بتعرف استاذ ياسر,,
والله بحكيلك تجربتي الشخصية ؛؛؛
انا بسمع لشخص كريم متل حضرتك يعني بحاول افهمه اكتر ما اطلع على كلام المشايخ (مع احترامي للجميع) لانك حاطط خوف الله بقلبك بس ما ضليت من مكانك عم تفتي للناس يعني انتا دخلت لقلب السوق وعم تحاكينا من جوا السوق ,, هاد الشي اللي خلاني اكمل قرايتي بالوقت يلي ماشفت ولا حاولت اقرأ فتوى محللة أو محرمة لهي الشغلة لأني بعرف اكيد رح يكون سيادة المفتي من مكانه عم يحكي أو حتى متل ماسمع من الاخوة ,,
بالنهاية كلامك يكتب بالدهب ويرصع بالالماس
انا دخلت للسوق قبلك بسنة تمام هههه يا محاسن الصدف
ولكن عندي وجهة نظر بكلامك (مابعد جملة :كلمتي الى اخوتي المتداولين. النقطة 3) ,, انا بتمنى من الجميع انو مايحط باعتباره انه ممكن يربح فرنك (سوري وليس سويسري)من السوق ,, ويركز على انه لازم يتعلم السوق من باب الفضول وطلب العلم وزيادة مهارات لا أكثر بعدين يدخل فيه على أساس شغل ومربح ,, ووقتها انا بضمن ربحي يكون مليار بالمية مش بس 100%
ولو في أحد عمل متل ماقلت رح يكسب السوق نفسياً واكيد مارح يتشوش بفعل الخسارة ولا رح يحمل حقد على السوق ,,
موفقين الجميع يارب ومشاركتك اخي انا حبيتها لانها بتحكي عن الصبر والتفهم والعقلانية والعقل الكبير ومعرفة مسبقة عن أن التعب هو المفتاح الوحيد للراحة بالفترة اللي عدت عليك السابقة من اغسطس إلى الآن ,,
بحييك