العمل فى الفوركس سهل للغاية
كام مرة سعادتك تشترى زوج عملة لانك حللت وقلت انه صاعد
ثم وجدته يهبط فى هذا اليوم عما اشتريت حوالى 100 نقطة مثلا
لقيت نفسك أصابك الخوف وقمت ببيعه ...وخسرت 100 نقطة
تانى يوم نفس زوج العملة يصعد 150 نقطة ...يعنى لو كنت تركته
كنت كسبت 50 نقطة ...ايه التهريج ده ...البنوك المركزية مش عاوزانى أكسب
وتقعد تفكر ...وتعمل نفس الغلطة تانى فى 20 زوج عملة
ايه الحكاية .....شوف ياصديقى العزيز أى زوج عملة بيتحرك فى نطاق قناة واسعة
وداخل تلك القناة الواسعة قنوات ضيقة ....سعادتك بتعرف كويس حدود تلك القنوات
هانقول مثل الأرقام فيه مش صحيحة ..الأسترالى / دولار
هانقول مثلا انه بيتحرك من 8800 ل 9400 ...تمام
يبقى زوج العملة ديه بيتحرك فى 600 نقطة ...طيب إتجاهه فين
تقعد تحلل تلاقيه هابط ...حلو جدا
طيب هو بكام ب9000 مثلا ...طيب انا هابيع صفقة
ولو طلع ل 9100 هابيع تانى وهكذا لغاية 9400
يعنى 5 صفقات من 9000 الى 9400 ..قيمتهم نص دولار
طيب متوسطى هايكون كام هانقول مثلا 9200
يعنى لو زوج العملة إخترق ال 9400 هاخسر حوالى 200 نقطة
اى حوالى 100 دولار
ووقتها هاشترى وماتخافش مش هايهبط فى التحليل الرقمى طالما اخترق قناة بيصعد
طيب لو الزوج ده ربنا كرمه واتبهدل وكسر ال 8800 واصبح ب 8500
يبقى انا كسبت 700 نقطة يعنى 350 دولار
وهكذا انا شغال فى اكثر من زوج عملة ..وحافظ قنواتهم وبعمل المتوسطات وببيع بمكسب
مش شرط انى اغلق الصفقات فى نفس اليوم ...انا هاقفل الجهاز
وعارف نطاق تحرك زوج العملة كام ...وعامل أمر معلق ب 9430 مثلا شراء
علشان لو طلع جامد وانا نايم ...مفيش أى مشكلة
طيب ايه اللى بيخليك تقفل الصفقة خسران ...لأنك ياصديقى دخلت بمخاطرة عالية
داخل بقيمة النقطة دولار وانت حسابك ب 100 دولار !!!! ليه آينشتاين سعادتك
طبعا هاتعكس عليك فى الغالب وهاتخسر ..لكن لو سعادتك داخل ب 10 سنت
مفيش اى مشكلة ...لذا إدارة رأس المال الصارمة ومعرفة القنوات السعرية لزوج العملة
وعدم الخوف او الطمع هما أساس الفوركس الذى تبتغيه !!!