المشاركة الأصلية كتبت بواسطة Alexander انا شفته وانشاء الله ليا مرة تانية اشوفه بتركيز اكتر بس اوز اسال لي حاجه انت بتقول ان خط الكيجن هو اعلي قمة واقل قاع لمدة 26 يوم مقسوم علي 2 يعني المفروض الكيجن بيطلع طول ما في قمم جديدة بتتعمل عشان يدي قيم اعلي عشان نتيجة القسمة يكون رقم اعلي من الي قبله طيب على شارت اليورو دولار الي انت شارح عليه في يوم 22 من الساعه 7 للساعه 22 تقريبا السعر طلع عمل قمة وبدا ينزل ومن ذلك لما قرب من الكيجن وانت قلت انه قوي اوى ووعمل عنده همر وارتد بعدها علطول الكيجن طلع لفوق مع ان السعر من 22 شمعه معملش قمة اعلي ممكن تقولي ليه احيانا بيمشي عكس السعر مع انه المفروض حسابيا زي ما انت قلت انه بيمشي مع القمم والقيعان علي حسب ما فهمت وياريت متدايقش من كتر الاسئلة لاني مش ناوى ارحمك سؤال جميل جدا وانا مبزهقش ولو قعدنا نتناقش لاية اخر عمرنا اولا نعرف الخط علشان الموضوع يوضح اكتر الكيجن سن هو بيتحرك مع اخر 26 شمعة اى فريم ازاى واحده واحده بقا علشان نفهمها امسك اخر 26 شمعة وشوف اعلى قمة ليها واقل قاع واقسمهم على 2 يعنى فى منتصفهم بالظبط وكل متزيد شمعة يعد تانى اخر 26 وهكذى تمام ؟ لو عاوز نشوفها لايف اوكى معنديش مانع