كبير يا جرينى ..!!
شوف يابرنس ... الدايفرجنس معناه بسرعة بسرعة أن المؤشر عمل قمم هابطة والشارت عمل قمم صاعدة ودة كان دايفرجنس ايجابى يعنى خللى بعض الناس تشترى ....تمام ... وهتلاقى عندك فى الشارت القادم الترندات اللى بتبين كدا على القيعان فى المؤشر وفى الشارت ... تمام ...
أوكى طيب الناس اشترت فى اتجاه هابط وللا صاعد ؟ فى اتجاه هابط ... يبقى فية ناس منتظرة تبيع ... طيب يبيع منين ؟ أكيد من نقاط قوية ينتظروا عندها كل واحد حسب خبرته ونظرته للشارت .... أنا ممكن اقول باعوا لما قابلوا الموفنج 100 ...عادى وممكن يكون 20% من اللى باعوا باعوا للسبب دة لوحده ... وممكن يكون لترقيم اليوت مثلا اللى كتبته لك على الشارت ... القمة 4 مش هتعدى القاع 1 ابدا علشان اليوت يستريح فكان مكان جامد للبيع ... طيب انت سؤالك هو ...لية طلع اصلا ؟ علشان يضرب ستوبات الناس ؟ لأ ...علشان ناس بتوع الشموع مثلا كانوا شايفيين الجنود الثلاثة ( انا كنت شارى وقتها على فكرة ... رقميا ) وناس قالو شمعة الأرتداد من الموفنج ضعيفة وغالبا هيكسرها وناس ... وناس ... لكن فى النهاية البائعين اكلوا الجو ...انا خسرت وضاعفت وناس خسرت ورضيت وناس باعت وقفلت و .. و... و.. وتحرك الشارت .