يا باشا أنا إتكلمت باللي شايفه بس أنت واصل إجتهادك و هاتلاقي نتيجة طيبة
بس تهتم باللي قولتلك عليه و مع التدريب و توجيهات ماريو هاتبقى حاجة كويسة أوي
و ما شاء الله ماريو قايم بالواجب و ذيادة معاك .
حلوة أنك تاخد الموضوع بالتدريج بس لما تخلص خالص إهتم بربط الفريمات مع بعض
أسبوعي و يومي و أربع ساعات و ياسلام بقى لو حللت حليهم و خليت نقطة دخولك
من شارت الساعة بكدة هاتبقى قدامك فرصة كبيرة إنكك تاخد أكبر قدر ممكن من الأرباح .
بالنسبة للشموع دي تهتم بيها جدا جدا جدا لأنها تعتبر من أهم و أقوى التحليلات
في السوق و هاتعرفك الإتجاه هايبدأ يروح فين و مين اللي بدأ يسيطر على الحركة من جديد
و أفضل كتاب ممكن تلاقيه بيشرح كل شيء عن الشموع هو كتاب للعبقري ستيف نيسون
إسمه " براعة الشموع اليابانية في تحليل الخرائط البيانية_ستيف نيسون "
دة تحمله و تقراه على رواقة و بمذاج عالي و تشوف و تستمتع باللي هاتكتشفه في الشارت .
أخر حاجة خالي بالك من الأخبار لأنها ممكن تقلب الدنيا تماماً .
و في الأخر أدينا كلنا بنتعلم في الفوركس و هانفضل نتعلم فيه .
لو أحتجت أي حاجة مني أنا في الخدمة أبقى راسلني على الخاص
بس أعتقد ماريو قايم بالواجب و ذيادة , ربنا يباركله 
تسلم يا كبير على كلامك الجميل
طول عمرك أخلاقك عالية يا مريو