السلام عليكم و رحمة الله و بركاته
لي عتاب للادارة و الرجو تقبله بصدر رحب
من كام يوم و انا اتصفح المنتدي وجدت موضوع يتكلم عن الاحوال بمصر
توقعت ان الادارة ستغلقه فورا لان هذا منتدي فوركس و ليس ساحة للنقاشات السياسية التي غالبا ما تنتهي نهايات غير سعيدة
و لكن فوجئت ان الموضوع لا يزال موجود لليوم الثاني و ايضا هناك موضوع يتكلم عن انتخابات الجزائر و وصل ل3 صفحات
قلت يبقي الادارة سايبة المواضيع من باب احترام رغبة الاعضاء و اكيد لو حصل تجاوز هتتصرف
المهم دخلت الموضوع اللي بيتكلم عن مصر و وضعت رأيي
و رأيي هذا كان كلام عام و ليس تعليق علي اي مشاركة سابقة في الموضوع
تاني يوم فوجئت انه فيه شخص دخل بعدي و علق علي كلامي و بطريقة معجبتنيش لانها تحوي اتهامات خطيرة ليا
و الردود بتاعته فضلت موجودة حوالي 24 ساعة و الموضوع موجود و شغال كمان
المهم انا امبارح دخلت لقيته كاتب الكلام ده قمت كاتب مشاركة ارد فيها علي كلامه و قلت في اولها ان دي اخر مشاركة ليا في الموضوع عشان شكل الخلاف هيوسع
المهم كتبت المشاركة
و فوجئت ان بعدها بخمس دقايق كان الموضوع اتمسح
طبعا انا متفهم ان الادارة عملت كدة عشان ما يتقلبش الموضوع ساحة حرب
كلام جميل و اقدره
و لكن هناك مشكلة
اولا من باب اللياقة كان من المفروض ان ترسل لي الادارة رسالة تقول فيها (((( عذرا اخي الكريم تم اغلاق الموضوع حتي لاتحدث خلافات ))) كما تفعل باقي المنتديات في مثل هذه المواقف
بس مش هو ده اللي مزعلني
اللي مزعلني ان الادارة ما مسحتش الموضوع بعد مشاركة الاخ اللي كان فيها تطاول عليا و فضل الموضوع موجود اما بعد مشاركتي الموضوع اتمسح فورا
هتقولولي ما هو الادارة عملت كدة عشان المشاكل ما تزيدش
صح ,,,,, انا مش مختلف معاكم في كدة و لكن المفروض كان يتم الاتي عشان المشاكل ما تزيدش و في نفس الوقت نحفظ الحقوق :
اولا : الموضوع يغلق بحيث ماحدش يكتب حاجة تاني
ثانيا : الموضوع يفضل في الصفحة الاولي لمدة 24 ساعة مثلا بحيث الرد اللي انا كتبته علي الاتهامات الموجة لي الناس تشوفه زي ما شافت الرد بتاع الاخ و بعد كدة الموضوع يتمسح خالص
اعتقد هو ده الصح
لكن اعتقد ما ينفعش واحد يقول رأي و نسيبه و واحد تاني يرد عليه و يتهمه و نسيبه و لما يرد الشخص الاول علي الاتهامات نقوم نمسح الموضوع علي طول
ولا ايه ؟؟؟؟
و السلام عليكم و رحمة الله و بركاته