ما تكون شغال بزمة .. خايف على مصلحة الأمة
شغلك يطلع من غير لزمة .. علشان مابيعلاش غير واطى
طاطي راسك طاطي طاطي .. انت فى وطن ديمقراطي
ولما شقاك يصبح مش ليك .. فقرك سد السكة عليك
تتلفت تلقى حواليك .. اما حرامى او متعاطى
طاطي راسك طاطي طاطي .. انت فى وطن ديمقراطي
ولما الجهلة يبقوا امامك .. او فوقك ماسكين فى زمامك
ويسوقك عالهلكة امامك .. تشرب من السم السقراطى
طاطي راسك طاطي طاطي .. انت فى وطن ديمقراطي
ولما الكلمة تكون بتدينك .. ولما تخبى فى قلبك دينك
لما الذل اشوفوا فى عينك .. هات احباطك على احباطى
طاطي راسك طاطي طاطي .. انت فى وطن ديمقراطي
ولما حاميها يكون حراميها .. وبلاده ورا ضهره راميها
طالع نازل واكل فيها .. مسنود بالبدله الظباطى
طاطي راسك طاطي طاطي .. انت فى وطن ديمقراطي
.............................................
غير مسجل عجبتك المشاركه .. متفكرشي .. اغبط لايك