اخواتي واساتذتي في منتدي اف اكس ارابيا .. شكرا لوجودكم معايا في الموضوع واسعدتني ردودكم ...شكرا لتواصلكم وبالتوفيق ... و
وانا بكمل بحثي في حكايه اثر الفايده علي المال قابلني مقال عن اثر الفايده علي السوق حسته مكمل للموضوع ويزيد استيعابنا اكتر وحبيت اشاركه مع حضراتكم
......
حكايه الفايده دي ....بالعربي الفصيح لما يبقى فيه تضخم في البلد يعني الناس معاها فلوس كتيره البنك المركزي بيرفع سعر الفايده على الودائع و الشهادات يجري الناس يحطو فلوسهوم في البنك فتقل السيوله لدى الناس وبالتالي يقل التضخم اما لما يبقى في كساد يعني ما فيش بيع ولا شراء ينزل الفايده بتاعت البنوك فيجري الناس يسحبو فلوسهوم و يشغلوها في السوق و ده تاثير الفايده على السوق
اه على فكره دكتور كمال الجنزوري احسن رئيس وزراء عمل لعبه جامده كان محتاج سيوله بالدولار يعمل ايه رفع سعر الفايده للشهادات الي 18% و كان العائد على الدولار كان 2.5% وقتها فجرى الناس و باعو الدولار و اشترو الجنيه علشان معدل اللفايده عليه اكبر من الدولار و من كده قدر يوفر مخزون كبير من العمله الاجنبيه و في وقت صغير