انا شحنت رصيد ب40 دولار فى مره وقلت انى بحقق بالشهر 100 دولار كويسيين
مشيت اول اسبوع ورصيدى حوالى 70 دولار
الاسبوع التانى واصبح رصيدى ماشاء الله 90 دولار
الاسبوع التالت اصبح رصيدى حوالى 115 دولار
جينا للاسبوع الرابع قلت فى نفسى انا كدا كدا بتعذب عشان اكسب من الحساب يعنى افضل احلل واتابع بالساعات علشان السعر يطلع 100 نقطه وفى الاخر مكسب بس 10 دولار
لا كدا مينفعش وقررت انى احلل الصفقه اللى راح ادخلها بكل دقه فنيا وكلاسيكيا واساسيا وحانت اللحظه للدخول العقد بمينى
دخلت بالعقد مينى وهدفى فقط 50 نقطه وللاسف
المره الاولى التى لم التزم باداره راس المال ... يعنى طول الشهر داخل الصفقه ب10 سنت وشغاله تمام
المنحوس منحوس تيجى على اول مره ادخل بدولار ويعكس السعر
وكمان انا زودتها نيله حيث ان الزوج كان قريب من مقاومه قويه شلت الاستوب لووز لان رصيدى بدأ يرجع تانى 80 او 75
قلت لا كل اللى عملته خلال الشهر هيضيع فى ثوانى فقررت اضع البروفيت واقفل الحساب علشان التوتر وبدون وضع استوب لووز
اعتمادا على انه يرد من المقاومه
وفى اخر اليوم رحت افتح الحساب لقيت فيه حوالى 14دولار والصفقه لسه مفتوحه قفلتها انا
وفتحت صفقه اخرى ب40 سنت للشراء بعد ماحللتها كويس جدا برضه وسبحان الله كأن ربنا بيعاقبنى السعر نزل حوالى 36 نقطه لتصحيح الصعود
حيث الحساب اصبح ب 2.5 دولار
وبعدها سبحان الله صعد حوالى 85 نقطه
وهنا ايقنت انه عقاب للانسان الطماع ... حيث ان الرسول عليه الصلاه والسلام قال
قليل دائم خير من كثير متقطع
واللى زعلنى جدا صراحه غير تعبى خلال ال3 اسابيع عشان اوصل الحساب اكتر من 100 دولار
ان انا كنت عامل حوالى فى الشهر 30 صفقه فيهم حوالى 6 صفقات فقط خسروا + 2 صفقتين اللى فقدت بيهم الحساب كامل
وهنا اتعلمت انى عمرى ان شاء الله ماهطمع تانى
والحمد لله على كل شىء