والله يا شباب الصراحة العالم قرفانة المنتديات لأن صارت 80% من مواضيع الأعضاء هدفها النصب وجذب الاعضاء للخاص و 80% من المواضيع اذا مو اكتر بتبلش تقراها بتقول هيدا عاجن الفوركس عجن وعندو طريقة الحل السحري وبيحكيلك كلمتين رنانين وهوي نفسه بعد ما بيكون جذب لي بدو ياهم عالخاص بيستعمل اسم عضو اخر (طبعاً هوي صاحبه) وبيخلق مشكلة وعلى اساس بسبب هالمشكلة ما عد يكمل شرح, وهوي بالحقيقة ما عندو شي مهم بس طريقة لجذب العملاء عالخاص والنصب عليهم .واغلب المنتديات عم بيتم فيها التساهل بهالموضوع خوفاً ما يخسروا اعضاء بالنهاية عم بتكون النتيجة خسارة اكبر لأن كل لي تم جذبه عالخاص ما عد يرجع يفتح منتدى او اذا فتح رح تلاقيه مشاهدة وبس بدون تعليق. انا بعتقد على الادارة حذف اي موضوع من اوله عناوينه غير واقعية كمثال: ربح 100% او وداعاً للخسارة واو هيك شي. هيدي أو خطوة لزيادة الثقة بالمنتدى . وثانياً انا بقترح اي شخص بدو يفتح موضوع توصيات يكون احد شروط الموضوع فيديو لايف لتجارته على حساب حقيقي بنفس التوصية لأن 100% من التوصيات اصحابها على حسابات ديمو . هيك بينشئ المنتدى جيل من مذويدي التوصيات الموثوقين وبعتقد هالطريقة بتزيد الزوار للموقع اضعاف. بالنسبة لطريقة مذويدي التوصيات ممكن تصير بطريقة انه الشخص بيحط التوصية لايف لمدة تلت شهور مثلأ وبعدها ممكن يدخل بعقد مع المنتدى يفتح حساب عالزولوتريدر مثلأ والمنتدى بيكون وسيلة دعاية ,وبياخد نسبة وبيراقب نتائج المزود وبيستمر مع النتائجهم متوازنة.ما في براس افكار تانية هلأ اسف عالإطالة.