السلام عليكم
It is important that Eligible Clients are aware that their risks are not limited to the deposit and that by making a qualifying trade it is possible to lose more than the deposit
كل مرة كنت بقره الجملة دي ومكنتش ببقه فاهمها وبطنش.
معظم الشركات هتلاقي فيها الشرط ده في الشروط والأحكام الي محدش بيقراها وبنوافق عليها لما بنيجي نفتح حساب ( طبعا في ناس كتير مبتبصش للشروط دي ولا كأنها موجوده وبتفكر انها بتسطب برنامج مديا بلير كلاسيك)
الكلام ده بيقول باختصار انك ممكن تخسر أكتر من الايداع.
ازاي؟
يعني انا ممكن اعمل ايداع 1000 دولار واخسر 1200 مثلا؟
ايوه ، بالظبط كده.
ازاي؟
دي بعض السيناريوهات:
لو فيه خبر قوي او لو فيه زلزال في اليابان او لو بنك اليابان اشترى الين مثلا والسعر صعد 1000 نقطة في ساعة، وحضرتك فاتح لوت ستاندرد وعامل ستوب لوس 50 نقطة، في الحالة دي ممكن البروكر ميلحقش يقفل الصفقة الا بعد 100 نقطة وتلاقي الصفقة خسرت 1000 دولار بدل 500 ( وحضرتك متقدرش تقولهم تلت التلاته كام)
سيناريو تاني
لو حضرتك سايب الصفقة مفتوحة للاسبوع الجاي وحسابك كان يتحمل 50 نقطة انعكاس والسوق فتح على جابة عكسك 100 نقطة ، هتلاقي ان رصيدك بالسالب ! .gif)
واذ تفاجئ ان الشركة بتكلمك يا استاذ يا محترم انته عليك لينا 500 دولار ، تسمح تعمل ايداع 500 دولار في حسابك عشان تغطي الخسائر؟ .gif)
أكيد انته ساعتها هتعمل من بنها ، وانا مش كفاية خسرت الحساب عايزيني كمان اديكو فلوس !
لكن طبعا الفلوس دي من حق الشركة لأنك ماضي على عقد بيقول الكلام ده قبل ما تفتح حساب.
هل لدي أحد تجارب سابقه مماثلة؟
وماذا ستفعل الشركة لو امتنعت عن الدفع؟