المشاركة الأصلية كتبت بواسطة rtkwar ممكن المزيد من التوضيح ودخلت شراء على اساس ان فى ترند هابط +ان السعر وصل لخط مقاومة كما بالصورة وبعدين هو انا هفضل طول عمرى ملزق فى الدعوم والمقاومة انا من بقالى شهر كده وانا تعبان مع الموضوع ده ونزلت شرح الدعوم والمقاومة بتاع 2010 و2012 وحاولت حتى اشغل دماغى فى الموضوع بس دايما الموتور بيتحرق والاسلاك تضرب وبيجينى فقدان فى الذاكرة الاسبوع اللى فات بس نسيت اسمى ولقيت نفسى ناسى كل اللى اتعلمته من كتر اللخبطة يعنى مثلا ساعات ادخل على فريم ملاقيش نقط دعم او مقاومة واضحة وساعات الاقى نقط مقاومة بس وساعات ممكن الاقى دعم واحد بس او مقاومة واحدة بس وساعات الاقى نقط السعر بيطلع عندها تانى مع انه مبيبقاش فى قاع واضح ااقدر اقول عليه انه نقطة دعم وساعات بتبقى النقط دى ورا بعض وساعات الاقى 3 خطوط دعم فوق بعض او 3 خطوط مقاومة تحت بعض مبقاش عارف هعتمد على مين فيهم فى تحديد الستوب او التيك بروفت وساعات مبقاش عارف هل اعتمد على الدعوم والمقاومات على فريم الاربع ساعات ولا ياترى ممكن تتكسر وتطلع او تنزل للدعوم والمقاومات اللى على فريم الدايلى وساعات كتير اوى بس اللى انا ذكرته ده اهم الساعات وساعات مبقاش عارف انا مين وساعات السنونو تخبطوا عربية فى ميدان التحرير وساعات ساعات احب عمرى واعشق الحاجات اه يانى بالصبر يا صديقى كل شىء يكون سهل ان شاء الله .. الجميع مر بتلك المرحلة .. اولا الترند والدعم والمقاومة مش كفاية كدة انت لسة لم تتقن الكلاسيك تحتاج الى الفايبو والموفنج ونماذج الشموع مثلا لدعم نقاط دخولك وتفلتر اتجاهك . ثانيا انت مش منظم نفسك بمعنى .. مفروض تبقى عارف انت هتشتغل ازاى فى شباب بيحب الترند المكسور مثلا .. يبقى كل الفرص اللى بيدخلها الترند يكون فيها مكسور .. وفى شباب بيحب يتاجر مع الترند او مع الاتجاة بشكل عام .. والاتنين كلاسيكى وصح جدا الفارق اختيار الفرص الصحيحة .. وعلشان تقدر تفرق ازاى السعر هيحترم المقاومة او الترند .. دة محتاج خبرة ومتابعة وتعلم اكثر واكثر ودائما الفريم الاكبر هو اللى لية الكلمة الاولى والاخيرة .. ونصيحة مرة اخرى شاهد الويبنار الخاص بالدكتور اسامة .. وشارك فى الورش المختلفة فى المنتدى .. واعرض الفرص وتابع مع باقى الشباب .. هتجد من يصحح لك ... ومن يدعمك فى تحليلك .. وصدقنى دى البداية الطبيعية ... وان شاء الله ربنا يوفقك