بطاقة الديبت كارد لبنك بيريوس مصر صالحة لجميع الاستخدامات سحب atm ومشتريات ونت بمجرد استخراجها
وبطاقة الديبت كارد لبنك بلوم مصر ايضا صالحة لجميع الاستخدامات وعلشان نستخدمها على النت بنطلب من البنك يفعلها اون لاين (لازم نأكد على البنك إن يفعلها لاستخدمها على النت لأن في فروع بتقول لازم يمر 6 أشهر على الأقل قبل تفعيلها اون لاين)
بالنسبة لفتح الحساب
- بنك بيريوس مصر أقل مبلغ لفتح الحساب بالجنية المصري هو 500 جنية + مصاريف فتح الحساب واستخراج الفيزا وده بيتم خلال ربع ساعة فقط
- بنك بلوم مصر أقل مبلغ لفتح الحساب هو 1000 جنية مصري + مصاريف فتح الحساب واستخراج الفيزا (استلام الفيزا بعد 4 أيام)
في حاجة مهمة بقى وتفرق بين البنكين دول
- بنك بلوم مصر لما افتح حساب بالجنية المصري فيه أقدر استقبل عليه بأي عملة أخرى لأن البنك لما بيستقبل مبلغ بالدولار مثلا بيفتح حساب فرعي بالدولار اوتوماتيك تحت الحساب الأساسي اللي بالجنية المصري (يعني مش محتاجين نفتح حساب بالدولار لاستقبال حوالات بنكية عليه بالدولار)
- بنك بيريوس مصر حساب المصري منفصل عن اي حسابات أخرى يعني علشان استقبل حوالة بنكية بالدولار على بنك بيريوس لازم يكون ليا حساب بالدولار
ولفتح حساب بالدولار أقل مبلغ 500 دولار
...........................
أرقام تليفونات البنكين
بلوم مصر : 19233
بيريوس مصر : 19322
أي استفسار آخر أنا في الخدمة