ربنا يعوض ويخلف عليك
طعم الخسارة مر
بعد سنين خسارة والله يا جماعة ما ينفع نتاجر من غير أستوب
والحظ لو جه مره هيعاند مرات كثييييره
ده غير انه هيخلى الطمع فى اب ترند على طول
والقناعة مجرد تصحيحات صغيرة .
الطرق الكويسة كثيير والسر فى إدارة رأس المال
والبعد عن أحلام المليونيات و السعى اننا نجعل من الفوركس دخل شهرى
زى ما تفضل الاستاذ الضبع و قال
ده اللى عنده تكس بياكل منه عيش بينقى المشاوير بعيد عن المطبات
علشان يحافظ عليه ويستمر .
خلي عندك ثقافة صاحب التاكس اللى شغال سواق عليه
وحافظ على حسابك ونقى صفقاتك .
فلما نلاقى نقطة دخول لصفقة كويسة لازم نعمل الاتى
1- نحسب نقاط الخسارة قبل المكسب .
2- نحدد المبلغ اللى ممكن نخسره من الحساب من غير ما يأثر على المتاجرة أو النفسية .
3- فى ضوء 1 ،2 نحدد حجم العقود اللى مش هنتجاوزه مهما لمعت الصفقة
سواء هنفتحة عاجل أو اّجل فى حالة التبريد .
4- نستثنى مما سبق حالات التعزيز المصاحبة لتقريب الاستوب بما لا يتجاوز 1 ، 2 .
5- الربح لازم يكون متناسب مع الوقف علشان نقدر نكمل فى حالات الاخفاق المتكررة
وفى حالة الطمع ودى كثير طارد الربح وأجعل التريلينج أستوب هو مكباحك .
و الله الموفق