اخى العزيز ....لما تروح بكره الصبح البنك لو رايح بنك مصر او الاهلى تصور البطاقه تلات صور
بس المهم انه يكون البنك الاهلى او مصر فى منطقه كويسه لكن لو انت من الصعيد او الدلتا رايحين يطلعوا عينك لانه مفيش حد بيعمل تحويلات للخارج ورايح تلاقى موظفين فى منتهى التخلف وتقوله عايز افتح حساب دولارى عشان ارسل تحويلات للخارج ....وللعلم البنك الاهلى فى اوقات بيكون الحد الادنى لفتح حساب 500 دولار وفى اوقات اخرى مش شرط مش عارف ليه ؟؟؟؟؟
وبعد ما تفتح الحساب تقوله عايز كشف حساب بيعطيك فورا بعد سداد الرسوم المستحق عليك فى حدود 15 جنيه مصرى ونصيحه منى لو فتحت فى اى من البنكين دول قوله سبب التحويل شراء اى شى ومتقولش فوركس لانهم بيتحججوا انه ممنوع
اما بقى لو رايح بنك استثمارى بيريوس او العربى الافريقى او بلوم او كريدى اجريكول .فمش رايح تاخد معاك غير البطاقه وتقوله عايز افتح حساب دولارى عشان احول فلوس بره مصر رايح يقولك اتفضل وبعد خمس دقايق تكون مخلص كل شى .....لكن نصيحه تسال ع الرسوم المستحقه ع الحساب سنويا او شهريا لانه بنك باركليز بياخد ع اى حساب تسعه دولار شهري ولو الحساب مفيهوش يبقى بالسالب
وبالنسبه لرسو م التحويل دايما بتكون 20 او 15 دولار سويفت بالاضافه الى 3 او خمسه دولار ع كل الف بحد ادنى خمسه دولار وكمان ياريت تسيب خمسه دولار فى الحساب عشان مش يتقفل
وبالتوفيق ياااارب وتحقق مكسب كويس