اخى الكريم واضح من كلامك انك شايف الفوركس يلعب لعبه المؤامره لك للأسف معظم الناس فاكرين أن اى حد ينفع يتاجر فى الفوركس .. وللأسف هذا ليس صحيح الفوركس هو سوق وتجاره مثله مثل اى تجارة .. فيها الربح والخساره .. والتاجر الذكى هو من يستطيع ان يجعل ربحه اكثر من خسارته يعنى انا مثلا لو جيت وفتحت اى محل و ليكن مثلاً محل ملابس .. وبعد سنه لقيت المحل بيخسر و انا بفلس .. هل هذا معناه أن محلات الملابس هى وهم وانها مجرد حظ وأن كبار التجار يتأمرون عليا عشان يخسرونى ! .. بالطبع لا فسبب الخساره ناتج عن سببين لا ثالث لهما .. اما اكون انا مش عارف أدير المحل بتاعى بشكل منضبط أو انا اصلا مليش خبره في هذا المجال عارف حضرتك بتفكرنى بآيه ؟! بتفكرنى بالمحلات فى مصر .. تلاقى واحد فتح محل ناجح وبيكسب منه والدنيا ماشيه معاه ذى الفل .. فتلاقى الشارع بتاعه كله اصبح محلات من نفس نوع تجارته يعنى بص مثلا فى الشوارع هتلاقى حوال اربع خمس محلات محمول فى نفس الشارع او اربع خمس مطاعم فى شارع واحد .. وبالتأكيد محدش هيعرف ينجح فيهم غير صاحب الخبره والمدير الجيد اتمنى انى اكون لا ازعجت بكلامى .. وتأكد تماماً ان خسارتك فهذا السوق هى لسببين لاثالث لهما اما تكون انك مش عارف تدير رأس مالك بشكل منضبط أو انك ليس لديك خبره في هذا المجال اتمنى لك التوفيق واختم حديثى معك بالآيه الكريمه ﴿ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ ﴾ [الزمر:9]