أولاً شكرا لكل من شارك وقال رأيه فى الموضوع اللى أكيد المفروض يهم كل واحد بيتعامل فى سوق الفوركس طالما إنه يتعلق بالحلال والحرام فى رزقنا .. أكيد مافيش حد يحب مهما كانت أرباحه أن يكون فيها ولو جزء ضئيل فيه شبه حرام
أنا قرأت الفتوى مرة أخرى وقرأت كل التعليقات من الأخوة الأعضاء ومنها مشاركة إدارة الموقع وهاحاول أقول رأيى وهالخصه فى عدة نقاط
1- بالنسبة لسؤالى إلى دار الإفتاء أعتقد إنه كان واضح ومباشر عن قضية واحدة تتعلق بالفوركس والسؤال عن مدى شرعيتها او مشروعيتها وليس السؤال عن سوق الفوركس كله لكنى تفاجأت إن الإجابة عن طلب الفتوى جاء مستوفى لكل أركان سوق الفوركس .. هذا للذى قال إن سؤالى لم يكن واضح وصحيح من البداية
السلام عليكم...احيك ياgenie علي ردك الجميل واكرر اني لم اقصد مطلقا التقليل من سؤالك او جهدك المشكور في تحري الحلال ولكن اسمح لي في التعقيب:
2- مقولة إن الشركة لا تشاركنى فى الأرباح فطبيعى أن لا تتحمل معى الخسارة .. هذا كلام غير دقيق .. رد الفتوى كان يتحدث عن زيادة رأس المال ينطوى عليه زيادة "قيمة الخسائر" وفى المقابل لا توجد مشاركة من الشركة فى تحمل هذه الخسارة (التغير أو الفرق يتحمله العميل وحده) ومن هنا تأتى المخاطرة التى تتحدث عنها الفتوى .. فليس العبرة أن الربح يأخذه العميل وحده لإن المخاطرة أيضاً عالية جدا كما تم ذكرها .. وهنا عايز أقول حاجة مهمة .. الفتوى تأخذ كلها وليس جزء منها وجزء لا .. بمعنى أنه ذكر فى البداية أن هذا السوق يعتبر هو الأخطر على الإطلاق وبعدها قال أن الخسارة الناتجة عن الزيادة فى راس المال وباتالى التى يزيد فيها غحتمالات الخسارة (كقيمة أو كمبلغ) يتحملها العميل لوحده إذا وضعنا الجملتين بجوار بعضهم هانفهم إن أه الشركة لا تقاسم العميل فى الربح لكنه سوق عالى الخطورة وبالتالى إحتمالات الخسائر أكبر وهو ما يحدث فى سوق الفوركس فعلاً فكما يعلم خبرائنا فى المنتدى وفى سوق الفوركس بصفة عامة أنه وفقاً للإحصائيات فإن 30% فقط من المتعاميلن فى سوق الفوركس يربحون وال 70% خاسرون
لا هو كلام دقيق...اولا لان الشركة تقول لك من البدية انه سوق عالي المخاطر..بالنسبة لان قيمة راس المال تزيد الخسائر فالمبدأ الرئيسي لاي تاجر في العالم يعرف معني التجارة ان انت متغامرش بكل فلوسك عشان لما تقع تعرف تقوم تاني
وخلي بالك من لما تقع دي لانك اكيد هتقع لانها تجارة"كل شئ بامر الله طبعا فنحن لا نعلم الغيب ولكن ناخذ بالاسباب" ...وانا لم اخذ جزء من الفتوي واسيب الاخر انا بفند الاسباب التي اعتقد انه بني عليها رأيه بغير كامل المعرفة و الالمام بالموضوع
3- رد الفتوى يذكر أن من أسباب حرمة التعامل فى سوق الفوركس هو التعامل مع وسائط غير مباشرة (يقصد المنصات أو شاشات الكمبيوتر) وليس بشكل مباشر وقد يكون سبب الحرمة فى ذلك هو أنه لابد ان يكون غختلافات فى الاسعار المتعامل بها فى نفس الوقت .. ربما هذا هو التفسير الحقيقة لا أعلم
لا مش هو ده السبب الحقيقي لان هو احل البورصة العادية كالبورصة المصرية مثلا ومن له درايه بالبورصة يعلم انك تنفذ اوامرك من خلال وسيط مالي تتصل به وانت تتابع السعر من شاشة كمبيوتر ايضا وعلي النت ايضا و تقوله بيع و اشتري
شوف انت بقي كل ده ممكن يكون السعر اتحرك قد اية وشوف في الفوركس انت بتنفذ اوامرك لايف وانت قاعد وبنفسك ومن السعر الذي تريده وعلي فكرة انت لو عايز تتصل باشركة الوسيط وهي تنفذلك الامر في الفوركس ممكن تعمل كده عادي لان المكالمة مسجلة وده يعتبر ابرام للعقد ولكني اعتقد ان قصدهم غير هذا
4- زيادة راس المال (الرافعة) ايوة بتزود عمولة الشركة (قيمة العمولة) وليس العمولة كنسبة مئوية او رقم مطلق .. بمعنى العمولة فى عقد ب 10 الاف دولار ستكون 3 نقاط مثلا اى 3 دولار .. ولكن مع الرافعة سيكون الدخول ب 100 الف دولار مثلا وبالتالى ستكون العمولة رغم انها 3 نقاط ايضا - ثابتة كما هى - لكنها ستزيد كقيمة وستصبح 30 دولار بدلا من 3 دولار اى بزيادة 1000% (عشرة أضعاف)
عندك حق ولكن الشركة تضمنك او تدعمك باموال ولذلك تاخذ عمولتها علي الاموال التي اصبحت موجودة بعد الضمان
مثال:هو انا لو فتحت بالبلدي كده دكان بقالة صغير مكلفة1000جنيه انت عايزني اكسب زي كارفور اللي مكلف 10 مليون
5- جميع الشركات التى نتعامل معها فعلا هى شركات وسيطة وليست هى من تقدم الاسعار بنفسها .. هذه بخصوص النقطة الخاصة بالإعلانات على الإنترنت
معني كلامك ان انا لو من كبار المستثمرين و بتعامل مع البنك مباشرة دون وسيط يبقي حلال
6- الغرر بالفعل يحدث ليس فى الرافعة المالية فقط ولكن ايضا فى البونص .. ولكن ما عليك بالبونص خلينا فى الرافعة المالية بالفعل ان النتائج المترتبة على الراافعة المالية يتحملها العميل وحده دون مشاركة من الشركة كما اشرت فى النقطة رقم 2
رددت عليها فيما سبق ان من يغرر به هو الطماع اللي مش فاهم مش في السوق اصلا وليس شخص اخر...بالنسبة للبونص هديك مثال:
عندك محلين بيبيعوا لبس وفي واحد منهم عامل خصم 30% والتاني لأ انت هتشتري منين؟
7- بخصوص الهامش تم تحريمه فى الفوركس واباحته فى البورصات .. لا أعلم هذا الأمر لكنى قرأت فتوى على نفس الموقع "دار الإفتاء المصرية" يحرم التعامل فى البورصة اذا كانت قائمة على المضاربة ويحللها اذا كانت قائمة على دراسة وضع الشركة والسوق بصفة عامة (يقصد تحليل اساسى) وكان الدخول بغرض المشاركة والمساهمة الحقيقة فى الشركة .. يعنى اللى عايز أقوله ان التحريم مش بيكون على طول الخط ولكن كل حالة لها حكمها .. وقد يكون الهامش من البورصة عشان غير مبنى على مخاطرة عالية مقبول ولكن فى الفوركس غير ذلك
المتاجرة بالهامش في اي حته لا تختلف...وبرده هنقول تاني يعني هي البورصة فيها دراسة والفوركس لأ
8- ليس معنى أن هناك إختلاف بين العلماء إن كل واحد يتصرف زى ما هو عايز قياساً على مقولة "لبسها فى عالم وأطلع سالم)
.. القاعدة هى "إستفتى قلبك" أى إستفتى قلبك من بين أراء العلماء وليس معنى الإختلاف يبقى أى حاجة أعملها ولا حرج وهناك قاعدة أخرى أيضاً تقول "وأدرءوا الشبهات"
طبعا عندك حق في مقولة استفتي قلبك...اللهم اهدي قلوبنا الي الحق
9- فكرة ان ده تضييق على الشباب فى البحث عن مصدر رزق .. هذه النقطة اللى بفكر فيها طول النهار ومن ساعة ما قرأت الفتوى .. مسببات الشر والتضييق والذنوب بقت فى وقتنا أكبر بكتير من أى عصر وأى زمن مضى .. طب لو الفوركس فعلا حرام وفى شاب عايز يبدأ حياته بمبلغ صغير ويكبره وقدر يعمل كده بدل ما ينحرف او يعمل حاجة غلط او يتاجر فى المخدرات مثلاً .. هل هذا الأفضل .. لكن فى مسألة الحلال والحرام لا يوجد هذا المبرر .. لإن عندها لو أخذنا بالقياس يبقى ممكن نحرم السرقة والقتل والزنى بحجج مختلفة
وفى النهاية بالنسبة لى أنا لا أملك من العلم شيئاً سواء فقه أو غيره .. لكنى فى حيرة من أمرى وبالفعل أنا بكلمكم وأنا عامل أرباح من الفوركس لم أحققها من سنة ونص من ساعة ما بدأت فى الفوركس .. ووصلت إجمالى أرباحى ضعف ما خسرته فى الفوركس .. لكن مش معنى كده إنى أغمى عينيا عن شئ قد يكون حرام وأنا لا أعلم