المشاركة الأصلية كتبت بواسطة FallenDarK السلام عليكم : عندي استفسار .. هو مش استفسار بالضبط .. هو تحليلي الفقير .. لليورو عن طريق تطبيق ما تعلمته حتى الآن .. وأرجوا إن حضراتكم تقولولي رأيكم وتعرفوني على أخطائي اللى أكيد هاتبقى كتير .. معلش مافيش حد بيتعلم إلا ولازم يغلط علشان يتعلم من خطأه .. المهم مش هاطول عليكم .. ده شارت اليورو دولار على فريم اليومي .. أنا حددت مستويات الدعوم والمقاومات والترند العام على فريم الاسبوعي .. وبعدين رسمت الفايبو على اليومي وسيتم تحديد الأهداف على هذا الفريم أيضا .. تمام .. السعر الحالى فوق مستوى 61.8 فايبوناتشي بسبب الجاب بعد ما كان قريب من مستويات 50 ، وطبعا بسبب الأخبار اليورو اتجاهه المتوقع هو الهبوط ولكن .. اللى أنا شايفه انه هايصعد حتى مستويات 50 فايبوناتشي .. حتى يغطي الجاب ويا إما يصعد أكثر قليلا ليختبر الترند المكسور او يتجه مباشرة إلى الهبوط وهنا هانتظر كسر مستويات 61.8 وهاخش بيع .. بستوب لوز عند أى إغلاق فوق مستويات 61.8 .. وتيك بروفيت عند مستوي الدعم الإسبوعي القوي 1.34200 طبعا الهدف كبيييير جدااا أكثر من 2400 نقطة !! ولكن ده هايكون عن طريق التعزيز .. دخول بعقد ميكرو بأهداف أولية تبدأ من 50 نقطة ..وبعد تحقيق الهدف الأول إن شاء الله هانقل الاستوب لوز لنقطة الدخول وهافتح عقد ميكرو جديد وكل 50 نقطة هافتح عقد ميكرو آخر تعزيز وهانقل الاستوب لوز للنقطة ال50 اللى قبلها .. طبعا الكلام ده مجرد استفسار .. وتجارب ، بس حبيت آخد رأيكم فيها ، هل التحليل ده (خيالي) شوية والأهداف كبيرة زيادة عن اللزوم ولا انتوا شايفين أيه .. ياريت تفيديونى برأيكم .. علشان أتعلم .. وياريت برضه أعرف هل الفايبوناتشى كدة مرسوم صح ولا كان لازم ارسمه من أول الموجة اللى راسم الترند من بدايتها على الاسبوعي؟ والحقيقة أنا لسه مادرستش حاجة عن المؤشرات فيمكن العملية سايبة شوية .. بس ادينا بنجرب وأعتذر إن كانت مشاركتي مخالفة لقوانين أو حاجة ، أو يمكن مش ده مكانها ، بس أنا دورت في المواضيع عن موضوع للمبتدئين مثلا اللى عايزين يجربوا ويشاركوا تحليلاتهم مع الأعضاء الكبار ومالاقيتش .. أو يمكن أنا مادورتش كويس xD تحياتى : ) اهلا وسهلا بك في اي مكان.. فعليا .. اليورو للهبوط اقرب مبدئيا الى مناطق الدعم الاسبوعي 1.342 طبعا بعد كسره للعديد من الترندات الهامة.. واغلاقاته تحت قيعان هامة.. الفيبو مرسوم بشكل صحيح ان شاء الله... وبشكل عام لا يوجد فايبو وحيد لكل شارت.. ولكنه يرسم من قاع الى قمة موجة صعودية او هبوطية.. على اي فريم..وحضرتك راسمه على اليومي.. وبشكل صحيح.. لكن الترند.. يرسم عادة من قمة الى قمة او من قاع الى قاع.. والقاع هو شمعة.. لها قيمة صغرى (لو) ادنى من شمعة على الاقل يمينها وشمعة على الاقل يسارها.. ويفضل ان يكون شمعتين او اكثر في كل اتجاه...فالارتكاز الاول صحيح للترند..اما الارتكاز الثاني غير صحيح.. ولكن على اية حال.. ما لم تتدخل اخبار مهمة جدا.. فاليورو الى الهبوط ان شاء الله.. واي سؤال آخر نحن بالخدمة..