واضح ان البونص هو الى موجود فقط فى الحساب الان
وهما طبعا شطبوا على الحساب
أنت غلطت أنك سايستيهم بالأسلوب ده
المسايسة مع دول أنك ماتتكلمش عن حسابك تماما وتقنعهم انك هاتجبلهم 20 حساب فى خلال شهرين وتوريهم الجدية بأى طريقة حتى ولو اضطريت تفتح كام حساب حقيقى بأسماء تانية وتودع فى احداهم
وتقنعهم انى 600 دولار بالنسبة لك مش فلوس أصلا وأنى دى مجرد تجربة فقط للشركة وأنك بتضحى بنفسك علشان تطمن على الناس الى هاتجبهم للشركة وأنى حسابك الرئيسى الى بتاجر عليه ب 15 ألف وتقولهم اسم شركة كبيرة كان وحاليا وصل 65 ألف دولار وبتسحب عادى جدا من الشركة الى بتتعامل معاها
وأنك مستعد تنقل حسابك عندهم وتاخد منهم وكالة لو أطمنت للشركة واخدت عرض كويس منهم وأنك هاتشحن الحساب على مراحل وتعملهم عملية غسيل مخ
وبعدين تقدم طلب سحب وهايتنفذ بمنتهى السلاسة
لو فى أسوأ الظروف كملوا استهبال المفروض ترسل لهم ايميل شديد اللهجة تطالب فيه بالسحب وتهدد بتصعيد الموضوع فى الفوركس بيس أرمى لو لم يستجيبوا فى خلال أسبوع
وتتابع معهم خلال الأسبوع وتسجل جميع المكالمات وتاخد سكرين شوت من كل الشات والايميلات معاهم
وتظبط موضوع يخرب بيتهم بالاثباتات ف 20 منتدى عربى واجنبى وترسى لهم ايميل فيه اللينكات وتقولى لهم امامكم 24 ساعة بحد أقصى لتنفيذ السحب حتى أستطيع مسح المواضيع والا الموضوع هايكون مش فى ايديك بعد ذلك
وتطلب منهم يحضروا ممثل للشركة ويخوش ينضم ويرد على الفضيحة فى الفوركس بيس أرمى
وعلى فكرة الشركات حتى النصابة مش بيطيقوا الشوشرة عليهم وخصوصا لما يكونوا على وشك انهم ياخدوا سكام فى الفوركس بيس أرمى
وياما اتنفذ لنا سحوبات من شركات كنا فقدنا معاهم الأمل بالطرق دى