نشرح بطريقة اخرى القناة المتسعة والقنوات المتداخلة ..
شوف ياسيدى الفاضل ..وصديقى اللورد ...هانفترض ان القناة المتسعة ديه تم تحديدها
من رقم 120 حتى رقم 320 ...تمام
يبقى كدة سعادتك عندك قناة متسعة بتتحرك 200 نقطة
يبقى سعادتك لو العملة الان عند رقم 300 مفروض ايه ...تبيع مش تشترى
ليه ..لأن قمة القناة المتسعة عندك هى 320 ...
يعنى بكتيرك تكسب 20 نقطة فى حالة عدم
استطاعة العملة الأختراق ..تقولى ماهى هاتخترق ..
اقولك طيب ماتصبر وساعتها هاتشترى بغرض
الحصول على نقاط أكثر لأنك دخلت قناة متسعة صعودية أخرى ..
طيب العملة طلعت فوق ال 320..تمام يبقى كدة هى طالعة بس علشان
تتأكد هناك ارقام قوية
يجب اجتيازها يعنى ممكن تلاقى ال 351 رقم مهم امام العملة
إذا مااجتازه هو الآخر فهذا يعنى تأكيد الصعود
والعكس صحيح فى الهبوط ..
طيب يبقى فهمنا ان القناة المتسعة ديه بتتحرك من 120 الى 320
طيب العملة الان ب 200 اعمل ايه انا دلوقتى يعنى ابيع ولا اشترى ولا اسافر مارينا
ستجد ياصديقى داخل القناة المتسعة قنوات ضيقة ..وفى هذا المثال
تجدها من 120 الى 170 قناة
ومن 171 الى 240 قناة
ومن 241 الى 320 قناة
طيب العملة ب 200 ..تبص على القنوات الضيقة تلاقى القناة من 171 ل 240
تمام ..يبقى انا لو اشتريت فى تلك القناة اعمل حسابى ان العملة ممكن تنزل بيا
لغاية 171 وهو أدنى رقم فى القناة ..يعنى ريسك 30 نقطة ..
فى حين ان صعدت وكملت
يبقى المستهدف 320 اللى هى قمة القناة المتسعة ..تمام .
.يبقى انا كدة ماشى صح
* ديه الفكرة المبسطة للقناة المتسعة والقنوات الضيقة اللى هانشتغل عليها ان شاء الله
وبالطبع سيكون هناك مؤشرات عديدة تؤكد الهبوط او الصعود اعلى القناة او اسفلها ..