اهلا بك اخى شادى . عامل ايه وايه اخبارك . اسال براحتك ياغالى والسموحه على التقصير منى والتاخر فى الرد
بالنسه لسؤال . انى بدخل باستوب كام وبروفت كام . من اسبوع ونص عدى كنت بدخل كل نصف ساعه من الساعه عشره صباح الى الساعه 7.5 مساء وكان الاستوب 10 والهدف عشرين . على نمط الطريقه الاولى . كنت بدخل الساعه 12 الظهر و2 العصر و4 العصر و7 العصر على نمط الاستراتيجيه التانيه الاستوب 15 والبروفت 15 . وانا شرحت طريقتين الدخول بالتفصيل فى ا لموضوع . بدخل باليل صفقه واحده الساعه 12 بهدف 40 واستوب 20 على نمط طريقه قديمه جدا كنت شرحتها من فتره كبيره اعتقد هنا او فى منتدى اخر وماذلت اعمل بها حتى الان تقريبا سنه وشويه وكنت بدخل هيدج ان شاء الله اشرحها هنا فى الموضوع فى اقرب وقت . اما منذ اسبوع ونص فالوضع اتغير . لانى بشطب فى شقتى ومشغول وطبعا استعداا للشهر الكريم مش هينفع اشتغل فيه بالشكل دا علشان الصيام والتروايح والفطار . ان شاء الله بعد رمضان نرجع للروتين تانى وكل صفقاتى على اليورو دولار . يعنى بعمله حصار فوق ما تتخيل يطلع ينزل يقعد مكانه وراه وراه زى ما بيقولو
اللى عايز اقوله ليك انتى اختار طريقه واحده بس واشتغل عليها ديمو واتقنها وبعدين فكر فى الطريقه التانيه . انا بشتغل ب3 انماط واحياننا اربعه . بلاش تتوه نفسك وتشغل نفسك بكثره الطرق . فى مثل بيقول ""كل الطرق تودى الى روما "" وهنا فى طريقه التداول اللى انا شارحها . كل الطرق تودى الى ربح . يعنى مش تقيد نفسك بساعات الدخول اللى انا بشتغل عليها . انا اصلا مختارها بناء على وقتى وبغيرها كل كام شهر عادى . انتى اختار الاوقات اللى تناسبك . واى طريقه هتكسب بيها . لما تتقن طريقه وتفهمها وانتى شغال طبق الطريقه التانيه وبعدين التلاته والرابعه . ومع الوقت والخبره انتى بتستفاد خبره وثقه والحساب بيكبر بمعدلات اسرع من السابق المهم تبتدى وتلتزم مش تفضل تايه بين الطرق
. من اكبر الاخطاء انك تضيع وقتك وانتى مقنع نفسك انك بتدور على الافضل . الاصح انك تبتدى فى حاجه وانتى شغال وملتزم واثناء ذلك تدور على الافضل .
وبالتوفيق واسال زى ما انتى عايز وان شاء الله اقدر اجاوبك قدر استطاعتى . بس بطلب منك طلب صغير انك تسامحنى لما اتاخر