اهلا بيك مرة اخرى, حنقعد نلف فى نفس الدايرة و دوخينى يا لمونة! انت بتقول مفيش ريكوت و انت مشغل ماكسيمم ديفيشن و انا بقولك فى ريكوت من غيره و الاوبشن مينفعش يكون اجبارى من الشركة ده اوبشن للعميل المتاجر مش اوبشن للشركة يعنى العميل يستعمله وقت ما يريد مش الشركة اللى تجبر على استعماله دائما, خلاص انت قلت اللى عندك و انا قلت اللى عندى و الاجابة الصحيحة عقول المتاجرين الواعين لاننا كده حنقعد سنتين نهاتى فى نفس الكلام و بلا فائدة فى النهاية. دلوقتى الراجل طلب انه يشتكى و انت رديت عليه بالهيئات الرقابية قمت داخل على موقع الشركة و شفت الهيئات الرقابية المسجلة معها بوسطن عشان يشتكى لقيت التالى: 1- فينرا Finra للاسف المنظمة مسؤلة عن العملاء داخل امريكا فقط حسب ما هو مكتوب فى موقعهم و بالدليل فى الصورة و للاسف الشركة مش بتقدم الخدمات فى امريكا ولا كندا حسب ما هو موضح فى موقع الشركة,يعنى للاسف مينفعش يشتكى عندهم لان مفيش كيان يعمل فى امريكا. 2- بنك بلغاريا رحت بنك بلغاريا قلت يمكن الاقى عنده الحل لقيته موقع البنك المركزى البلغارى و قعدت ادور على اى شكاوى فى الموقع ملقتش و انا عارف ان اى شركة صرافة حتى لازم تسجل مع المركزى فى اى بلد و للاسف الحسابات تبع سويسرا او روسيا على حد قول الشركة. 3- FFMS قلت اروح روسيا يمكن الاقى الحل عندهم لقيت الموقع كله روسى و انا مليش فى الروسى للاسف و معرفش اذا كان حيطلع زى اخواته و لا ايه؟ 4- PolyReg هيئة رقابية ذاتية فى سويسرا لتنظيم مكافحة غسيل الاموال و مفيهاش اى حتة عن شكاوى و اساسا لو فى مش موضوعنا لانه متعلقة بغسيل الاموال حسب موقع الشركة كمان بالدليل. اذا الاخ عنده حل من اتنين. 1- انه يغير جنسيته الى الامريكية و يحاول يشتكى الشركة و لكن للاسف الشركة لا تقدم الخدمات فى امريكا او كندا يعنى مفيش حاجة يقدر يشتكى بيها 2- انه يتعلم روسى عشان يقرا الموقع و هو و حظه لو لقى حاجة مفيدة مش زى الباقيين و لو ملقاش اهو الراجل اتعلم لغة جديدة برضه تنفعه لو حيسافر اذن ياريت تقولنا نشتكى فين بعد ربنا لان مفيش مكان للشكوى كده, اتمنى ان لا يطولنى التجريح مرة اخرى فانا من عادتى لا ارد على التجريحات و لا اهتم بها و التى تستمر فى قولها باستمرار و لكن نحن لم نجرح فى شخصك كى تجرح فى شخصياتنا و اسلوب عملنا., الله هادى كريم,