بص يا باشا انا هقولك شوية حاجات يمكن تستفيد منها
اولا انا ليا حساب دولارى فى ال cib من 5 سنين من اول ما بدأت فوركس كنت بستخدمه فى الارسال و الاستقبال و كان ممكن اتفح حساب مصرى و اول ما الحوالة تجيلى عليه البنك بيحولهالى بالمصرى و يدخلها حسابى
ثانيا انت لو هتودع مبلغ صغير ممكن تستخرج فيزا كارت و تحولهم عن طريقة مش هتاخد اكتر من دقايق و على حسب شركتك برضو
ثالثا و دا الى انا بعمله حاليا للتعنت الشديد فى الارسال من مصر و تأخر الحوالاات ,, روحت البنك العربى الافريقى و طلعت كارت اسمه 4u انترنت , الكارت دا بتستخدمه عن طريق الانترنت فقط بمعنى ايه ,, انت بتشحنه فلوس عن طريق الايداع ف البنك عادى لكن مبتقدرش تستخدم الفلوس دى الا من خلال الانترنت فقط يعنى تشترى حاجة , انا بقى بستخدمه فى شحن حسابى لان الحد الاعلى للكارت يقدر يشيل لحد 15 الف جنيه و كمان ممكن تطلع اكتر من كارت و الكارت بيطبعلك وانت قاعد ف البنك ف ربع ساعة يعنى مش هتستنى يوصلك على البيت بعد اسبوعين مثلا زى باقى البنوك
و لما احب اسحب من حسابى ف الشركة بسحب على حسابى البنكى
لكن خد بالك و اسأل الاول اذا كانت شركتك بتقبل الايداع عن طريق الفيزا انترنت ولا لأ ,, انا شركتى wwm و بتقبل و الايداع بينزل ف ثوانى معدودة
اى استفسار انا حاضر