مثال...
فرصة دخول على الساعة إعادة اختبار للمتوسط ال200 مع سلوك سعري على مستوى 50 فايبوناتشي واختراق لمستوى ال50 RSI
وحسب الدخول الكلاسيكي راح ندخل شراء والسعر صحح اقل من 61 فايبو معناهه السعر راح يمتد حتى ال161 فايبو (التصحيح عندما يكون 61 فايبو فمادون راح يمتد الى 161 فايبو وعندما يكسر 61 فما فوق التصحيح راح يكون من 123 الى 138 فايبو).....هذا الكلام النظري ولكن الكلام الواقعي شنو راح يكون ....
راح يتحكم العامل النفسي وحسب النظرة المعتادة راح نقول بارك الله فيما رزق ونخرج على ربح ضعف الاستوب لوز وراح نقنع نفسنا بأنه الطمع غلط وممكن السعر بأي لحظة يعكس عليك وهذا الكلام صحيح بقدر ماهو خاطيء...
ممكن السعر راح يعكس عليك وياخذ ارباحك وممكن السعر يبقى باتجاه صفقتك وتحقق مزيد من الارباح....زين الحل شنو؟؟؟!!!
الحل بمنتهى البساطة تخلي القانون الأول وتشتغل .... فراح تعرف اذا عكس السعر وراحت الارباح الذنب ذنبك واذا صعد السعر وانت طلعت بسرعة هم انت سبب الخسارة للارباح المحتملة اللي الله سبحانه وتعالى ارسلها الك وانت بمنتهى البساطة رفضتها....بهاي الحالة تغير المنطق تماما لان انت جنت متصور هذا طمع في حين الحقيقة هذا خوف ....المهم من كل هذا الكلام انه من خلال هذا القانون راح تغير فكرك بالتداول وراح تربط الفريمات الاكبر والاصغر مع صفقاتك فيصير الاستوب لوز اقل مايمكن والاهداف اكبر مايمكن ....
هذا الذكرته مجرد مثال عن القانون الاول وراح يتبعه ان شاء الله امثلة اخرى تخلي الموضوع واضح وبمنتهى البساطة...
المثال رفقته بالمرفقات ماكدرت انزله مباشرة وية الكلام ياريت اللي يعرف شلون يساعدنه بيهه لأنه (معونة الضعيف صدقة)...