الكتابة
الجزء الثاني
راح نبدي نكتب كلشي يخص التداول مو مهم مبتدأ او محترف -من وجهة نظري طبعاً- لازم تسجل كل شاردة وواردة مهما كانت بنظرك صغيرة وماالهه قيمة مثل ماكلنة هذا الشي الوحيد اللي يحمينة من العدو الأول (هوى النفس)...
طبعاً التقسيمات اللي راح اذكرهه هي خاصة بطريقت عملي وصارت عليهه تعديلات بمرور الزمن وزيادة الخبرة فممكن بيهه اشياء مراح تفيد الجميع وممكن واحد يضيف عليهه تقسيمات اخرى تناسب طريقة عمله...يعني باختصار كل شخص يشوف الطريقة المناسبة الخاصة بي اللي تتماشه وية طريقة عمله...مستعمل دفتر سجل 200 ورقة ومقسم كالتالي:
1-البيانات التعليمية: ممكن تسميهه التحليل الفني او الجانب النظري براحتك....مختصة بنقل المعلومة من المصدر الى السجل مباشرة بدون اي تدخل مني لذلك سميتهه بيانات راح نشرحهه اكثر بعدين ان شاء الله...
2- الرافعة المالية وادارة رأس المال: مختصة بكل شيء يخص الربح والخسارة كأرقام يعني اكثر شي رياضيات
3- التجارب العملية : هذا القسم يخص جميع اللي نتعلمة وراح نطبقة ديمو من ادارة راس مال وستراتيجيات وغيرهه راح نوضحهه اكثر بعدين ان شاء الله
4- الصفقات : هذا القسم من اسمة واضح نسجل كل صفقة دخلناهه ونحللهه من كل الجوانب..
5- الاستراتيجيات : هذا القسم خاص بطريقة العمل المتبعة..
ان شاء الله راح نطبق كل قسم عملي وراح ادز صور لكلشي كاتبة ....ومن الله التوفيق