الكل مدان
الثوار اللى مبيهدوش ابدا وعلى طول معترضين وبنفس الاسلوب وهو اللجوء للاعتصام..مدانين
شعب الكنب اللى عمال بيشتم ويهاجم كل من وقف مع الثورة ويبوس جزم الحكام مهما كانوا..مدانين
الشعب اللى اساء استخدام الديموقراطيه ليرشح كل من يتمسح فى الدين او كل من يشتريه بالمال فى عام الثورة..مدان
الشرطة اللى فى بلدها يحصل 7 عمليات سطو مسلح فى 5 ايام ومش قادرين يأمنوا مجلس الشعب واستاد..مدانين
وزير الداخلية اللى يمنع اى مواجهة مباشره مع بلطجية ولصوص..لما ابلغ عن بلطجى مدان بالتقارير والمحضر ومعايا عنوانه ..لما الموقع يتسرق ومحدش يتحرك لما العربيات تتسرق ونتعرض لابتزاز رخيص والشرطة تقولنا معلهش احنا مش هندخل مواجهات مباشرة..مدانين ومجرمين وربما يستحقوا هدر دمهم!
الالتراس والجمهور العادى اللى بيشتم الامن بمناسبة وبدون مناسبه ويتفنن فى استفزازهم واستفزاز الخصوم ويصر على اشعال الشماريخ..مدانين
الاعلام الرياضى الفتاى اللى يقول ان الشماريخ مسموح بيها فى كل دول اعالم طالما لم يلق بها بداخل الملعب بعد ساعات من عقوبه على برشلونة بسبب اشعال الشماريخ فى المدرجات..مدان
كل واحد قطع طريق عشان بنته تايهه او مش مراته هربانة مع عشيقها..مدان
حسبنا الله ونعم الوكيل