المبلغ مبنى على الأستراتيجيه الى انت شغال بيها ...
طبعا فى البدايه لازم نتفق انك محتاج استراتيجيه "هاديه" تعمل منها زياده 5% الى 10% بالكتير من راس مالك تقريبا كل شهر ( وممكن اقل )
موضوع التدبيل والكلام ده مغامرات غير مسموح بيها طالما عاوز تعمل الفوركس دخل اساسى
لأن مقابل التدبيل فى صفقه فيه مرجنة الحساب تماما فى صفقه وده مش هينفع
لكن فى مقابل 10% مكسب انت ممكن تستحمل خساره 10% من راس المال لو لاقدر الله السوق كان وحش معاك وتكمل مشوارك تانى وتكسب تانى بعد كده
معنى الكلام ده اننا بنتكلم فى رقم ما بين 50 دولار الى 100 دولار شهريا ( على اعتبار ان راس المال 1000 دولار )
طبعا الأحتياج الشهرى ده بيفرق من واحد لواحد بس يعنى كمثال لو افترضنا انك محتاج 500 دولار علشان تعيش بشكل كويس يبقى انت محتاج من 5000 الى 10000 دولار علشان تمشى بنفس الأستراتيجيه وتقدر تطلع المبلغ ده شهريا بدون مخاطره باكتر من 10% من الحساب
اتمنى تكون الفكره وصلت و ربنا يوفقك