السلام عليكم ورحمة الله وبركاتة
بما ان المنتدى تحت قيادة استاذى دكتور اسامة حبيت اعمل الموضوع ده لانى مطمئن جدا انه لن يحذف
وهيكون فى مساحة كبيرة لتبادل الاراء وهو مجرد نقاش على التغيرات التى حدثت لاف اكس دي دى
الناس اللى بتحب تجامل اهلا بيها برده
قبل اى حاجة انا مش وكيل لشركة اخرى مجرد متداول عادى جدا
انا كنت من اوائل الناس اللى فتحت حساب مع اف اكس ديدى (من اكثر من 5 سنوات)
وبدأت معهم بحساب بونص ثم حسابات ايداع
ولى مشاركات فى منتديات اخرى (مازالت موجوده) تشهد لى على عرض مميزات اف اكس دى دى
وكنت ادافع عنها (عن تجربة) كانت الشركة فى منتهى الروعة سرعة تنفيذ فى جميع الاوقات وغيره
اليوم كنت اشاهد احد الفيديوهات لمدير تنفيذى لشركة كبيرة (دون ذكر اسمها)
وكان السؤال لماذا سقطت اف اكس سول وكانت الاجابة واضحة (تغيرت سياستها ففقدت عملائها)
وهذا هو حال اف اكس دي دى (العملاء القدامى سيعلمون ماذا اقصد)
دكتور اسامة نفسه كعميل يعلم الفرق الشاسع بين اف اكس دى دى زمااان واف اكس دى دى اليوم
فمن تداول معهم امس يعلم الفرق الكبير الذى حدث اليوم داخل الشركة
وعلى فكرة ده مش رأيى انا بس يوجد مشاركات كتير من اعضاء كبيرة تشهد بذلك فى جميع المنتديات
حتى ان عضو مشهور ذكرها صراحة اف اكس ديدى من السماء الى الحضيض
ده غير رأى استاذ نجف فيها (احد ممثلى الشركة زماااان) هناك الكثير حدث
- كخروجها من السوق الامريكى (NFA ) الاسطورة التى كان يتحدث عنها وكلاء الشركة
ويتفاحرون ان الشركة تحت رقابة هذه المؤسسة وبعغد ان تركتها طبعا كله دخل برر
السوق الامريكى وحش السوق الامريكى مش عارف ايه والخروج افضل
- ثم ياتى عدم صلاحية الشركة وقت الاخبار تهنيج توقف للاسعار (طبعا ده ماكنش موجود زمان خالص)
(حتى انى قرأت مشرف يقولها صراحة) اذا كنت تتداول وقت الاخبار لا انصح بهذه الشركة
- ده غير ان عملاء كتير جدا سابوها (وممكن تقرأ اراء العملاء هنا وهناك )
- ده غير خبر ان فى موظف كبير جدا كان شغال معاهم من زمان سابها
عموما ده مسأل مالناش فيها نركز على الواضح امامنا
اتحدى (اتحدى) ان يظهر عميل قديم ويقول لى ان الشركة على نفس مستواها من 4 سنوات)
التحدى ده للجميع
واخيرا اف اكس دى دى اصبحت لا تشبة اف اكس دى دى بتاعت زمان (للمرة الثانية) العملاء القادمى هيفهمونى
ارجو عدم حذف الموضوع لانه بعد كام سنة هرفعة تانى بعد ان تلقى مصيرها (اف اكس سول ماوقعتش فى يومين)
ولكن علمات الوقوع ظهرت عليها كما ظهرت على اف اكس دى دى
واخيرا احب ان اذكر افضل ميزه فى اف اكس دى دى
هى ان منتدى ارابيا وكيل لها
واتمنى ان يعلم دكتور اسامة قدره عندى
واشهد الله انى احبه وهذه ليست مجاملة واشهد الجميع انه من انزه من تعاملت معهم
ولكن رأيى فى الشركة واضح وحبيت اذكره لانه واقه ملموس
وشكرا لكم