السلام عليكم
هذا الكلام نقلته من احد المنتديات
يميز عملية الهيدج مع التعزيز
ونقلته للفايده كما هو وبدون نقصان اتمنى انه يفيد
==========================
اولا وللامانة هذه الطريقة ليست طريقتى ولكن هى طريقة مستخدمة و معروفة ولكن كل واحد بيعدل ويضيف عليها حسب رغبته و طريقته فى ادارة حسابه
الطريقة ببساطة هى تهديج وتعزيز بالمضاعفات
بالنسبة للمبتدئين وباختصار شديد التهديج هو اننا نفتح صفقتين عكس بعض يعنى بيع وشرا لنفس الزوج
والتعزيز اننا نفتح صفقة تانية فى نفس اتجاه الصفقة المفتوحة يعنى يكون عندنا صفقة شرا نفتح واحدة تانية شرا برده عشان نعززها
المهم نرجع لموضوعنا
انا بشتغلها على اليورو دولار فقط ومجربتهاش على اى زوج تانى
الطريقة كالاتى
هنفتح صفقتين واحدة بيع وواحدة شرا لليورو من نفس النقطة وبتارجت 20 نقطة
طبعا ممكن كل واحد يعمل التارجت الى يناسبه لكن انا جربتها على عشرينات فقط
هتكون العقود المفتوحة عندنا كالتالى
(1)شرا
(1)بيع
دلوقتى الى هيحصل ان واحد من العقدين هيكسب والتانى هيخسر
هنفترض مثلا ان الشرا هو الى هيكسب هيكون الوضع عندنا كالتالى
(1)شرا 20+
(1)بيع 20_
دلوقتى هنقفل العقد الكسبان وهنفتح عقد غيره شرا برده وبنفس اللوت
وعقد البيع الخسران مش هنقفله و هنفتح واحد تانى بيع بضعف اللوت
يعنى هيكون الوضع عندنا كالتالى
(1)شرا 20+ مغلق
(1)بيع 20_
(1)شرا
(2)بيع
دلوقتى فى احتمال من اتنين
اولا ان عقد البيع المضاعف يكسب وساعتها نقفل كل العقود وهيكون صافى المكسب 40 نقطة تعالو نشوف ازاى
(1)شرا 20+
(1)بيع 0+
(1)شرا 20_
(2)بيع 20+ =40 نقطة مكسب ولله الحمد
لكن لو حصل العكس هنعمل ايه
يعنى لو عقد الشرا هو الى كسب تانى
هنقفل عقد الشرا الكسبان ونفتح واحد تانى شرا و برده بنفس اللوت
وعقود البيع الخسراتة مش هنقفلها وهنفتح عقد بيع بضعف اللوت يعنى ب(4)
وهيكون الوضع عندنا كالتالى
(1)شرا 20+ مغلق
(1)شرا 20+ مغلق
(1)بيع 40_
(2)بيع 20_
(1)شرا
(4)بيع
ودلوقتى لو عقد البيع المضاعف هو الى كسب هنقفل كل العقود وهيكون صافى المكسب 80 نقطة تعالو نشوف ازاى
(1)شرا 20+
(1)شرا 20+
(1)بيع 20_
(2)بيع 0+
(1)شرا 20_
(4)بيع 20+ =80 نقطة مكسب ولله الحمد
لكن لو الشرا هى الى كسبت برده يبقه هنفتح واحدة شرا وبنفس اللوت
وعقود البيع الخسرانة مش هنقفلها وهنفتح واحدة بضعف اللوت يعنى ب(8)
وهكذاااااااااااااااااااا
يعنى كل مرة بنقفل العقد الكسبان ونفتح واحد غيره بنفس اللوت
والخسران بنفضل نضاعفه من غير ما نقفل العقود الخسرانة لغاية ما اخر مضاعفة تكسب وساعتها بنقفل كل العقود وبيكون الصافى فى النهاية ربح كويس والحمد لله
يا رب اكون قدرت اشرحهالكم بطريقة بسيطة
خلصنا من الطريقة نيجى باه لاهم حاجة فى الموضوع
طريقة المضاعفات دى على اد ما هى سهلة ومربحة ومش محتاجة لاى تحليل او مؤشرات او متابعة اخبار
لكنها خطيرة جدا ومحتاجة ادارة حازمه جدا لراس المال
لانك مش عارف السوق هيعكس عليك لغاية امتى
يعنى محتاج لمارجن عشان تقدر تضاعف براحتك مهما اتحرك السعر عكس اتجاهك
يعنى من الاخر كده محدش يطمع ويبتديها بلوت كبير
انا بفتح اول عقدين بنص ال1%
ارجوكم جربوها على الحساب التجريبى فترة كافية لغاية ما تظبطو اللوت حسب المارجن
اللهم بلغت اللهم فاشهد