بسم الله
أول حاجة بنعملها هى النظر الى الشارت فارغ تماما بدون اى اضافة و محاولة استنتاج حركة السعر بين الدعوم و المقاومات لاستنتاج الحركة المتوقعة
يعنى هنخد الدولار ين مثال
الاتجاه انا محلل انه هابط و ده بيكون بالكلاسيكى طبعا...انا شخصيا باستنتج الاتجاه من النظر للشارت و الدعوم والمقاومات
بعد كده لاحظنا ان الاتجاه هابط الموضح بالسهم الاحمر فى الشارت..طيب انا عايز أدخل دلوقتى..أبدأ ادور على أقرب دعم قوى و هى أكبر منطقة أو سعر يمر بيها ذيول شموع زى ما أنا موضح فى الشارت باللون الاصفر
لو بصينا بسرعة على شارت الساعة هنلاقى السعر ده بردو عنده ذيول على الساعة
يبقا كده انا حددت انا هدخل منين و بمجرد اغلاق شمعة على الخط ده اة تحته بدخل عالطول
نيجى بقا ازاى نحدد الهدف و الستوب
بما ان شغلنا بيكون على فريمات صغيرة و أهداف صغيرة فالستوب لن يتعدى ال 30 نقطة ان شاء الله و لو ملقناش ارتكاز نحط فوقه الستوب يبقا مش هندخل الصفقة دى
نبص على فريم النص ساعة هنلاقى أقرب هاى للسعر هو اللى عند الخط الازرق و ده فى حدود 20 نقطة يبقا أحط الستوب 30 و انا مرتاح
الهدف..سعر 85.24 هو تجمع لذيول شموع يبقا ده ممكن يكون الهدف بس الهدف كده هيكون صغير جدا 10 نقط
طيب ندور على الدعم اللى تحته و هو 85.17 برده عنده تجمع ذيول يبقا نحط الهدف عنده مع مراقبة الدعم الاول لو لقينا السعر عمل منه شمعة انعكاسية على الربع ساعة يبقا نخلع من الصفقة و الحمد لله
*تحديد نقطة الدخول بنراعى فيه الفريمات الكبيرة
*تحديد الهدف و الستوب بيكون على الفريمات الصغيرة بس لانها بتدى صورة اوضح
ده أسلوبى فى دخول الصفقات
ان شاء الله هنخد أمثلة كتيرة دلوقتى و أى حاجة مش واضحة او مش مفهومة أنا جاهز للاسئلة
الله الكريم