنيا ملطشة معهم عشان :

1- نتعلم الفوريكس خطوة خطوة مع بعض.

2- نتعلم من اخطاء بعض.

3- نطور مستوانا ونكسر حاجز الخوف.

والجزء المهم كمان ان فيه افكار تانية كتيرة جدا هدفها ربط الموضوع ده والناس اللى فيه بعموم المنتدى عشان يبقى استفدنا اننا طلعنا ناس من الموضوع بقت بتفهم فوريكس وكمان المنتدى عادت عليه فائدة من ناحية الترويج ليه والدعاية ومن ناحية نشاطه
وان شاء الله مع تطور الموضوع ونجاحه هنبدأ نعرض وننفذ الافكار اللى متعلقة بكل مرحلة من مراحل هذا الموضوع.

واخيرا الشكر لإدارة المنتدى الكبير اللى هتعتبر راعى للموضوع ده لانه يعد نواة هامة للمنتدى بشكل عام إن شاء الله

شكرا جزيلا

مواضيع ذات صلة

دروس فيديو دورة تعليم الفوركس مجمعة كاملة

رد: فـكـر جـديـد ►▓▒★ ورشة المبتدئين واللى الدنيا ملطشة معاهم ►▓▒★ (لو الفوريكس خلاها ضلمة يبقى مكانك هنا)

واضح ان الموضوع فيه أفكار كتير ,
بس فكره جميله ,
وفى انتظار توصات المبتدئين عشان ندخل وراهم واحنا مغمضين :1 (76):

ومتابع معك
وكلنا مع المبتدئيبن

اقتباس:

المشاركة الأصلية كتبت بواسطة احمد صلاح (المشاركة 318438)

شكرا جزيلا يا ابو حميد
وانت وباقى المشرفين واسامة
هيكون ليكم دور كبير معانا ان شاء الله
عشان الموضوع ده هيحتاج منكم عون كبير ان شاء الله

موضوع رااااااااااااااائع
وانا متابع معاكو بصفتي خبرتي قليلة شوية وبداياتي لاتتعدي 3 شهور ولسه ماعنديش اكونت حقيقي للمتاجرة عليه

وحاولت الم الموضوع شوية :1 (96):

ورشة موفقة و فكرتها رائعة
متابع معاكم إن شاء الله :)

وانا مسجل حضور معاكم واول مشاركة منى فرصة على اليورو دولار فى حدود 10 نقط الدخول بيع من 1.3206 بهدف 10 نقط

السلام عليكم عاوز اعرف اهم الاسئلة التي اوجها لمديري حسابي قبل تسليمه ادارة حسابي

اقتباس:

المشاركة الأصلية كتبت بواسطة سيد الزعمان (المشاركة 318473)

السلام عليكم عاوز اعرف اهم الاسئلة التي اوجها لمديري حسابي قبل تسليمه ادارة حسابي

اداره الحسابات ليست بالشىء السهل واتمنى الا تقع فى اشخاص وهميين لايصلحون لاداره الحساب
عمتا اهم شىء ان ترى طريقته فى المتاجره
على حساب حقيقى باسمه مدته لاتقل عن 3 شهور لتتأكد من صلاحيته

وبالتوفيق لك

اقتباس:

المشاركة الأصلية كتبت بواسطة أحمد الرويني (المشاركة 318470)

ورشة موفقة و فكرتها رائعة
متابع معاكم إن شاء الله :)

شكرا جزيلا يا ابو حميد
هنحتاجكم معانا ان شاء الله

اقتباس:

المشاركة الأصلية كتبت بواسطة M Sabry M Elbakrawy (المشاركة 318457)

يبقى انت هنا جيت للمكان الصح
ده مكانك ان شاء الله