شوف يا اخ عمر انا لم افتح الموضوع ده للجدل العقيم
فى نقطتين مهمين جداً قبل ما أرد على كلامك
النقطة الاولى هى انى عندى خبرة سنين بشركات التداول و انى تداولت مع اكسنس قبل ان تكون انت مندوب لها او انك كان عندك معلومات كافية عنها
النقطة التانية ردودك فى موضوعى امام الاعضاء كلهم ينم عند عدم احترافيتك فى اقتناص الحجج حتى تبيض وجه الشركة امام هذه الكارثة
--------------------------------------------------
أولاً احب اوضح نقطة خطيرة انت ذكرتها عن اكسنس بإسلوب خاطئ ليس فيه مصداقية ربما عمداً او ان حضرتك لست على دراية بأساسيات التداول
بخصوص الـ 217 مليار دولار التى تتحدث عنها و كأن دى فلوس عملاء بالقيمة دى...و لكن لا...
قيمة ال217 مليار دولار دى قيمة الفوليوم....يعنى بمعنى اوضح قيمة التداول حسب الرافعة المالية 1:2000
يعنى بمعنى اوضح و اوضح هو ان لو واحد مثلا معاه 1000 دولار يقدر من خلالها يفتح عقد بقيمة 2 مليون دولار لذلك ال217 مليار دى لو قسمناها على الرافعة هتلاقى فرق رهييييييييب بينها و بين احجام الايداعات الحقيقية
-------------------------------------------------
طيب بالنسبة بقى لموضوعى اللى انت رديت عليه بعدم احترافية
اولا انا لم اتحدث عن ان الشركة سرقتنى فى 3 دولار انا لست ساذج الى هذه الدرجة
*انا اتحدث عن ان الشركة بتسرق فى جميع الصفقات اللى تتم
و انا لاحظت اكثر من مرة انى عندما اغلق صفقاتى على ربح معين او خسارة معينة لحظة اغلاق الصفقات دائماً الرصيد بيقل حسب حجم العقود اللى انا فاتحها يعنى فى كل عملية بيتم سرقة عدد من الدولارات و ما بالك بعدد ما من العملاء هيجمع كم كبير من الدولارات
*بالنسبة لقولك بأن الشركة بتاخد عمولة 25 دولار على كومشن على العملية بمليون دولار و بالتالى اجمالى العمولة مثلا على زوج مثل الدولار امام الين اليابانى بيكون 5 دولار على العقد القياسى
الخمسة دولار بتكون مكتوبة فى خانة الكوميشن فى تفاصيل الصفقة غير فرق السبريد بتكون دى المفروض عمولة الشركة
انما لحظة اغلاق الصفقة بيتم الاغلاق على اسعار عكس اللى تم الاغلاق عليها
و هنا انا قمت بعمل تجربة و فعلاً تأكدت عندما قمت بإغلاق الصفقة على سعر 0.6987 لقيت الصفقة اغلقت على سعر 0.6985
الصفقة دى يا استاذ اغلقتها الساعة 20:43:8 و لو نظرت على شمعة الدقيقة دى عندك فى المنصة هتلاقى انها ماجبتش لو (Low) اقل من 0.6987
طيب على اى اساس تم اغلاق صفقتى تحتها بنقطتين؟؟؟؟!!!!!!!!
ثم مين اللى قالك انى قلت انى حاطت ستوب..؟؟!! انا اغلقت الصفقة بنفسى ده اولاً
ثانياً حسابى ماتمرجنش زى مانت بتحاول تدعى و تدور على اى حجة تبرأ بيها ذمة شركتك
ثالثاً بدون ما تجادلنى اصلا الصفقة فى الصورة امامك و رقم الاوردر 1137476
روح راجع شركتك برقم الصفقة و انصحهم يشوفو اسلوب اخر غير الاسلوب ده
و فى النهاية انا لم اقل للناس ان كلامى يطبقوه بشكل اعمى...
انا قلت كل واحد يجرب فلربما شركة اكسنس قصدتنى انا فقط بهذا الاسلوب
--------------------------
و اخيراً كلمة للمتداولين ... ليست اكسنس فقط التى تسوء خدماتها يوما بعد يوم
فبعد كارثة الفرنك السويسرى بدئت تتساقط الشركات واحدة تلو اخرى
منهم من اعلن افلاسه و منهم من تكتم على الخبر و بدأ يغير فى انظمة و قوانين التداول
و منهم من تم انقاذه
فلقد رأيتم آيرون التى سطع نجمها و البارى و شركات اخرى
بالنسبة لشركة اكسنس و شركة اكس ام
هؤلاء الشركتين بدئوا بقوة و بعروض قوية و كانت اكسنس قدمت طفرة السبريد الضيق خاصة فى عام 2012 و 2013
و لكن الآن الاوضاع تغيرت
ربما نشهد فى المستقبل سقوط المزيد من الشركات فكونو حذرين دائماً
اللهم بلغت اللهم فإشهد